بحبها وبحبة بجد

اسمع معايا الكلام دا كدا

يا بنتى دا كداب..
يا بنتى دا انانى..

مانا عارفة بس... بحبه

يابنى دى غيورة..
يابنى دى متسلطة..

منا عارف بس.. بحبها

دا الحوار اللى بيدور بين كتير من الناس...
بيبقى عارف ان اللى بيحبها فيها عيوب كتير.. بس بيحبها..
والعكس.. بتبقى عارفه ان اللى بتحبه فى عيوب كتير.. بس بتحبه..

هل فعلا الانسان ممكن يتغاضى عن عيوب اللى بيحبه..؟؟
و لو ربنا اراد واتجوزوا مثلا.. هل بيقدروا يستمروا فى حياتهم.. ؟
ولا مع مرور الوقت بتتضح العيوب دى اكتر وبيبقى الانسان مش قادر يتحملها؟؟
هل مراية الحب عامية فعلا.. ؟؟

وايه العيوب اللى مهما كنت بتحبها او مهما كنتى بتحبيه.. مش ممكن تقدروا تتغاضوا عنها ..؟؟
وبالعكس.. ايه العيوب البسيطة اللى ممكن التغاضى عنها وتحملها فى سبيل اللى بتحبوهم..؟؟

أكيد في عيوب مش ممكن نتغاضي عنهاااا ... وبيكون البعد والنسيان الحل الوحيد


هو دا الموضوع ببساطة
يا ترى ايه رأيكوا... ..؟

والله موضوعك هايل وفكرته جميله يا مينتوسا

في رأيي ان الاساسيات هي التربيه والاخلاق

مع توافر الحب الصادق فعلا .. ولو توفر الحب الصادق ده

يبقي كل العيوب ممكن مع الوقت التغلب عليها ..

هحاول بس استبعد بعض العيوب الصعبه لو هي واضحه اوي

في الشخص زي البخل .. الاستبداد بالراي .. اللامبالاة

البرود بأنواعه ... السلبيه الواضحه ..

شكرا مينتوسا للفكرة الجميله وتقبلي مروري

شكرا هوت على المتابعة والرد
واتمنالك حياة سعيدة مع الشخصية الى تتمناها وتكون مميزات اكتر وعيوب اقل
شكرا ياباشا على رأيك

انا اللي بشكرك علي امنياتك الجميله

وكل التوفيق في حياتك العامه والخاصه

لا تبحث عن الكمال في غيرك..
إنك لن تجد إنساناً كاملاً، فلا بد له من عيب، وإذا استقصيت في البحث عن مثل هذا، فلن تظفر به في الوجود

سوف احب حبيبي لانه حبيبي

thnx ze2ba 3ala el moror

اه منا بقول كده بردوا
اللي بيحب حد وشايف فيه حاجه وحشه يقدر يغيرها وكمان هو اقرب شخص الى تحقيق ذلك وكمان هيكون فرحان وهو بيغير عيب فيه عشان يبسط حبيبته او العكس وده من وجهة نظري الصغنطوطه

thnx ya tefa 3ala ra2yak el so3`ntot

جميله جدا جدا جداا

موضوع جميل يا ندي

طيب ده اللي بيعرف عيوبها قبل ما يتجوزها

امال بئا اللي بيعرف العيوب بعد الجواز

وتبئا العيشه..................

