ذاكرت ايه النهاردة

سلاموعليكم
ازيكم يا شباب
العام الدراسي كالعادة جري و محسنياش بيه
و الامتحانات على الابواب , و هتبقى هبااااااااااااااااااااااا اااااااااااااب هباب
النهاردة انا جايب فكرة حلوة , و يا رب تعجبكم
هتكون نوع من انواع التحفيز لينا كلنا
خصوصا اننا قاعدين طول النهار على النت والمنتدى
و شكلنا محدش بيذاكر حاجة
فعشان كده طقت في دماغي الفكرة دي
و هي اسمها ذاكرت ايه النهاردة
الفكرة بتتلخص في الاتي
كل واحد في اي وقت يقول هو ذاكر ايه النهاردة
و ناوي يذاكر ايه بكرة
و تاني يوم يقول ذاكر من اللي قال هيذاكره قد ايه
و فاضله قد ايه و هيذاكر ايه تاني
من الاخر هيكون ده جدول مذكراتنا على النت
طبعا كلنا في كليات مختلفة و لو في نفس الكلية في اقسام مختلفة
فعادي يعني لو قلت اسامي مواد او حاجات الباقيين ميعرفوش عنها حاجة
هنعذرك
المهم نبتدي نذاكر عشان اللي بنعمله ده هيودينا في داهية
يا الله كل واحد يقولي ناوي ذاكر ايه النهاردة و ناوي يذاكر ايه بكرة

و كنوع من انواع التحفيز
انا هبتدي
و انا الحمدلله بقالي تلات ايام مشوفتش الكتاب
من يوم الجمعة اللي فاتت
و ناوي الليلة كمان مش بكرة اكون قريت الفصل الخامس field و مش لازم افهمه , هقراه بس وابقى افهمه بكرة

والله يا مصطفى طول عمرك افكارك مجنونة بس يمكن تجيب نتيجة معانا
احنا مقيمين فى المنتدى دة اكتر من اقامتنا قدام الكتاب

المهم انا تاني واحدة هقول وربنا يستر ومش عايزة اقر او تريقة مفهوم

انا بقالى يومين قاعدة فى البيت بحكم الاجازة يعنى فذكرت شويا فى الكتاب
عقاقير ( انا فعلا مش فاكرة حاجة بس بس عشان قبل الامتحان نبقى عارفين المنهج فى اية )
وزاكرت نحليلية بس جزء بسيط يعنى

وبكرة ان شاء الله هذاكر ميكرو عشان عندى امتان بعد بكرة ادعو لى

وشكرا يا مصطفى مرة كمان على حاجات كتير

الفكره جامده يا مصطفى وعايز فى الاول ادعى لي امانى وربنا معاكى يا رب وتحلى كويس
انا طبعا زى كل يوم مافتحتش كتب بس ان شاء الله هذاكر بكره ايه ايه ايه
اه هذاكر بكره تنفيذ جبرى

يا جماعه مش يمكن فى ناس عينهم وحشه وبتقر
زى ام سعيد اللى بتقول اوك يا مونى


وبعدين انا وهوت ايس
ملناش فى التوبيك ده
ازاى تعملوا توبيك ميضمش كل الاعضا واهتماماتهم
انا زحلانه منك يا درش متفكرش فى اختك الكبيره

انا رسمت لوح خرسانه مسلحه لتصميم تلت كمرات وبلاطه
وان شاء الله بكره هرسم كمان واحده واذاكر شوية تشييد وان قدرت اكمل هذاكر اي حاجه في الاسترانكتشر عشااااان انا بموت فيه لدرجه اني بشيلو كل ترم

تصدقي اه .... !! دا انتي اللي ( اخدتيني ) بالي !!

دا كلام يا مصطفي ؟؟

انا اطالب بتعويض عن احساس كبار السن والمعوقين اللي

حضرتك فجرته وبقوة بهذا الموضوع التعسفي !!

وانني اطالب بتدخل فوري لوقف بث هذا الرنامج ..

وكذا اطالب بتعويض مالي علي هيئة معاش مبكر

للعضوين المذكور اسمهما اعلاه في عريضة الدعوي

المرفوعه من الطرف الاول ..

كملي بئا يا همسه .. شكلي هروح في داهيه !

المفروض اننا لينا حقوق
واجب عليكم تراعونا
وتعملولنا توبيك
قضيت فراغك فى ايه انهارده
مماثل للتوبيك
ذاكرت ايه انهارده
ممكن نعتبر ده تعويض معنوى
اما المادى
هسيب هوت ايس
يقول طلباته

هههههههههههههههاية ياهوت ايس ياباشا انتوا اساتذتنا وامثالنا العلياواحنا من غيركوا بلا هويةهههه شفت هوية دىالمهم الموضوع جامد ياشوشو قصدى ياشومان وانا بالنسبالى لسة مفحتش الكتب بس الظاهر انى هفتحها بقى عشان شكلى بقى وحش قدام المفكوكين واوعدك انى هدخل اقول انا ذاكرت اية بس بجد فكرة جامدة موووووووووووتترقبونى بقى وقولوا يارب

:-? واضح ان ( محاميو ) المدعي عليه بدأوا بدري !

