رايك ايه فى المغتصبه

يا ترى ممكن تتجوز

واحده مغتصبه

وتم هتك عرضها

مع العلم طبعا ان ده رغم عنها

طيب لو البنت دى كانت حبيبتك اللى مالكش غيرها وده حصل معاها

هاتسبها وتتخلها عنها فى الوقت اللى هى محتاجلك

ومحتاجه ترميم الشرخ النفسى والحاجز اللى اتبنى جواها

طيب بلاش انت

يا ترى ايه نظرة المجتمع للبنت دى

اكيد فى اللى هايبعد هنا ويقول دى مش محترمه
مش عارف ليه مع انها ملهاش زنب فى ده

وفى اللى هايقدر ويفهم موقفها


يا جماعه لو سمحتوا عاوز اجابات صريحه ومقنعه
مش مثاليه وكده



وكل واحد يقولى لو ده حصل مع حبيبته

او مراته

او حتى امه او اخته

ايه اللى ممكن يعمله

وكمان للبنات

لو واحده صاحبتك حصل معاها كده

هاتسبيها

ولا هاتتمسكى بيها وهاتقفى جنبها



ربنا يبعد عن الجميع الحاجات دى

بس دى حاجات فى مجتمعنا وماينفعش نغمض عنينا عنها

بص يا افندى هو انا اتعاطف اه معاها ولو احتاجت اى حاجه اقدر اساعدها بيها اكيد طبعا تحت امرها وهقف جمبها وكل حاجه
انما الجواز حاجه تانيه
وبعدين معلش مفيش واحده هتكون ماشيه فى السليم 100% وبتروح بيتها بدرى
ومبتمشيش فى اماكن مقطوعه ولبسها تمام وهتتعرض للاغتصاب ده مستحيل.
شكراااااااااااا يا نجم ع الموضوع

هىهىهىه لا احرجتنى يا ميسى يا اخويا

لا حول ولا قوة الا باللة لا طبعا لو صاحبتي لايمكن اتركها وهاساعدها تتخطي ازمتها لانو دة حقها عليا شكرا لموضوعك

ميرسى حنين على رايك و على المرور و الرد

لو صحبتى هبقى جمبها طبعا بس بالنسبة للولد معرفش بس هيا فى كل الاحوال هيبقى مستقبلها ضاع و بس

الموضوع واضح زي الشمس زي ما ميسي قال امشي عدل يحتار عدوك فيك
بس من الجانب الانساني انا قلبا وقالبا معاها لو عرفت بعد الجواز يبقى هكمل من غير حتى محسسها ان حصل تغيير بس لو قبل ممكن ارفض ده في رايي الصغنطوط

بص يا عم حجازي
في تلات احتمالات للموضوع ده
الاولاني البنت دي معرفهاش اساسا
التاني , اعرفها و متعلق بيها و يا ترى هتقدم لها واللاه لا
التالت اعرف بس مرتبط بيها او خاطبها

في الحالة الاولانية , كل اللي هقوله , لا حول ولا قوة الا بالله
و مش هفكر اني اتكلم عليها , و لو سمعت حد بيتكلم عليها هسكته , و اقوله حرام عليك كفاية اللي جرالها
بس مفتكرش اني هحاول اتعرف ليها , بس لو حصلت بالصدفة مش هيبقى في مشاكل يعني

الحالة التانية اني اعرفها اساسا , في الحالة دي هنفضل اصحاب و بس , بس مش ممكن الموضوع يتطور لاكتر من كده حتى لو كنت معجب بيها مسبقا

الحالة التالتة , اننا مرتبطين او مخطوبين اصلا ,
ممممممممممممممممممممم
قرار صعب:-<
بس انا عارف نفسي لو بحبها , مش هقدر اسيبها خصوصا ان الموضوع حصل غصب عنها , انما لو كانت جوازة صالونات , ممكن منكملش مع بعض
دي الصراحة

موضوووووع شااااااااااائك

واصعب مراحله اني اكون مرتبط بيها !!

طب هعمل ايه ؟؟؟؟؟؟؟

حاجه من اتنين يااما هجرحها .. يااما هجرح نفسي

وغالبا هجرح نفسي .. لأنه مش ذنبها ..

