صفات بنات مصر

الصفه الاولى

اللسان
البنت المصريه ربنا واخد منها كل حاجه ومديها لسان زى الحربايه_ والعياز بالله_ههههههههه

لو فكرت انك تتريق على واحده اكيد مش هتسلم من لدغته _ يلا تستاهل_
وخاصه لو كانت عامله التحجيبه سبانش _ احذر من دول _

الصفه التانيه

التناكه
البت من دول تلاقيها مناخيرها فى السما _ على ايه يعنى _مش عارف هههههههه
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرات وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _
ناس تنرفز والله يا اخى


الصفه التالته

الشياكه
الشهاده لله يعنى البنات دلوقتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده عندنا اعرفها

اسألها ياخويا رايحه فين قالتلى رايحه اشترى ميكب

يا حاجه داحنا فى رمضان

بس بكره الكليه

اه اذا كان كدا معلش

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا ( ياعم ده مستحيل طبعا شكل البنت معروف بعد الجواز شبشب مقطوع ما خلاص الزبون وقع) ههههههههههه

يمكن يا عم متتشائمش


الصفه الرابعه

احتقار الرجل
متفهمش يا اخى الستات والبنات بيحتقرو الرجاله كدا متفهمش ليه
على اساس يعنى انهم ولاد ناس واحنا ولاد .......................
ناس تانين ؟
بس العرق الفرعونى نقح عليا فى الايام اللى فاتت وافتكرت السبب
فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم
وهوده السر فاكرينا عبيد عندهم حضاراتهم !!!!!

الصفه الخامسه

الاجتماعيه
البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس

الموضوع مكرر يا دعاء
ابرام منزل موضوع مشابه

انا ماخدتش باااااااااااالى سورى ياحيكو بس ميمنعش برضوه للتاكيد
هههههههههههههههههه

هههههههههههههههههههههههه
والله التوبيك لذيذ

بس الحمد لله ربنا يبعدنا عن البنات دي

كلام جامد جداااااااااااااا وتسلمى على الكلام الجميل ده وفعلا دى الحقيقه بس كل قاعده ليها شواذ وتسلمى يا دودو يا عسل

يخرب بيت لسانك ده وكل سنه وانت طيبه

توبيك جميل يا دودو تسلمى يا جمييييييييييل

ابرام مين اللي يكتب كلم دي ياريت الموضوع يتشال لانه غير لايق بالمرة

مو للدرجة دي

موضوع لائق او لا يرجع لوجوده فى اى قسم ويرجع لتقييم الكل ياابراهيم
وبالنسبه لابرام مين اللى كاتب زيه انا فعلا شفت موضوع ليك مماثل
يمكن كان لعضو اسمه قريب من اسمك

يا حكاية هو زعل لما شايف كلام الموضوع مو اكثر وانت عارفه بغير ع كل شي بمصر

:مر: