هما دول شباب المستقبل و الجيل الصاعد؟؟؟؟؟؟؟؟؟؟

بصراحه هوا الموضوع مش من اختراعى و فى حجات كتييييييير مكنتش اعرفها وعرفتا لما سمعت برنامج معين كان بيناقش موضوع من المواضيع التى يطلق عليها مواضيع الساعه أو مواضيع الشارع ألا وهو المضايقات التى يتعرض لها الفتيات فى الشوارع بصراحه انا كنت فاكره أن إللى بيعاكس بنت ده بيبقى مكسوف من نفسه و ميحبش ان حد يعرف ده بس إللى فاجئنى بجد الحوارت التى دارت بين المذيعه و الشباب والمذيعه بالشوارع الشباب كان عليهم ردود تفقع بصراحه تعالو نشوف مثال:
المذيعه: عمرك عاكست بنات فى الشارع
الشاب: أه طبعا
المذيعه: ليه؟؟؟؟؟؟؟؟؟
الشاب : كده عادى
المذيعه : أنت بتشتغل؟؟؟؟؟؟؟
الشاب : أه
المذيعه : يعنى بتشتغل الصبح و تعاكس أخر النهار ؟؟؟؟
الشاب : أه يعنى حاجه زى كده
المذيعه : طيب أنت شفت بنت و عاكستها ..........أستفدت إيه بقى؟؟؟؟؟؟؟؟؟
الشاب : برضى غرورى.........................
واحد تانى يقولك طاقه و بنطلعها ............وواحد يقول عادى مبستفدش حاجه...........
إلا من رحم ربى وقال الحق هوا مش حجه يعنى بس أقترب من الحق إلى حد ما (هوا السر فى تواجد الشباب فى الشارع وعلى النواصى هوا عدم وجود هدف محدد أو كثرة اوقات الفراغ ........؟؟؟)

أنا بصرحه اتفاجأت من طريقة الرد
***المهم انا حبه أننا نناقش الحوار ده ليه الشباب بيضايقو البنات فى الشارع ؟
_ إيه الأسباب؟
_ وبيستفيدو إيه؟
_ وبيحسوا ب إيه سعتها مش بيحسوا بتفاهه مثلا؟؟؟؟؟؟؟؟؟؟؟؟؟؟؟

_ وإيه الحل ؟؟؟؟؟؟؟؟؟؟؟

((ويا ريت تكون فى صراحه))

طبعا انا مبقولش أن كل الشباب كده بس بصراحه كتير أوى منهم ودى حاجه تكسف و تبين مدى تفاهة و صغر عقول من يفكر بهذه الطريقه وجرس أنذار للحكومات و البيوت والمدارس و المساجد والكنائس........ وكل مسؤول ولينا أحنا نفسنا ربنا يستر علينا

والله عندك حق حاجة تكسف فعلا
بس فى نقطة مهمة فى الموضونع احيانا البنات بيكون ليهم دور كبير فى معاكسات الشباب ليهم من خلال اللبس وطريقة المشى
يعنى ماتقوليش ان فى واحدة لبسه محترم وماشية باحترام وصوتها هادى ان حد ممكن يعاكسها
وربنا يهدى بنات وشباب المسلمين
شكرا يا جميل على الموضوع الجاد دة

اولا شكرااااااااااااااااااا يا اسنو وايت ع الموضوع
ثانيا :بالنسبه لاسئلتك
ليه الشباب بيضايقو البنات فى الشارع ؟ "قله تربيه" علشان حتى لو البنت مش محترمه او مبهدله فى نفسها ده برضه ميديش الولد الحق فى انه يضايقها
_إيه الأسباب؟ يعنى تقدرى تقولى كده انهم مش لاقين حاجه يعملوها او هيافه حاجه زى كده يعنى وبرضه زى ما اسبايدر قالت ان فى بنات هى اللى بتدى الفرصه للولد انه يضايقها
_ وبيستفيدو إيه؟ ولاا حاجه اهو ممكن تقولى انه بيقضى وقته

وبيحسوا ب إيه سعتها مش بيحسوا بتفاهه مثلا؟؟؟؟؟؟ مع انى معرفش واللهى بس بيتهيالى انه بيحس ان دمه خفيف بالذات لو البنت اتفاعلت مع كلامه وانه واد مقطع السمكه وديلها انما لو البنت مشيت فى طريقها وللا اكنها سمعت حاجه فساعتها بيحس انها بنت كئيبه ومعقده