وواضح ان الموضوع مش هيبقي بالسهوله المتوقعه ..

خصوصا في ظل محاولة ( تحييد ) المدعين بالحق المدني

و ( اساتذتنا وامثالنا العليا .. وبلا هويه ) وبلا هويه دي بالذات

اطالب بأثباتها في محضر الجلسه :-?

بلاش انتي يا ندي تدخلي مع الخصوم وخليكي محايده

علشان ( ساعة الدفع ) ماتقوليش ياريت اللي كان ياماكان وكدا يعني ..

ايه ده ايه ده

هتنصب يا هوت انت وهمسه

طيب همسه وكفايه عليها النور الوالع طول الليل بسببي

وانت ياهوت مش مكفيك انك تصحيني وتسهر جنبي طول الليل تشرحلي



تحب ازود الجدول واقعدك جنبي طول النهار كمان

وبعدين كفايه السكاشن اللي بتدهالي

ياعم دانتم بتتعبوا معايا اكتر مني

هههههههههههههههههههههه

يلا ربنا يخليكوا ليا يااااااااااااااااارب

يعني اعتبر دي اجابه دبلوماسيه بما انك في

الطقم الاداري ولا ايه بالضبط !!

ولا علشان مااعتبركيش انتي كمان من محاميو الخصم !!

واخونا مصطفي بعد ماعمل عملته شكله سافر بره زي

ماالناس الكبار بيعملوا ... !!

هههههههههه فكرة تحفه يا مصطفى يا رب تيجى بفايده أنا لسه مبتداتش أذاكر هبتدى من بكره إن شاء الله هذاكر أول فصل من مادة (التوثيق و نظم المعلومات و الكمبيوتر ) و هبتدى كده و أقول يا فتاح يا عليم يا رزاق يا كريم و هرش ميه أدام المكتب:d

ههههههههههههههههههههههه
مصطفى شكله فك
على مبدأ فكك :d:d


بس ريرى دبلوماسيه هايله ثبتينا يا توتا
ولا برافو

انت هتشتغلى جيل هير كود بعد كده

ربنا معاكى يا سنو يا بنتى
بالتوفيق ليكم كلكم

انا برده...... لا والله بس كلامي ده مش حقيقي بامارة اليومين اللي قضيتهم نوم ..... فااااااااااااااكرررررررر

ههههههههههههههههههههههههه ههههههههههههههههههههه
اهلا
جاري تحضير للمرافعة

سيدي القاضي
حضرات المشرفين
الاول انا هبتدي كلامي بان مقولة الفنان شعبان عبدالرحيم
انا بكره اسرائيل و بقولها لو سال
ان شاء الله اموت قتيل او اخش المعتقل
و الخمسة بخمسة و نص و انا واقف بستناك
و عينيا عليك بتبص يا حبيبي و مش شايفاك
تخيل يا سيادة القاضي
مش شايفاك
اه والله مش شايفاك

اولا يا سيادة القاضي دعني اولا ارد على ادعاءات المدعين حيث ان ادعاءاتهم ليس لها اي وجه من وجوه الصحة





يا سيادة المراقب , حضرات المشرفين
اللي حصل ان هناك سوء تفاهم
الموضوع و ما فيه ليس الا دفتر هنسجل فيه هنعمل ايه
و لكن لان معظم المشتركين فيه لايزالون طلبة , فقررنا ان يكون الاسم ذاكرت ايه
اه والله ذاكرت ايه
و لكن لان المدعيين لا يدركون هذه النقطة , اتعقدوا خاطئيين ان هناك خطا , و لكنهم مخطئون سيادة القاضي
و هذا ما قمت بتوضيحه منتوسة و ريري

انتهت مرافعتي سيادة الرئيس
و انا بطالب بحبس المدعين عليا لمدة عشر ايام لانهم اهانوني و طعنوني في شرفي
و انا واخد اقتباس لكل كلامهم و مكبر الاجزاء اللي يحاكم عليها القانون
كما انهم قاموا بتهديد منتوسة و انا بطالب بحقوقنا كاملة
يحيا العدل
و البلد فيها قانون
و انا بشكر سيادة الرئيس مبارك على وقفته معانا
و سلاموعليكم

امبارح ولا فتحت ورقة حتى من الكتاب
انا دلوقتي هقوم انام
و لما هصحى احتمال كبير اذاكر

