ياتري شكل حياتك عامل ازاي؟؟؟؟؟

السلام عليكم اجمل مش اعضاء اجمل اخوات واصحاب
يارب تكونوا بخير ديما
المهم مش هطول عليكم
طبعا كتير اتكلمنا سواء هنا او في منتديات تانيه عن فتي احلامك او فتاة احلامك
النهارده بقي خلونا نقول ان خلاص حضرتك وحضرته وقعت الفاس في الراس واصبحت جوز وهيه اصبحت جوزة طبعا كل واحد هيبان بشخصيته كامله بعيوبها وحسناتها
ياتري بقي كل واحد وواحده وبطيختها قصدي جوازتها وجوازته
يتمني شريكة حياته في بيته تبقي عامله ازاي يعني نفسه مراته تعامله ازاي وانتي نفسك سي السيد باشا يعاملك ازاي ايه الحاجات المهمه فيهم
كل واحد بقي يا حلوين يدخل ويتكلم
:ش:
مستنيه ردودكم

اسه بفكر في الموضوع

اولا توبيك هايل
انا اتصورها شريكه بمعنى الكلمه
لها ارائها فى كل جوانب حياتنا لكن ليست قرارات..هناك فرق
وايضا ان تكون ست فى وقتها وايضا متحكمه وصاحبة موقف فى وقت اخر يتطلب ذلك
وان تكون مقدره لظروف الزوج فالعمل وفالحياه ولا تزيد همومه اكثر
بل تكون هيا من يشكى همومه وتسمعه وتهون عليه

اولا: احبه يتفهم انى مش عايزة اشتغل يعنى هعيش معاه على قد ظروفه مهما كانت صعبة وثانيا : عايزاة حنين وطيب راجل بجد بعقله وتفكيره مش بعضلاته يعرف ازاى يحتوينى ويعرف امتى بحب ابقى طفلة وامتى ببقى ام وامتى ببقى زوجة وحبيبة ويعيش معايا المراحل ديه ببرائتها وروعتها وكمان يبقى متفهم ويعرف ان كل شىء بحدود يعنى الغيرة بحدود وحتى الحب بحدود ويسبلى مساحتى من الحرية اللى اقدر اعبر فيها عن رايى بوضوح ومن غير خوف ... عارفة انى بحلم ومستحيل الاقى ده بس ده حلمى
نيس توبيك بجد يابرنسيسة:41:
saf_aa

شكرا يونس ربنا يوفقك

شكرا يا حكايه
اتمنالك السعاده والتوفيق

شكرا ليكي صافي
بس عادي مش حلم
ربنا يرزقك بالانسان اللي يسعدك ويكون فيه كل اللي تتمنيه

اممممممم

تكون منظمه مرتبه دقيقه فى التعامل

واهم حاجه حسن الاستقبااال


بس خلااث

الاستقبال دا ممكن يودى فى داهيه اوقات كتييييييير

نشيطه الى جانب جميله وحلوه ومتحترمه

واهم حاجه تكون عارفه اللى ليها واللى عليها كمان

بجد انتى فعلا برنسيسة حتى فى مواضيعك
موضوع جميل فعلا وفكرتة حلوة

كويس جدا اننا نعبر عن اللى بنتمناة فى شريك حياتنا او الشريك الحالى
بس الاهم انه يوصلة ويفهمة ويقدرة او نلاقى اللى بندور علية فعلا.

بالنسبة لى الحمدلله كتير حاجات اتمنتها موجودة فى زوجى
لكن اتمنى يفهمنى من غير مااتكلم ويقنعنى قبل مايطلب انى انفذ رأية وخلاص
اقصد مش بحب اوامر سى السيد فية احيانا.

ميرسي ليك جلال
وربنا يسعدك ويوفقك

ربنا يخليكي بسمه يارب
ويسعدك كمان وكمان
ومعلش يا ستي ماحدش خالي من العيوب
وربنا يهديهولك ويرزقك الذريه الصالحه والسعاده يارب

حاجات كتييييييييييييييييييييييي يير

بس اهما التفاهم والحب والحنيه
والاحترام والتدين والكرم والتواضع

والحمد لله لاقيت كل دا في شخص واحد
ربنا مايحرمني منه ابدااااااااااا

توبيك رائع وفكرني بحاجات كتير حلوه
تسلمي

قال صلى الله عليه وسلم: “خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك”.

بصراحة هيّا كده فعلا....وأكتر من كده ربنا يخليها...
مافيش حد خالي من العيوب ومتعة الحياة في انك تغيّر وتتغيّر وتعلّم وتتعلّم.....

شكرا ليكي نونيا
ربنا يوفقك ويسعدك ياقمر

قال صلى الله عليه وسلم: “خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك”.
رد متميز شكرا امام العاشقين

اولاااااااااا فعلا انتي برنسيسه وربنا توبيك هايل جداااااااااااااااا زيك بالظبط
ثانيا نفسي بقى اول حاجه يتقي الله فيا يحسسني بالامان وحاجات كتير طبعا بس دول اهم حاجتين عندي وطبعا يحافظ عليا ونفسي يقولي يلى بقى علشان تتنقبي علشان انتي حلوه وزي العسل وكده حرام ههههه

ميرسي لكي نهي
نورتيني بجد ويارب ياقمر تلاقي الانسان اللي يسعدك ويقولك ياقمر وياعسل ويا كل حاجه بس ماتنسيش تعزمينا