الصداقه بتاعه اليومين دول (هام جدا)

كالعاده موضوع كلنا بنعيشه ولازم نتناقش فيه عشان كده قررت اتواضع واكتب عنه[-O<
والنهارده ياجماعه
هنتكلم عن الصداقه
بس مش الصداقه اللى احنا عارفينها طول عمرنا اللى هى
الصديق وقت الضيق وفى لاافراح ويشاركك الاحزان والكلام ده
لا احنا عاوزين بقى نناقش صداقه اليومين دول
اللى هى لابد ان تكون لغرض ما مع طبعا ان فى علاقات ناجحه كتير بس الاغلب مصلحه يعنى
وكمان ان حتى لو فى صحاب بقالهم خمس او ست سنين مع بعض فى الجامعه او فى الشغل او اى حاجه ممكن يجى عليهم فتره يسيبوا بعض ويقلبوا على بعض حتى لو كان فى بينهم حب
فانا عاوز اعرف ايه اللى ممكن يخلى الاصدقاء تنقلب على بعض بالشكل ده يعنى اللى انا ملاحظه ؟؟؟
وكمان ليه مفيش حد عاقل بيدخل بيننهم ويحاول يحل الحكايه دى ؟؟؟
سؤالين بساط جدا
حاجه بسيطه جدا وكلنا بنعاصرها على فكره
ولا ايه بقى ياشباب
انتو والبنات
مانتوا كلكوا اصحاب
amino2@};-@};-

فانا عاوز اعرف ايه اللى ممكن يخلى الاصدقاء تنقلب على بعض بالشكل ده يعنى اللى انا ملاحظه ؟؟؟
كاصحاب يعني
اها
البطيخه هيا السبب
والبطيخه وانته بتشتريها بتكون عارف اذا كانت حلوه حمرا مرمله ولا قرعه وماسخه ومش سمتويه
يبقى السبب ايه
البطيخه
وسعات نعمل معلمين ونخبط عليها قبل منشتريها وبرضو تطلع قرعه
دي بقى خبرات في الاختيار يا اما حب مهو اصل الاصدقاء منا بينهم حب برضو
او يكون بقى ايه
يعني لقيت حد شبهك في صفاتك في خواصك في تعاملاتك في مجالك في طموحاتك
بس
صدقني
متكتبش حد نهائي بالجف في صفحه الاصدقاء

وكمان ليه مفيش حد عاقل بيدخل بيننهم ويحاول يحل الحكايه دى ؟؟؟

عشان متبقاش انته الحمار والغلطان
ده غير ان ممكن حد منهم يوجهلك كلمه جارحه
او يقولك متدخلش انته
ولا ولا ولا
فتزعل انته منو
وبدل ميبوق اتنين زعلانين يبقو تلاته
وبصراحه
ميستاهلوش
انا لما اشوف حد قدامي مش هاممهم حد وبيستهبلو
سبهم لغايه ميولعو في بعض
المهم ايه
يلا نفسي

الاصدقاء
ممكن يخربشوا في بعض
بس مفتكرش يعوروا بعض
و مفتكرش انهم ممكن يسيبوا بعض
احيانا بتبقى اوقات زعل مش اكتر

انما حد يتدخل؟
لو حد فاهم ابعاد الموضوع يتدخل
انما حد فاكر انه فاهم ابعاد الموضوع
هيسبب لنفسه مشاكل زي ما فهمي قال

اما تكتب مين في صفحة اصحابك بالجاف يا فهمي
انا شايف انهم و كعدد اقصى
حد اقصى لا يمكن تعديه
4

و اخيرا شكرا يا امينو على التوبيك
مفهوم من الاول للاخر :)

اه , انت لسه مجاوبتش على اسئلتك ليه؟
المفروض انه موضوع مناقشة و انت اول واحد يجاوب عليها

اعترض معاك على كلمة الصداقة بتاعت اليومين دول
الصداقة هتفضل صداقة فى أى وقت واى زمن واى علاقة تانية فى حاجة ناقصة ماتكونش صداقة

لية بقا بيقلبوا على بعض
فدة مش دايما وبتكون من الأساس مش صداقة لكن احنا بنكون موهومين
وبنكتشف اننا كنا غلطانين فى احساسنا تجاة اللى حوالينا واننا قدرناهم اكتر مما يستحقوا وهما كمان بيحسوا بدة فى نفس الوقت

