والله أنا حالى معاك بيبكى

والله أنا حالى معاك بيبكى

ولا تصدق دا يضحك موت

أنت تقولى كلام وتحكى

وأنا يوصلنى كلام فى سكوت

تهت أحترت من أللى أنا فيه لا عارفة أصدق

ولا عارف أكدب طب أعمل أيه ؟

كل دا ليه قلبى أتعذب وأنت ...

وأنت نسيه وجى بتلومه وتيجى عليه ؟

قالوا فى قلبك حب جديد سكت

...... وقولت أنا أللى فى بالك


جوه عيونهم تهت بعيد ولما رجعت ......

حيرنى أنا حالك

جوه عنيك شفت غرام ...........

خايفة أصدق بقى دا ليه ؟!


ولا أنا شفت فى عنيك أوهام والله حرام دا كفايه عليا


أيوة تعبت ....... أيوة فى حبك شفت جرح وعذاب


حتى فى قربك شفت المر وجوه عنيك أمل كذاب


أنا مش بشكى ولا بحكيلك أنا بترجى تبعد عنى


لما تشفنى أو حتى أجيلك خدنى فى حضنك قرب منى

شفت الحيرة شفت عذابى
شفت يا حب عمرى يا كل أحبابى

والله انا معاك بيبكى

كلمات جميلة وموضوع اجمل
بس ياريت تنسقي الموضوع فى ابيات
وفعلا الشك فى الحب بيدمر احيانا
كل شئ حلو فيه
تقديرى لقلم شخصك

مرسى قوى لزوقك
وحولت انسق الموضوع اكتر من مرة بس الحقيقة مطلعش زى ما كنت منظمه ومعرفش ليه
بس اهم حاجة تكون الكلامات وصلت والاحساس

حلوة يا سمر
صعبتي عليا الصراحة
و ربنا ييسرلك الامور
o:-)

ميصعبش عليك غالى يا مصطفى متقلقش انا كويسة ومفيش حاجة
دى مجرد فكرة وموهبة وانت مقولتليش رايك فى فكرتى وموهبتى واحساسى

الموهبة جامدة من زمان
و انا ايه يعني عشان احكم عليكي
و الاحساس , الصراحة محبيتهوش
حزين و مش طالبة كئابة
75% من حالات الكلام عن الحب ارتبطت بالحزن
مع ان الواحد بيحب عشان ينبسط!
بس ولا اي انبساط :)
انا محبيتهاش عشان حزينة
بس هي جامدة طبعا يا سمورة

الله والله حلوه يا سمر بجد احساسك حلو وتملي نكديه
يا بنتي والله انتي طريقك سالك مع هاني شاكر اساليني انا

مبدعه كاعاده يا سمر كلام احساسه جامد وفكره هايله بتعبر عن ناس كتير وكمان

كلامك خفيف وقريب من القلب

حاولت اظبط التوبيك شويه على شكل مقاطع اصل الصفحه صغيره من فوق وبتعمل

معايا كده كتير الاقى حاجه غير اللى كنت منسقاها

ديما بتقول حكم يا كبير.....=((

اولا يا مصطفى انا عوزاك تحكم عليا باحساسك وتحكم على معنى الكلامات والاحساس وان كان الحب فيه لحظات حزن كتير يمكن لان لحظات الفرحة فى الحب صعب التعبير عنها ووعد منى خلال يومين انزل حاجة تبقى رومنسة واحسن بس غصب عنى موعدكش ميكنش فيها شوية قلق وخوف على الاقل طبعى كده

ومرسى يا فهمى على وصفى بنكدية بس بعرف اكتب رومسى وحاجات تفرح ووصفى بنكدية اكدلى ان احساسى فى الاغنية وصل ودا اكيد يرضى غرورى واقدر اول انى فى يوم ممكن اوصل وابقى حاجة فى مجال الكتابة

تسلمى يا منورة على تظبيط التوبك انا والله ةحولت بس فشلت ويارب دايما كدة كلماتى تعجبك

انا بقى اكتر واحدة حاسة الى انتى كاتباة عشان عارفة الظروف الى كتبتى فيها الكلام دة

بجد معبر واحساسك واصل جداااااااااااا

تسلمى يا سمر

اكيد وانا متاكدة وفعلا بحب كتاباتك قوى

@};-@};-@};-

تسلميلى يا قمر ولا حد يقدر يفهمنى ولا يحسنى غيرك

والله ياسمر انتى مبدعه طول عمرك
حتى وانا بقراها لقيت الكلام ماشى سهل معايا ومش بوقف على كلمه توقع المقام بتاع الابيات
بس هو اه حزن بس بتدل ان الانسانه دى بتحب الشخص ده جدا وهى نفسها يبقى معاها بس بتحاول انهم يبعدوا عن بعض لظروف ما
اكثر بيت عبر عن الحكايه دى هو ده
أنا مش بشكى ولا بحكيلك أنا بترجى تبعد عنى


لما تشفنى أو حتى أجيلك خدنى فى حضنك قرب منى
فلو هى مش عاوزاه وفعلا صادقه لما بتقوله بترجى تبعد عنى
مكانتشى قالتله لما تشفنى او حتى اجيلك خدنى فى حضنك قرب منى
ومعنى ده انها محتاجاله بس عاوزاه هو يحسسها بيه ويبقى جنبها اكثر من كده

اكيد طبعا اللى انا قلته ده كله من اول كلمه لاخر كلمه ممكن يكون هجص بس انا شايف كده بصراحه
ودايما مبدعه ياسمسمه وربنا يوفقك فى حياتك

الله يجبر بخطرك أيه الكلام الحلو دا ربنا يخليك ولا أى كلام يتقال بعد كلامك
وبجد انت اخترت اقرب بيت فى الاغنية لقلبى

جميلة جدا يا سمر بجد تسلم ايدك

مرسى يا نودى على ردك ويارب دايما كلاماتى تعجبكم كدة