عرض للطباعة
السلام عليكم ورحمة اللة وبركاتة
من غير مقدمات او اى حاجات ملهاش لازمة انا كل الى انا طالباة منكم وبكل هدوء ان كل عضو على المنتدى يدخل ويقول رأية فى
الحب على النت!!!!!!!! بمعنى :-
ان اتنين يعرفوا بعض على النت ويحبوا بعض ؟؟؟؟!!!!!!!
هل دة صح ولا غلط؟
مامدى استمرارية الحب دة؟
وياريت تقولوا اى حاجة تعتقدوها بالنسبة للحب دة ؟؟؟؟؟
هستنى ردودكم
اكييييييييييييييد هستنى ردودكم
سلاموعليكم
المساحة دي محجوزة
بصي يا ست منتوسة
الاخ ابو مريم والاخت ميني سبقوني و قالوا جزئيين انا كنت هقولهم
الاولانية
ابو مريم قال انه ينفع تبقى بداية
و انا شايف انه ممكن , خصوصا ان في شخصيات كتير محترمة بتبقى على النت , بس مينفعش انه يفضل على النت لان لو انت بجد بني ادم محترم , يبقى تدخل البيت من الشباك مش من الكمبيوتر
دي نقطة
التانية بقى و اللي Minnie سبقتني واتكلمت فيها انه بعد التعارف و الانجذاب والتعلق لازم تتقابلوا بس في حاجة
لان طبعا البني ادم اللي على النت انتي مش شايفاه و لا تعرفيه كويس
مجرد انكم بتتكلموا على النت بتضحكوا , بتلاقي دمه خفيف و هو بيلاقيكي كويسة بس انتوا شايفين المميزات و مش شايفين العيوب للاسف
مش بتحطوا في دماغهم ده العيوب , و اكتر حاجة بتساعد على اخفاءها ان في النت انت بتاخد راحتك في الكتابة , و طول الفترة بين الرد والتاني بتخليك تفكر اكتب ايه و مش اكتب ايه , كل ده بيخلي البني اللي قدامك يظهر باقصى شكل لائق قدامك في حين انه مش لازم يبقى كده في الحقيقة و اكبر دليل على كده هوجة ادعاء التدين اللي بشوفها في معظم البنات على النت في حين انهم في الحقيقة مش بيبقوا كده خالص , فاحذري النقطة دي
اخيرا و ليس اخرا
بصي يا منتوسة يا اختي القصيرة
التعارف ( بمعنى التعارف بين الولد والبنت بغرض الارتباط ) سواء كان في الحقيقة او على النت لو مكنش لغرض واحد الا و هو الزواج , يبقى تهريج
يبقى انتي لما تحكمي على الحب اللي على النت احكمي على فرصة اكتمال الزواج بين الطرفين
يعني لو ولد قابلك و قالك انا بحبك , لو مكنش في مقدوره الزواج , يبقى ملوش لازمة الحب
لو حصل و قابلك الولد ده سواءا على النت او في الحقيقة , لازم تبقى عارفة كويس امكانياته المادية والعلمية و ظروفه الاجتماعية ايه و يمتلك ايه من مستلزمات الزواج , صحيح اللي يقرى كده يلاقي الموضوع كبر قوي من صفحة شات لتجهيزات جواز , بس هو لو جد يبقى كده ملهاش حل تاني
الموضوع كبير و مينفعش يتلم في كلمتين
و بيختلف من شخصية لشخصية و من ظروف لظروف
بس انا حبيت اقول المجمل
و الف شكر يا منتوسة على الموضوع
و ربنا يوفقنا و يهدينا كلنا و تشوفوني عريس :d
هههههههههههههههههههههه
شكلك وقعتى فالموضوع ده عا لعموم لو انتى او غيرك انا ليا رئى
ممكن الحب يتولد ع النت لكن مينشأش ويكبر ويكمل بيه .
يعنى بدايه اااه لكن استمرار يبقى تهريج
بصى يا جميله
انا عارفه انك احتمال كبير جدا تكونى بتسألى مجرد سؤال
عن حاجه منتشره اوى حواليكى وعايزه تعرفى رأى باقى اخواتك فيها
انا يا ستى هقولك رأييى
ايوه فى حب على النت
بس بيعتمد على حاجات كتير جدا
علشان ينجح
وعلشان يستمر
اولها ........ الصراحه
ثانيها........ انه ميستمرش حب نت وبس
لازم يخرج من كونه حب شاشات لحب واقع واحتكاك
ثالثها....... ان قلبك يبقى ماشى هو وعقلك فى نفس الطريق
اديهم فى ايد بعض
ولو اختلفوا , حاولى توفقى بينهم
ولو معرفتيش .. طاوعى عقلك
رابعهم....... الثقه المتبادله لازم يكون فى ثقه
بس للاسف نسب استمرار حب النت قليله ونادر لما بينتهى كويس
لكن لو انسان قدامك من البدايه وتعرفيه ويعرفك كويس افضل وأأمن بالنسبه لقلبك
من وجهت نظرى ان الحب على النت حاجه مش موجوده بس كل اللى عارف انه فى احساس غريب بيجى للواحد لم يتكلم ع النت اللى هوا الراحه فى الكلام من غير خوف وكثير من الشباب فسروا هذا الاحساس بانه حب ....... وبطبيعة الحال ان النسبه العاليه معندهاش خبره فى الموضيع دى
يعنى التفريق بين الحب والاحاسيس هدوء ..الراحه ....تبادل المعلومات ع النت وتكلم بحريه فى كافة الموضيع حتى الخاصه هادى كلها بعد فتره تولى وهم اسمه الحب ......