لكن الصداقة الحقيقة بتخليك تكون واثق فى صحابك اوى
حتى لو زعلتوا بتكون متأكد انك هترجعوا تانى وان الزعل دة فترة وهتعدى وفعلا بنقدر اننا نعديها لأن علاقتنا ببعض أكبر من اننا نخسر بعض بسهولة

أجابة السؤال التانى رأيي زى رأى فهمى لأن دايما الناس بتفهمك غلط وبتفسر تصرفاتك على حسب اعتقادتها


اعترض معاك يا كوكى
فى اصدقاء يستحقوا انك تحفرهم فى قلبك مش بس تكتبهم بقلم جاف

فانا عاوز اعرف ايه اللى ممكن يخلى الاصدقاء تنقلب على بعض بالشكل ده يعنى اللى انا ملاحظه ؟؟؟

انا هتكلم علىاساس نماذج حصلت قدامى بين اصحاب وانا عيشت فى المواضيع دى بالهبللللللللللللللللل

الخلى 2 يقلبو على بعض وبالقوى فى طرف منهم مكنش حابب القدامه اوى او بيقول اه صاحب والسلام لغايه ملاقى اليفهمنى صح وكمان هو انسان كويس ويستحق المعشره يالا اه على رائى المثل ضل راجل ولا ضل حيطه :d فاول متيجى اى مشكله تحصل بينهم يسيبو بعض ماهى مش فارقه بقى من الاول

وكمان ليه مفيش حد عاقل بيدخل بيننهم ويحاول يحل الحكايه دى ؟؟؟

لو دخل بين 2 بالمنظر ده يبقى ميتتدخلش من اساسه

ياراجل وانا اقول ايه الحكايه دى اتارى البطيخه هى السبب وانا معرفشى
طيب مش الطيخه دى احنا بنشتريها عشان بنبقى عاوزنها يبقى ليه نرميها بقى بعد كده لو مطلعتشى على مزاجنا مش المفروض نحاول نغيرها احنا
لو قبلت التغيير اوك لو مفيش فايده يبقى خلاص بس لازم نحاول مع بطيختنا ولا ايه
بس انت ردك منطقى ياتيفا والله بس مش موافقك فى حته متكتبشى حد بالجاف دى
ليه بقى اكيد فى واحد او اثنين على الاقل ممكن يتكتبوا والا نبقى مش هنثق فى حد
بالنسبه بقى ان حد ميدخلشى عشان ميطلعشى حمار
هو لو هيقدر يغير حاجه اوك مش هيقدر يقترح انه يتدخل لقى قبول اوك ملقاشى يبقى ينسحب
ونورتى والله ياتيفا

ده طبعا كلام موزون واتمنى ذلك لاى حد
وبعدين اصل الصداقه دى مش بتاعه يوم وليله
ولا ايه بقى
بالنسبه ان حد يتدخل يبقى انا اكيد موافقكوا
اللى تكتبهم بالجاف بقى
بتختلف بقى من شخص لاخر حسب تعاملاته
نورت يادرش

يا جماعه انا نسيت اقول كلمه مهمه جدا
ان كل كلامي ده من وجهه نظري الصغنططه
وانا مش بقول للناس ميكتبوش حد نهائي بالجف زيي
بس انا عندي اسبابي ومقتنع بيها
ومش معنى ده ان الناس اللي هما اصحابي مش مكتوبين لا مكتوبين
ويمكن متقل عليهم كمان في الكتابه وتحت اساميهم ميت خط
بس
حد خان
حد مشي
حد سابني
حد لا قدر الله مات
بنت اتجوزت
وجوزها قالها متعرفيش ولاد
ولد اتجوز ومراتو بتغير عليه وعاوز يحترمها
يبقى انا
في اطارات كتير تمنعني اني اكتب حد بالجاف
ممكن كمان شويه
بعد متخلص الجامعه
وكل واحد يستقر ويبقى ينفذ اللي مخطط له في حياتو
واللي اتجوز اتجوز واللي فال فاضل
ممكن بعد ده
اقول لا ده بقالو كتير في الصفحه
لا ده يستحق مش يكتب بالجف
ده يستحق انو
يكون له صفحه باسمو

في النهايه
انا بحب اصدقائي جدا
ومعنديش استعداد اغيرهم
بس لو هما حبو يغيروني
اكيد مش همشي وراهم
فيه استيكه بقى ساعتها