طب ايه جرحي لنفسي ؟ جرحي هو ان عمري ماهنسي

اللي حصل لها .. وهيفضل ملازمني حتي لو مابينتش لها

وحتي لو نسيت لحظيا في ازدحام الحياة .. لازم هفتكر

خصوصا خصوصا في العلاقه الخاصه بين الزوجين

علشان كدا الموضوع مش بالسهوله دي !!!!!!!!!

ميرسى يا جماعه على المرور والرد بس انا كنت عايز اسالكم على حاجه تفتكروا المغتصبه لو كانت متجوزه يعنى فى حياتها بينها و بين جوزها الحياه هتبقى عامله ازاى هيسيبها ولا هيقف جنبها ولا هيتخلا عنها ولا ايه بالظبط يا ريت اعرف5 رايكم

يعني يا هوت ايس انا مش شايف ان فيها جرح لنفسك بينك و بين نفسك
انما الجرح بيبقى من البني ادمين اللي في المجتمع حواليكم , انما مش انت اللي بتجرح نفسك
انا شايف انك لو بتحبها , و الموضوع ده حصل غصب عنها ان مفيش مشكلة عويصة , او جرح ليك بشكل مؤلم جدا يعني انه يفضل ملازمكم طول حياتكم , بالعكس انت لو حسيت بكده , هي كمان هتحسه , فانت بتكون بتعذبها مش بتقف جنبها


نفس الكلام اللي فات يا اخ حجازي

بالنسبة ليا لو صحبتي استحالة اسبها مهما كانت الظروف
وبعدين ممكن تكون فعلا غضب عنها
لان ما اكتر المحششين اللي مش دارينين بنفسهم
واكيد لو دارينين بنفسهم مش هيعملوا منكر زي ده حتى لو النبت مش مظبوطة
وربنا يبعد عنا وعن كل النااااااااااااااس يــــــــــــــارب

يا رب يا مينى يا رب

بص يا عم حجازى انا هتكلم بالنسبه ليا انا
انا الحمد لله يعنى متعودش انى اسيب حد وقت الشده
فانا اكيد هقف جمبها مدام متجوزين بس ده مش هيحصل ان شاء الله يعنى

يا رب ما يحصل يا ميسى يا خال ابن بنت اخويا

موضوع صعب آخر حاجه
هو ميسي قال كلمه سليمه ميه ميه لو هيه ماشيه صح مكنش ممكن حاجه زي كده تحصل
بس بردو في أولاد بجد مرضى نفسسين و تبقى البنت آخر إحترام و بيحصلها حجات زي كده
في الحالتين أظن إن البنت بيبقى مجني عليها !! و حتى لو ليها ذنب في اللي حصل فبيبقى بسيط لأن اللي بيعمل حاجه زي كده أكيد مجرم بجميع المقاييس
بالنسبه لردة فعلى أنا على موقف زي ده
أكيد لو بنت صاحبتي حتفضل علاقتي بيها زي ما هيه مش حتتأثر بالذات إذا كنت عارف إنها ماشيه في السليم
لو في إعجاب ( و طبعا أنا مش معقوله حبقى معجب ببنت بتمشي مشي مش كويس ) يبقى في إحتمال كبير إني أكمل معاها لو فعلا بحبها لكن لو دلع و لعب يبقى لأ حفكني
لو مرتبط !!!! بيها يبقى في إحتمال واحد لأني ساعتها حبقى أكيد بحبها !! و في حاجه واحده حتحصل هيه إني حدخل السجن و مش بعيد آخد إعدام لأني حقتل السافل اللي تجرأ وعمل حاجه زي كده
شكرا

ميرسى يا كريس على المرور و الرى المفصل ده يا مان

انا في ردي تقريبا جاوبت علي سؤالك دا ياحجازي

والحياة هتستمر ولكن بلا حياة ... علي الاقل لفترة ليست

بالقصيره ... وغالبا كشكل اجتماعي مش هيقدروا يعيشوا

في نفس منطقتهم .. !

انا معاك يا درش بس مافهمتنيش اقصد ايه بالجرح

وانا قلتها في خلال ردي .. طبعا مش ذنبها .. لكن

جرحي انا هيكون ازاي ؟ زي ماقلت جرحي هيبقي متجدد

في العلاقه الخاصه بيني وبينها كزوج وزوجه .. لأن طيف

الموضوع اللي حصل مش هيغيب عني مهما حاولت اني

ماابينش ده قدامها !! دا الجرح اللي بتكلم عليه

فهمتني ياباشا ؟