يا جماعه التوبيك دة لكل اللي مخنوء او عنده مشكله

يا جماعه التوبيك دة لكل اللي مخنوء او عنده مشكله

يخش يفضفض هنا و كلنا ان شاء الله نحلها مع بعض

بكل ادب و احترام و ان شاء الله يكون مافيش مشاكل

هنا خدو راحتكم و فضفضوا واحنا كلنا مع بعض

ارجو ان تكون عجبتكم فكرة هذا الموضوع

والله فكره جامده اوى
وياريت اللى يدخل يشوف مشكلة اللى قبله ويحاول يقول رايه
نايس توبيك

توبيك للمهيسين وتوبيك للمخنوقين ايه الجمال ده

المهيسين هههههههههه توبك حلوة ياحكاية انت وميدو بس ممكن بسهولة كدة نحكى ههههههههههه

طيب انا هبدا
لان فى حاجه الايام دى مزهقانى اوى بجد
حاسه بجد انى ملانه من القعده فى البيت بدون شغل هى طبعا مريحه وحلوه
بس بجد حاسه كده انى مليش لازمه احساس رخم جدا

بصي يا همسه والله كلنا بيجي علينا الفترة دي ولازم نصبر اشغلي وقتك باي حاجه علشان متمليش اقرئ القرءان صلي غيري حياتك اقعدي علي النت انزلي مع صحابك خشي اتكلمي معانا و ادعي ربنا والله دة احلي سلاح في الدنيا بس الواحد مش بيعرف امته و متقوليش انك ملكيش لازمه دة شيطان اللي بيهئلك الاحساس دة لاء انتي ليكي لازمه كبيرة اووووووووووي وقولي ياااااااااااارب وان شاء الله تكون كويس تقبلي مرور

الاحساس ده طبيعى يا همسه خصوصا فى وقت الاجازات
ده احساس بيحس بيه كل الناس علشان مش متعود على كده

انا بقى مضايق جدا حاسة انى عندى مشكلة فى التواصل مع الناس يعنى الناس مش بتفهمنى بسهولة لانى بحب يكون فية روح فكاهة فى حديثى وبحب التلقائية وكمان صريحة جدا والظاهر ان الناس مش بقت تحب ده.
بجد الموضوع ده تاعبنى جدااااااا لانى بواجه مشاكل نفسية كتير بسببه ويمكن ماانامش علشان حد فهمنى غلط
saf_aa

ليه بس يا صفاء
اكيد فى ناس كتير هتلاقيها تفهمك ومش كل صوابعك زى بعضها
بس برضك مش لازم دى حاجه تضايقك او تاثر فيكى
انتى شخصيه جميله واللى مش يفهمك صح يباه انتى مش تضايقى

يا صفاء العيب مش فيكى والله
العيب فالناس اللى تطبعوا بالبلاده والنفاق
انا بقى مدايق لان رمضان السنادى عادى كده حاسس ان فى فتوور بين البشر
مش زى كل سنه كده..حتى اللمبات اتعلقت عندنا يوم 4 او 5 رمضان

معلش يا حيكو اصل رمضان فى مصر مش بقا زى اول ولا الناس بقت زى الاول
كل حاجة بقت بسرعة ومش فيها حب كده ولا حميمية

فعلا والله يا محمد رمضان السنه دى متغير
كل حاجه بقى فيها فتور
ولسسسسسسسسسسه

فعلا معاك حق يا محمد
ومضان السنه دى متغير
كا حاجه بقى فيها فتور كده
ولسسسسسسسه

يامحمد رمضان كان زمان والله ايام الفوانيس اللى بالشمع والقطايف والكنافة اليدوى ولما الاطفال يحللوا على اهاليهم والجيران بجد كل حاجة حلوة فقدت معناها مع التطور واحنا كمان فقدنا طعمها فوانيس صينى وكنافة اللى مالهاش اى طعم وناس الدنيا شغلاهم واطفال مش عارفين يعنى ايه فانوس بجد ويعنى ايه فرحة بجد ولسه يمكن رمضان ده يكون احلى من اللى جاى بكتير
saf_aa

وانا والله ياحكاية حاسة بكدة ملل ورمضان مش حاسة بية انا كنت بختم القران حوالى 3 مرات مش عارفة فية اية