ربنا ما يحرمني من اصدقائي لانهم هما اللي علموني معنى الحياه ومعنى اني اكون اني
ومعنى الحلو والوحش

ربنا يعينها مراتي ولا اهلي من اصدقائي
قولوها متبقاش تغير بقى


وده برضو
من وجهه نظري الصغنطوطه

طب الحمدلله يامصطفى عمرى ماشككت فى ذكائك
وعلى الله يكون سبب فى حاجه حلوه

والله يادرش انا عملت الموضوع ده مش عشانى انا يعنى بس حبيت الناس تتكلم
واللى جواه حاجه يخرجها وكله يبقى تمام (والله شكلى مانا فاهم اى حاجه اصلا )ومفيش حاجه
يمكن انا اجاوب بقى فى الاخر ولا حاجه ان عيشنا وكان لينا عمر يعنى

تمام ياامانى كلامك صح بس ليه اصلا بنتوهم فى حد مانعرفه كويس قبل مانصاحبه طيب او نكمل معاه على عيوبه بقى يمكن هو يقدر يتغير
عجبنى من كلامك اوى الجمله دى
لكن الصداقة الحقيقة بتخليك تكون واثق فى صحابك اوى
حتى لو زعلتوا بتكون متأكد انك هترجعوا تانى وان الزعل دة فترة وهتعدى وفعلا بنقدر اننا نعديها لأن علاقتنا ببعض أكبر من اننا نخسر بعض بسهولة
بجد دى اجمل حاجه ممكن تتقال يا امانى

وحلوه تحفرهم فى قلبك دى على فكره
نورتى ياقمرى

والله يمكن عندك حق ياماجده بس مينفعشى نلعب بصحابنا لانهم صحابنا وكمان حتى لو صاحب والسلام بس اكيد عاشرته يبقى مينفعشى اخدعه
اما فكره انه يتدخل فهو يحاول ويعمل اللى عليه وخلاص
نورتى ياكميله التوبيك ده ولسه ياما هتشوفى من صحابك انتى شفتى حاجه

شكرا لتوضيحك ياتيفا وبجد التوبيك كان مفتقد من وجهه نظري الصغنططه
كنت حاسس ان ردك فى حاجه ناقصه كده
ومنورنى ياجميل

الله الوكيل انا قررررررررررفت من البلد النا عيشت فيها دى
بجد
مش عارفه اتعامل مع اى حد هنا انا فى الزقازيق ارحم ميت مره من هنا بنات مشتول دول صعبين ااووووووووووووى

لا على فكره يابنتى فى بنات عندنا كتير دماغهم جامده وكويسين يعنى وهيقدروا يفهموكى
بس انىت مش عارف تختارى حد تتعاملى معاه او انتى حاطه فى دماغك انهم كده ومش بتختلطى بيهم
بس يمكن هما مالهومش فى الهندى اوى بس ممكن تكلميهم فى حاجات كتير
زى مثلا كيلو الطماطم بكام الناهرده طب فى فلفل فى السوق ولا لا طب شفتى عزال البت مش عارف مين كان اد ايه
وهكذا يعنى وربنا هيوفقك ياماجده يعنى وتوقعى فى بنت الحلال اللى تفهم
والبلد دى احسن من غيرها كتير
ولا ايه

ههههههههههههههههههههه كيلو طمام ههههههههههههه وعزال كمان هههههههههههه
لالا مش لدرجه دى بصراحه البيفكر بالاسلوب ده وبدون زعل ده بيبقى تفكيره تفكير سلبى جدا وانامش من النوعيه دى وبصراحه دى ملاحظاها
عند بنات بالهبل اى حاجه حتى لو كانت تافه الاقيهم عملو عليها حكايه وكلام ملهوش اى ستين لزمه وحصلت خناقات بالهبل بسبب الموضوع ده

فانا لايوننننننننننننننننننننن نننننننننننننننننننننكن افكر بالاسلوب ده ابداااااااااااااااااااااا ااااااااااااااااا بالعربى مستحيل بالانجليزى امبوسيبل
بالاهند ى بالكل ناااااااااااااااااااااااا ااااااهى

هههههههههههههههههههه
واهو بكره نقول كانت ذكرى وعيشنلنا يومين
يعنى مشتول هتكون ذكرى فى حياتنا زى اى حاجه ثانيه
لاننا ناويين نفك بعد التخرج يعنى

~:>