ماتيجو نحارب الفقر في ربع ساعه!!!(( ارجو التفاعل))

السلا م عليكم ورحمة الله وبركاته

سورة الواقعة :

قال رسول الله صلى الله عليه و سلم (( من قرأ سورة الواقعة كل ليله لم تصبه فاقة ابداً .

وأيضًا ورد عن النبي ـ صلى الله عليه وسلم ـ أنه قال"علموا نساءكم سورة الواقعة فإنها سورة الغنى"

صدق رسولنا الكريم عليه افضل الصلاة والسلام

ايه بئا??
في حد يبقي عنده سوره عظيمه زي سورة الواقعه ويقول انا فقير ومش لاقي!!!!!!

يلا بينا ياجماعه نحارب الفقر

ومش هتاخد مننا ربع ساعه

وسورة الواقعه من السور السهله اللي بتتحفظ بسهوله

ياجماعه انا النهارده بدعوكم اننا نقري سورة الواقعه كل يوم علشان نبعد عننا الفقر

وياريت كلنا نحفظها ونقراها قبل النوم

اتمني اشوف مشاركتكم معايا وياريت ننشرها علي كل اللي حولينا
وماتنسوش تدعولي

اختكم في الله رحاب ابوورده"

جزاكى الله كل خير رحاب وجعله فى ميزان حساناتك

شكرا على التذكرة
وجزاكى الله كل خير ياحبيبة قلبى

والله يا ريري واحد من زمايلي لقيته في يوم بيقولي

علي الموضوع ده .. وكنا بنتكلم عن لخبطة الدنيا

وظروف الحياة المنيله ..

المهم قالي انه واظب عليها وفعلا حاله اتغير

وبيقولي ربنا سهلها معايا مش عارف ازاي !!!

تسلم ايدك يا ريري وجزاك الله كل خير

ربنا يجازيكى كل خير على مجهودك يا انسة ريري

بس للأسف ،، ممكن تكونى مش تحققتى من الحديث قبل ما تحطيه
عشان هو حديث موضوع عن النبى
وياريت تحذفى الموضوع

وشكرا

شكرا ليكي يا اماني

شكرا ليك يا بشمهندس احمد...

وربنا يقدرنا اننا نواظب عليها ...

وفعلا انا كنت سمعت مره محمود سعد في البيت بيتك بيروي عن نفسه شخصيا انها فرقت معاه جدا

شكرا للاهتمام والمتابعه وجزاك الله كل خير

اه
اما اموضوع صاحبك يا هوت ايس فهوموضوع نفسى مش أكتر
وبدأ يشعر بالراحة والتغير لأنه بدأ يكون قريب من ربنا

ويا جماعة انا اسف بس لازم ناخد الدين من مصادره الصحيحة لأن ده منهاج حياه مش مجرد شعارات

يا اخي الكريم اولا شكرا لمرورك

ثانيا ليه ديما متسرع في كل حاجه ( بلاش في حكمك علي الناس ولا حتي ردودك ولا حتي انك مابتترددش انك تضايق اللي قدامك...)

كلنا نعرف ان فضل سورة الواقعه انها تحمي من الفقر

انت ايه اعتراضك دلوقتي ؟؟؟

واعتراضك علي اي حديث بالظبط

الحديث الاول كلنا حفظينه عن ظهر قلب

والحديث التاني انا افتكر اني قريت القصه دي


دخل عثمان بن عفان علي سيدنا عبدالله بن مسعود وهو يموت , وكان له ثلاث بنات , فقال لابن مسعود:نأمر

لبناتك بعطاء يعني نصرف لهم من المال , فقال: لاحاجه لبناتي في المال , فقال عثمان كيف؟ فقال ياأمير

المؤمنين , علمني رسول الله صلي الله عليه وسلم , من قرأ سورة الواقعه كل ليله لم يصبه فقر ابدا, وقد علمت

بناتي ان يقرأن سورة الواقعه كل ليله .



وده الشيخ اللي انا نقلت عنه الموضوع
محمد رأفت عثمانأستاذ الفقه والشريعة بجامعة الأزهر

انا كمان مستني ردك يا سندباد

وعلي فكرة كون الحديث يصنف انه ضعيف

سواء لتواتر في الرواة او لعدم وروده في احد الصحيحين

فهو لاينفي ثواب العمل به ... وعلي فكرة الموضوع مش نفسي زي ماقلت خااالص

شكرا يا دكتور علي اللينك
طيب عايزه اقولك حاجه هو انا جايبه حديث ( حتي لو كان ضعيف) علشان افتري بيه علي الرسول او احلل حاجه حرام
دانا بقول نقري سوره ونحفظها ونرددها كل يوم
هو انا بقولك قول حبشوش مرطوش جبلنا فلوس
ولا بقولك هتقراها هتصحي تلاقي فلوس تحت المخده
يا اخي الكريم
القران الكريم مافيش ايه فيه الا وبتعالج حاجه
والمعروف ان سورة الواقعه بتحمي من الفقر
وفي ناس كتير اشادوا بفضلها سواء في ان ربنا بيبارك في الرزق او بيفتح باب رزق جديد
انت بتقول حاجه نفسيه ...طيب وايه الوحش في ده انك تتبارك بسوره من القران الكريم ده كلام ربنا...... مش بقولك هتقول مدد يافلان ولا علان
يا دكتور تخيل كده انك حال ضاق عليك.... تمسك المصحف وتقري سورة الواقعه وكل ثقه في ربنا
ان كلماته هتريحك وتفك كربك ....يبئا ده وحش ولا حرام
عمتا لو كان ده ذنب انك تثق في كلام ربنا وتتبارك بيه
فانا متحمله الذنب ده
وراضيه اني ربنا يجازيني علي كل مسكة مصحف كل واحد هنا هيمسكها
وكل حرف هيقراه فانا راضيه
شكرا ليك يادكتور
وجزاك الله كل خير
وياريت ماتبصش للجزء الفاضي من الكوبايه

شكراااااااااااااااااااا يا ريري ع الموضوع
وربنا يجازيكى بيه خير

وعلى فكرة يا هوت لو مش عاجبك كلامى ممكن نتناقش
والله انا نفسى كلامى يوصل قلوبكم وعقولكم
واحنا المفروض ننقل اللى احنا متأكدين منه
لأن الدين بتاعنا مش ناقص،، لانه تم بموت النبى صلى الله عليه وسلم

معلش ارجو ان كان فيه اى خطأ بلغونى
والله المستعان

اولا شكرا للمتابعه يا سندباد

اول حاجه بتقول ان الحديث موضوع .. وده غلط

لان فرق كبير بين الحديث الموضوع والحديث الضعيف !

والحديث محل المناقشه هو حديث ضعيف ولكن يثاب من عمل به

وهذا يختلف كليا وجزئيا عن الحديث الموضوع الذي لا اصل له من الاساس

الحاجه التانيه ..

بتقول القرآن مش بيعالج امراض .. وده طبعا خطأ لأن الحديث

الصحيح بيقول ( من لم يشفه القرآن فلا شفاء له )

وقد عالج الصحابه حتي لدغ العقرب بالفاتحه وهو ايضا حديث صحيح ورد بالبخاري

وكذا فالقرآن يعالج العديد من الامراض العضويه مثل الصداع والصرع كما ورد بالاحاديث

وعن تجربه تحديدا تم علاج حالة كنسر بالقرآن لأنها كانت بسبب سحر !

وفي حديث اخر صحيح ( عليكم بالشفائين العسل والقرآن )

وزي ماقلت كلنا بنخطيء ونصيب .. لذا وجب الرد لتصحيح المفهوم

تقبل تحياتي