اعتقد انه نصيب وقدر محتوم بصرف النظر عن اللف الكتير والبحث والتمحيص

شكرا على الردود

ريرى
همسة

حلو ياندى
موضوع جمييييييييييييل

شكراااااااااا يا منتوسه ع الموضوع
وبجد مراية الحب عامية

شكرا يا ندى على الموضوع
هى فعلا مرايه الحب عامية
بس اللى بيحب حد مبيشوفشى فيه عيوب
دايما بيكون أحسن واحد فى العالم مهما كان الشخص ده ومهما كانت عيوبه
وطبعا العيوب دى مبتظهرشى الا بعد مشاكل
لان المشاكل بتبين كل واحد على حقيقته امام اللى بيحبه
وربنا يستر علينا وميكونشى عندنا عيوب كتيييييييييييييييييير
وعلى فكره ممكن نغير ونصلح من العيوب دى بس بالسياسة
واكيد لو هو أو هى عاوزه تتغير علشان اللى بيحبوهم أكيد لازم يتغيروا
وربنا يسعد الجميع

التوبك هايل مينتوسا والفكرة بتاعته لذيذه
(*)(*)(*)(*)(*)(*)(*)(*)(*)(*)(*)(*)
بس انا هقول حاجه الحب أعمى ولو كنت بصيرا
:-b:-b:-b:-b:-b:-b:-b:-b:-b:-b:-b:-b:-b:-b:-b
وأعتقد الى بيحب حد مبيبصش لتصرفاته أو شخصيته
:X:X:X:X:X:X:X:X:X:X:X:X:X
وفى الاخر برده الحب أعمى .وتسلم أيدك على التوبك
@};-@};-@};-@};-@};-@};-@};-@};-@};-@};-@};-@};-@};-@};-@};-@};-@};-
ونحو مزيد من التميز
=d>=d>=d>=d>=d>=d>=d>=d>=d>=d>=d>=d>=d>=d>=d>=d>=d >=d>=d>=d>=d>=d>=d>

يا جمال الحب موضوع جمبل تسلم ايدك(*)(*)(*)

الموضوع جميل جدا

فعلا الحب بيجي من مستحيل
بس للاسف فيه كتير ميفهمش كدا
الحب شمعه ممكن تنور لك حياتك
وممكن تكون دمعه عينك اللي تبكي ليل ونهار
بس زي ما الواحد بيتغاضي عن حجات كتير في الشخص اللي بيحبه
لازم يشوف برده مميزاته لان فيه عيوب بتبقي مميزات وفيه مميزات بتبقي عيوب
وبعد الدش ده كله
لولا اختلاف الاراء لبارت النساء
وشكرا=((

الموضوع دة جميلا جدا
انا راى ان الحب ممكن يخلى الواحد مايشوفش العيوب بتاعت الشخص اللى بيحبة
بس فية حاجات زى الكدب والبخل والحاجات اللى ماينفعش نتغاضا عنها خالص لكن فى حاجات تانية ممكن احنا ماناخدش بالنا منها وممكن نستحملها وبالحب ممكن نغيرها زى العصبية والغيرة وحاجات تانية ....... وميرسى قوى على مجهودك وياريت تتقبلى راى

تسلم ايدك يا(نادووووووش) على الموضوع الرائع

فعلا احيانا بتكون مراية الحب عامية فعلا بس مش فى كل الاحوال بالنسبالى انا لو حبيبى فية حاجة مش حلوة او عيب مفيش حد كامل غير ربنا سبحانة وتعالى وبعدين احنا بشر ارجع لكلامى لو فى فى حبيبى حاجة مش حلوة وانا عارفة دا اكيد هغيرة للاحسن مش علشان انا عوزة دا لاء علشان دايما يكون ى احسن صورة ليا وللشكل العام واللى بيحي شخص بيعمل علشانة اى حاجة مهما ان كانت دا راى

لا انا مقدرش اتغاضى عيوب حبيبى يااما اغير للاحسن يااما ابعد ,,,,,,لا طبعا مقدرش اعيش بعيوب انا مش قبلها ابدا ومش العيوب اللى ممكن اقول ممكن يتغير زى البخل والحياه المستهترة استحالة طبعا انى ابنى حياتى على اساس ضعيف ,,,,,,العيوب اللى ممكن محطهاش فى بالى زى مثلا يكون غيور اوى واللى مقدرش افوتها انة يكون بخيل خاين مستهتر كدا طبعا فى كتير بس دا اللى اتذكرتة ......