وارجع واقول تانى الحب ع النت مش موجود
والانسان ايخاف ويحب حاجه اسمها المجهول ده طبع قديم يعنى ممكن تخاف من واحد او وحده فى النت وتقول زعما يعرفنى يكدب عليا
يا جماعه ان الحب على طريق النت غلط
*********
يا جماعه خدوا الكلمتين دول منى
الحب شيء وعظيم ويصعب اختصاره بكلمه او كلمتين
ولا احد يعرف معنى الحب الا لحتى يعيشو اقصد طبعا الحب الصادق
وليس حب التسليه
*********
وشكرا يا منتوسه على الموضوع الجامد
وياريت بقيت الاعضاء تشارك فى الموضوع ده
انا راي انها بتختلف من حيث ظروف الشخص
متهيالي في 3 ظروف
1- فقدان الحس الاسري: يعني مش عنده او عندها جو اسري يتمنى يعمله او تعملها
2- الاعجاب بجد
3-التسلية
ممكن 1.2 ينجحوا طبعا بس لازم تكون فترة التعارف طويلة عشان ممكن يكونوا رسمين لبعض في خيالهم صور مثالية
لو اتخطبوا لازم تكون فترة الخطوبة طويلة
انما 3 دي قتتكرر علطول وتصبح مرض
وده عن وجهة نظري
شكرا على الموضوع
الشخص اللي بيدور على الحب غالبا مفتقده فهو اساسا بيكون داخل يدور عليه
انا رديت يا بني ادمين:d
الموضوع جامد جدا يا منتوسه بس اعتقد انو محسوم ولو قلنا انو ممكن يبتدي بس مش هيكمل يبقى ليه نبتدي من الاساس
وبعدين يعني هو خلاص معدش في طريقه نحب بيها الا النت
فين ايام زمان اوقات مكان يجي الحبيب ويقف تحت شباك القريب ويقوله احلى كلام في الحب بيقوله كلام ينسيه العالم واللي فيه لغاية ميخلص الكلام ويقوله
"حاجه لله ينوبك ثواب"
نا طبعا بشكر كل الى ردو ا جدااااااااااااااا بس انا لسة مستنية ردود كمان لان الموضوع دة تاعبنى نفسيا بجد هستنى ردود تانى
وفعلا ردودكو ا جامدة وحاسمة بس فى لخبطة شوية عندى انا لسة مكتملتش الصورة عندى
بجد عايزاكوا تردو تانى
و من الاخر و نصيحة شاف كتير و شاف مجربين كتير
في اللي على النت بالذااااااااااااااااااااا اااااااااااااااااااااات امشي ورا عقلك مش قلبك
انا عارفة ان انا أتأخرت فى الرد بس انتى مستوعبة ظروف الامتحانات
بصى يا حياتى انا رأيي ان النت وسيلة تعارف زى اى طريقة تانية المهم يتوافر الصراحة والثقة
والحب زى الحب العادى يبدئ فى المكان المتاح لية بس بشرط يتحول بسرعة لشكل رسمى
وبعدين انا مع كل اللى قالو امشى ورا عقلك يا نونة
بس اية اللى طلع الموضوع دة فى دماغك
مش عارفه ايه سر الهجوم الرهيب ده
هرجع تاني
هجوم اية انا مش فاهماكى؟؟؟؟؟؟ حاولى توضحى اكتر وهترجعى تانى فين؟؟؟؟؟؟؟
بصراحه جيت متاخر كل إلى كنت عايزه أقوله أتقال و ربنا يستر
انا رايي الحب على النت كلام فاضي سواء كان للولد او البنت كل واحد فيهم عاوز يتسلى
لا وايه بيخليهم يكذبو على بعض بيقول انا عايش في الحته الفلانيه وهو عمره ماشافها اصلا
وهو يقولها ماكنتيش على الخط ليه تقوله النت كان فاصل وكلام من ده
من الاخر الحب على النت كلاااااااااااااااام فاضي
مرسى قوى يا سنو على مشاركتك
اما بالنسبة انا بتكلم على الحب الى بيبدأعلى النت وبعدين بعد كدة بيمر بمراحلة بس بعيد عن النت يعنى خلاص بقى اكيد هيتكلموا فى التليفون ويشوفوا بعض وكدة
انا بس بسال على ان اتنين يعرفوا بعض على النت ويحبوا بعض
مرسى قوى على الرد
بجد الصفحة نورت وهستنى ردك على الكلام الى قلتة
مادام الحكايه خرجت من اطار النت يبقى الموضوع اللي بينهم من وجهه نظري دخل في منظومه جاده يعني هيعرفوا بعض بجد كل واحد هيعرف طبع التاني ولو استريحوا لبعض يبقوا يرتبطوا بشكل جاد خطوبه جواز كده يعني
ليه انا بقى بقول بره اطار النت ؟؟؟؟؟؟؟؟
لان ازاي واحده او واحد يحب واحده وهي كل اللي بتعرفه منه يبقى من خلال الكام او المايك لازم يقعدوا مع بعض ويفهموا بعض الاول وبعدين يفكروا ان كانوا بيحبوا بعض فعلا والا لا
شكرا ياباشا على ردك واهتمامك وكويس قوى انك فهمتنى
بجد مرسى قوى ليك
ولكل الى ردوا
لا شكر على واجب والى الامام دايما
وادى نقاش تانى على حب النت
يمكن يفيد المواضيع التانية
طيب هو مش هيهنج ولا حاجه
حب ايه الى انت جاى تقول عليه انت عارف قبلا معنى الحب ايه؟؟؟؟
الجواب ع الشؤال ده يخلينا نعرف لو ينفع الحب عالنت ولا لا