أتحبنى وانا ضريرة لــ نزار قبانى ( من اجمل ما كتب للمرأة )

انا لما قريت القصيدة دى
كنت على استعجال
فلم اتفهم المغزى الواضح
للقصيدة
ولكن لما أدركت المعنى
وجدت ان نزار قبانى
لم يضاهيه شاعرٌ فى عصرنا هذا
ابدع فى السرد الشعرى النثرى
الساطع بنجوم الكلمات
فهذه القصيده خير دليل على كلماتى
فى حق هذا الرجل
ففى هذه القصيدة اوضح لنا
كيف يهب المحب محبوبته نور عينيه
دون ان يخبرها انه هو من فقد عينيه
من اجلها .... من أجل ان تحيى
وهوا يموت

أتحبني وأنا ضريرة...

وفي الدُّنيا بناتُ كثيرة...
الحلوةُ و الجميلةُ و المثيرة...
ما أنت إلا بمجنون...
أو مشفقٌ على عمياء العيون...

قالَ...
بل أنا عاشقٌ يا حلوتي...
ولا أتمنى من دنيتي...
إلا أن تصيري زوجتي...
وقد رزقني الله المال...
وما أظنُّ الشفاء مٌحال...

قالت...
إن أعدتّ إليّ بصري...
سأرضى بكَ يا قدري...
وسأقضي معك عمري...
لكن..
من يعطيني عينيه...
وأيُّ ليلِ يبقى لديه...

وفي يومٍ جاءها مُسرِعا....
أبشري قد وجدّتُ المُتبرِّعا...
وستبصرين ما خلق اللهُ وأبدعا...
وستوفين بوعدكِ لي...
وتكونين زوجةً لي...
ويوم فتحت أعيُنها...
كان واقفاَ يمسُك يدها...
رأتهُ...
فدوت صرختُها...
أأنت أيضاً أعمى؟!!...
وبكت حظها الشُؤمَ...

لا تحزني يا حبيبتي...
ستكونين عيوني ودليلتي....
فمتى تصيرين زوجتي...
قالت...
أأنا أتزوّجُ ضريرا...
وقد أصبحتُ اليومَ بصيرا...

فبكى...
وقال سامحيني...
من أنا لتتزوّجيني...
ولكن...
قبل أن تترُكيني...
أريدُ منكِ أن تعديني...
أن تعتني جيداً بعيوني...

لسه قارئها قريب في مكان ما بس
مكنش مكتوب انها بتاعت نزار
عالعموم جميله جدا القصيده
تسلم يا لست قلبي

اول مره اشوفها بس جميل اوى

ومحزنه اوى فى نفس الوقت تسلم @};-@};-

والله انته اللى تسلم على تشريفك ليا فى كل مواضيعى
وديما انا بنبسط لما تكون انته مبسوط من اى حاجة انا برفعها عالمنتدى
فحقيقى شكرا ليك وتحياتى

مهوا حزينة بسببكوا
الواد مضحى بنور عينيه للى بيحبها
وياريته طمر فيها ولا بيطمر فيكوا حاجة اصلا ههههههه
اسف على لهجتى فى الحوار بس انا مضايق مش عشان
القصيدة عشان انا ليا واحد صاحبى مر بنفس الموضوع ده
وزى العادة غدرت بيه وسابته رغم انه على يدى
الواد كان قايد ايده الاتنين شمع ليها
تعالى شفيه دلوقت ( الواد انطفى بعد ماكان وردة مفتحة )
اقول ايه بس منكوا لله ربنا يجازيكوا عاللى بتعملوه فينا
بس طبعا مش يجازيكى انتى على تشريفك موضوعى
واعجباك بالخاطرة اللى اسعدنى كتيرررررر
شكرا منورة على مرورك وعلى كلامك
ديما يارب اكون عند حسن الظن

على فكره هى جميله اوى
كان معمول كليب لاغنيه بتاعه حلمى عبد الباقى بنفسى المضمون ده
فكره الكليب قايمه على ان واحده مش بتشوف فهو حبها فاداها عيونه وبعد كده مقالهاش ان هو اللى اتبرع ليها
وفضل كاتم فى نفسه
بس حاجه مؤثره فعلا
هو الحب ممكن يوصل لكده؟؟
مجرد سؤال

بص انا مسمعتش عن موضوع التضحيات الكبيرة اووووى دى
الا فى حكايات قيس وليلى
بس ممكن تلاقى
انا بسمع ان فى ناس بتنتحر عشان خاطر
انهم موصلوش لحبهم فمبدالك لو وصل لحبه وطلبت منه حبيبته
حاجة زى كده أكيد هيوافق
ده ضحى بحياته وهيا مش بتحبه
امال لو حبته وطلبت منه حياته فاكيد مش هيتأخر
بس دى حالات شواذ مش موجودة كتيرررر فى حياتنا
والحب الصادق حالاته قلية اوووى فى زمن غابت عنه المشاعر والاحاسيس