اية الكلام الكبير دة يا مصطفى لا برافو عليك
هشغلك محامى بعد هندسة

بالنسبة لموضوع المذاكرة
طبيعى جدا ان انا ماذكرتش حاجة النهاردة لانى رجعت من الجامعة متأخرة ونمت شويا ولسة صاحية حالا
بس ان شاء الله هذاكر عشان عندى امتحان بكرة

انا الحمد لله عملت رسمه خرسانه وقريت صفحتين تشيد وكفايه انا عملت فوق طاقتي اساسا ممكن ابا ازود الجرعه بكره ان شاء الله

للأسف ...................
ولا حااااااااااااااااااجه :( :(

اهلاااااااااااااااااااااا اااااااااااااااا

ويلكم باك يا باشا ... قصدي كفااااره .. خرجت امتي =))

لأ بص بئا يا باشا .. احنا دلوقتي هنرد علي كام موضوع

مستعجل .. وجيلك اخر الجلسه علي رواااقه !!

دا الموضوع كبر واتدخل فيها شعبولا و ( باركولا ) مبارك سابقا

استناني اوعي تمشي !! ;-)

انا رجعت تانى بعد ما ذاكرت شويا
يعنى تقدروا تقولوا حلت الشيت اللى همتحن فيه بكرة بس بتركيز شويا
وادعو لى

انا صاحب الموضوع مفتحتش ورقة بقالي اربع ايااااااااااااااااااااااا ااام
:((:((:((

امال كنت فين حضرتك

يعني لامنتدي ولا مذاكرة ؟

وبعدين دا انا مجهزلك عريضة دعوي .. هتدعيلي

يا عم ده انا موجود لاربعة و عشرين ساعة على الموقع اهو :((
و بعدين في مسئوليتي اربع مواقع تانين:d
منهم اتنين لسه تحت التجهيز:d و الشغل على ودنه
و بعدين المفروض يا هوت ايس انه زميل دراسة و عارف قد ايه معاناة خريج الهندسة
و اللاه عشان انت خلصت المدة بتاعتك؟؟:-":-"

أنا ذكرت فصل التوثيق زى ما قلت و هخلص التانى النهارده إن شاء الله وإحتمال أقرا شويه فى التشريعات أو الإعلام و التنميه بس قول يا رب لو دخلت بليل هقلكم ذاكرت ولا لاء

من بكره ان شاء الله هبداء اذاكر

4 مواقع ؟؟ ومن ورانا ؟؟

وبعدين ياباشا والله كنا لسه في سيرتك النهارده

وعارف والله الحمل الكبير اللي عليك ..

ربنا يوفقك يارب وتعدي ( مدتك ) علي خير ;-)

ولا فتحت كلمه بكرة إن شاء الله النهار له عيون;-)

مممممممممممممممم فكره لذيذه طحن


انا ذاكرت شوية قضاء ادارى - تعويض - و ذاكرت مدنى - عقد ايجار -


و ربنا يوفقنا و يسترها معانا

اليوم الخامس على التوالي
ولا كلمة
مع اني من كتير ما ببقى عاوز اذاكر باخد معايا الورق الجامعة
قال يعني هلاقي وقت فراغ ممكن افتح فيه حاجة
و لا حياة لمن تنادي :((:((

فكرة جميلة بس يا رب تجيب نتيجة

ان شاء الله هذاكر الفصل الاول من الجغرافية الاقتصادية والبردى فى التاريخ الرومانى

أدعووووووووووولى أقدر أذاكرهم انهردة وأخلصهم بقى
انا بقالى أسبوعين بحاول أذاكرهم

مع خالص أمنياتى لكم
بالنجاح والتوفيق

على فكرة انا كنت بذاكر قبل الموضوع دة ما ينزل
لكن دلوقتى ولا كلمة ....السر فين .؟

ع العموم
انا قررت النهاردة ازاكر فسيولوجى (فصلين ان شاء الله)
ولو قدرت هذاكر عضوية كمان
وربنا يوفقنا جميعا
وانت اولنا يا شومان
ربنا معاك يارب

ذاكرت:d
قريت ست صفحات بحااااااااااااااالهم في مادة الثيرمو
هيييييييييييييههههههههههه هههه
ههههههههههههههههييييييييي يييييييييييييهههههههههههه ه

كنت بحل امتحانات علم نفس واجتماع

انا بقى
واخيرا وبعد طوووووووووووووووول انتظار


ذاكرت جزء مهم جدا فى مادة اول يوم

ويارب اكمل بقى الباقى
ادعووووووووووووولى

بقالي يومين بذاكر انسانيات
مش عارف تتحفظ واللاه تتفهم
لما هتجنن