وإيه الحل ؟؟؟؟؟؟؟؟؟؟؟ الحل ده عاوز كلام كتير بس لو لخصناه هيكون ان البيت يركز ع النقطه دى وهى ان كل واحد ميضايقش حد من البنات علشان زى ما هو بيضايق بنات الناس ممكن حد يضايق اخته
المفروض يكون فى توعيه دينيه
كمان المفروض البنات تلم نفسها شويه
اخر حاجه يارت البنات ميعلقوش على اى كلمه بتتقال لهم وهم ماشين من اى ولد (وهقولكم على تشبيه كده كنت سمعته من واحد بيقول يعنى لبنته بخصوص موضوع المعاكسات وكده بيقول لها دلوقتى انتى لو وانتى ماشيه فى الشارع سمعتى كلب بيهوهو هتعملى ايه؟ اكيد هتكملى طريقيك ومش هتعبرى الكلب بالظبط لو شوفتى واحد بيعاكسك او بيضايقك سبيه ولا اكنك سمعتى حاجه.)
بس كده كفايه #:-S

لا بجد موضوع جامد جدااااااااااا
بس معنديش تعليق

مساحة محجووووووووووووزة

الاول مبروووووووك على الترقيه لمشرفه قسم الحوارات
ثانيا موضوعك جامد بس انا معنديش تعليق عليه غير انهم عالم فاضيه وريقه

شكرا يا جميل على المرور والإضافه المهمه
كلامك صح البنت ليها عامل أساسى لأنا لو لمت نفسها فى لبسها و مشيتها وطريقة كلمها ممكن تترحم بس مش أوى زى ما انتى بتقولى بردو لأن الفاضى او إللى بيضايق حد دلوقتى مش بيبقى فى دماغه ده مين بيبقا غرضه يضايق وخلاص عشان كده أنا شيفه أن الولد يتحمل الجانب الاكبر لانو لو كان محترم عمر ما كرمته هتسمحله انو يصغر نفسه بالطريقه دى بس

بصراحه يا ميسى أنا عجبتنى أوى ردودك وفعلا بشكرك على الصراحه و الموضوعيه بس أحب أسألك سؤالك:
أنا فهمت من كلامك ان الحمد لله ربنا رحمك من المرض ده بس نفرض مثلا أنك شفت موقف زى ده فى الشارع لو كان من شخص تعرفه او متعرفوش يا ترى هيكون ليك أى دور ؟؟؟؟؟؟؟
وفعلا ديما بقول ان ردورك فعاله و تشكر نورت الموضوع

الله يبارك فيك يا جميل وعقبال لما أشوفك ماسكه المنتدى بدل مصطفى:d:d
وشكرا على تعليقك

شكرا minnie على المرور وياريت ياshoman تملى المساحات المحجوزه إللى حضرتك حجزها دى محسسنى اننا فى الباركينج والله

بصصى يا اخت اسنو وايت
واللهى لو الواد ده انا معرفوش فانا مش هقدر اعمل حاجه علشان لو عملت اى حاجه وحصلت مشكله اكيد هكون انا اللى غلطان .واللى هيتقال انى بتدخل فى اللى ماليش فيه. كل اللى ممكن اعمله انى ابص له باستحقار ده اخرى فى الموقف ده.

اما لو كان واحد صاحبى بقى فدى تختلف لانى مش هقوله حاجه برضه علشان جربت اقولهم وكان ردهم باستهزاء ومحدش بيسمع الكلام

مؤسف لأن ده دليل أن الشباب الكويس مش هيقدر يأثر على الشباب حامل العدوه
وده مش مبشر بالخير :(:(

بجد تسلمي ياقمر علي الموضوع الرائع ده
انتي قلتي ان اكيد الشباب هيبرروا المعاكسات
ان 100 رجل لا يستطيع ان يفتن امرأة واحدة
في حين ان مرأة واحدة تستطيع ان تفتن 1000 رجل
و البنت بلبسها و عدم احترامها لنفسها تعتبر سلعة يعني البنت دي عاجباك روح اخطبها
و ده حرام طبعا
اما بقى عن موضوع المعاكسات مش ممكن تلاقي بنت لابسة هدوم بمعنى الكلمة
او لابسة الزي الاسلامي الصحيح و تكون بتتعاكس
مش ممكن و لو ده حصل محدش من اللي حواليهم هيسكت
بس انا بقول البنات اللي بتتعاكس بيكون سببه لبسها
وبقول برضو انها بتلبس كده عشان تتعاكس
وانا ما اقصدش ان البنت بس هي اللي غلطانة
لا مش كده خالص
الاتنين غلطانين
بس انا برمي السبب الاول للبنت
و ضيفي لكده كمان الناس اللي بيشوفو الشباب بيعاكس البنات و يسكت خاصة لو محترمة نفسها
وشكرا يا سنو وايت على الموضوع الجميل

شكرا يا باشا على الرد وبجد تسلم على الكلام الموزون