لالالالالالالالالالالالال الالالا
بعد اذن حضرتك
انا هختلف معاك اختلاف شديييييييد
حتى لو هنوصل لحرب
:d:d:d
اولا:
فعلا نزار قبانى شاعر ممتاز لكنه ليس الافضل ابدا ابدا ابدا ابدا
نار قبانى فى معظم قصائده يميل الى الاسلوب النثرى
و يغلب عليه ... فتتجرد بعض القصائد من الخاصية الشعرية
اضافة الى انه فى غالبية قصائده يستخدم تجسيدات لا يصح ان تقال
و انت تفهم ما اقول
ثانيا:
الشاعر الذى يستحق ان يكون افضل شاعر فى التاريخ بدون منافسة من احد
هو العملاق الكبير الرائع
فاروق جـــــــــــــــــــــويد ة
و عندما تقرا له و تسمع له
ستعرف ما اقول
و شكرا

استنى بس
مش معنى اننا بنرفع لنزارقبانى قصائد نثرية
يبقى هوا مكنشى بارع فى الشعر
ولانى اعلم ان نثر نزار فاق بكثير قدرته الشعرية
وهذا ليس بعجز بل ان النثر أولى من الشعر
والقرآن الكريم خير دليل
وكبار القراء والشعراء قالوا ان نثر نزار أحلى من شعره
فعشان كده ديما تلاقى قصائدة النثرية منتشرة على مواقع النت عن قصائده الشعرية
اما حكاية فارق جويدة
فده ابن بلدى فاكيد اكيد انا لازم أكبر بيه
عن اى شخص تانى مهما كان اعجابى بشعر الاخر فاق الحدود
وفاروق جودة شاعر مميز حقا وانا عن نفسى بحبه وبفضل كتاباته
يارب اكون بكده أخمدت الحرب
اللى ممكن كانت تولع فالمنتدى كله
هههههه
اه ومن حيث الفاظ نزار فى بعض قصائده
فانا معاك فى الحتة دى
انته تعرف ان كان فى قصيدة كانت تُدَرس فى
منهج الاعدادى فى بداية التسعينات
تم الغائها نظرا لما فيها من ايحاءات ليست مناسبة
بس ده مش معناه ان كل قصائده بالاسلوب ده
احنا بننتقى الافضل
وشكرا

تمااااااااااااااااااااااا م يريس كلامك سليم نزار نثره رائع و جميييييل
بس كمقدرة ادبية فاروق جويدة يكتسح
سواء فى مقالاته الصحفية او قصائده الشعرية
طب انت تعرف ان فاروق جويدة له مسرحيات شعرية زى مسرحيات شوقى
بل انها تفوقت عليها كمان
..........
انا قريت مرة نقد لكاتب سورى على زار قبانى
قال عليه ليس عنده ديباجة شوقة ولا حكمة المتنبى و لا فصاحة البحترى
و لكنه جعل الشعر خبزا يقتات منه الناس
............
و نصيحة كتر من قرايتك لفاروق جويدة و فكك من نزار
و هتعرف اللى انا بقولك عليه
انا الحمد لله
خلصت قصائد نزار و فاروق جويدة و قريت لمحمود درويش و احمد مطر
بصراحة كل مدى ما بكتشف
ان نزار اقلهم
.............
و تقبل فائق احترامى و تحياتى

ههههههههههههههههه
انا حاسس ان فى عداء شخصى بينك وبين الراجل ده
بس برده متنساش انه كتب قصائد وطنية ضد الاحتلال الاسرائيلى
من اروع الوطنيات على مستوى الشرق الاوسط والوطن العربى
وتغنت بكلماته سيدة الغناء العربى ام كلثوم زى اغنية
أصبح عندى الآن بندقية وغيرها
انا مش بدافع عنه واكيد طبعا فيه الافضل منه بمستويات
انته تعرف طبعا كامل الشناوى صاحب قصائد ( لا تكذبى / لست قلبى )
كان حكاية هوا كمان ومازال يستحوذ على قدر كبير من استطلاعى
اما احمد مطر ومحمود درويش اوعدك انى استطلع عنهم
لانى فعلا انا عرفهم اسماءا بس
اما عن جويدة فهوا حبيبى اصلا
وشكرا على اهتمامك بالرد والمشاركة

:d:d:d:d

جميله جدا
انا قرتها اكتر من مره و كانت بتعجبنى اوى
بس اول مره اعرف انها لنزار قبانى