بنات الناس مش لعبه

هنتكلم عن فئه معينه من الشباب

بيعملوا حاجه وهما مش قصدينها
بس بتكون عواقبها سيئه للاسف
بيجى الواد من دول بعد مايلف ويدور
ويعمل كل اللى عاوزه
ولما ينوى على الجواز يقولك
انا اروح لاهلى يختارولى واحده
على الاقل هيكونوا واثقين منها
وهيضمنوا انها متكنش كده وله كده
واضعف الامور انى معرفش عنها حاجه
ويروح يقول لاهله
بابا انا عاوز اتجوز
ياريت تشوفلى واحده بنت ناس محترمين
فيفرح الاب طبعا عشان ابنه بيفوض ليه الامر
فى ذلك
وعشان هيجوز ابنه
وفعلا يقعد الاب والام ويدوروا
اه معرفش مين بنت فلان مين
هى دى اللى تنفع ابننا
ادب
اخلاق
متربيه
متدينه
الخ....الخ
ويروح الواد واهله
وماسك علبه الجاتوه
وعايش الوهم انه هو الفارس المنتظر
وتبدى قعده الاهل
والله احنا مش هنلاقى احسن منكم ناخود بنتكم لابننا
ده كفايه اخلاقكم
واحنا اصحاب وعشره عمر
وطبعا بنتكم هى بنتنا
يرد اهل العروسه
يااااااااااااااااه
ده شرف لينا احنا
ده كفايه سيرتكم الطيبه
واخلاقكم
واحنا ياابنى مش محتاجين
الا واحد يراعى ربنا فى بنتنا ويحافظ عليها
يرد اهل العريس
لا ده كله الا عباس
ده الادب عباس
ده الاخلاق عباس
هو انا خلفت الا عباس
طيب احنا هنسيبكوا تفكروا وله ايه
فتبتسم العروسه
طيب خلاص نقرا الفاتحه
وينتهى الموضوع على كده
ويجى عباس يزور العروسه كل يوم خميس
ويتغدى ويقعد مع عروسته
وحوار فى كلمه عاوزين نلبس الشبكه
وكل حاجه تتم بسرعه
وبرده عباس كل يوم خميس
يروح يتغدى
وطبعا العروسه بيكون يوم الخميس ده عندها ايه
متعرفوش بقى بيجوا احسن الاكلات عشان عبس افندى
ويفضلوا ينضفوا فى البيت ويروقوا
ويعنى لو فى اخ صغير
يبقى الخميس ده عنده يوم كله خنقه
ليه بقى
هو عاوز ينزل مع اصحابه
بس يابنى مينفعش
خطيب اختك جاى ولازم تكون موجود
يجى عباس بكل احترام
بعد اذنك ياعمى انا هبقى اتصل عندكم فى التليفون
عشان نتعرف اكتر على بعض
وتبتدى التليفونات
وتلاقى عباس اتغير
وتلاقى العروسه
قاعده ليل نهار لوحدها
مالك يابنتى
مفيش ياماما
لاء فى
اصل عباس مبيتصلش بقاله كام يوم
طيب انتى زعلتيه فى حاجه؟
ابدا والله ياماما
طيب مش الواجب انك تتصلى تطمنى عليه
حاضر ياماما
بس استأذنى ابوكى الاول
يجى الاب ويقول
وماله يابنتى ده خطيبك المفروض
تسألى عليه
لا يكون تعبان وله حاجه
وتتصل البنت
الو
عباس ان فين
انت فيك حاجه
بقالك كتير مبتكلمش ومبتجيش
يرد عباس بنبره صوت مش هى ويقول
لا اصلى مشغول
معلش هاجى الخميس الجاى
وفعلا تنتظر العروس الخميس بفارغ الصبر
وتحضر الغداء
بس عباس يقولك
لا انا مش عاوز اكل
ماليش نفس
ويفضلوا يتحايلوا عليه
ويقول ماليش نفس
ويحاول يمشى وينزل
تشعر وقتها العروسه ان فى حاجه
فتتصل بعباس
مالك انت ماكلتش ونزلت على طول فى ايه
فيقول عباس
مش عارف ويفضل يقول فى كلام
ينرفز به صاحبتنا
فتحكى البنت ماحدث والدها
فيتدخل الاب
ويكلم والد عباس
ويحكى ليه اللى حصل
فيقول والده
طيب انا هاشوفه ماله
اكيد حاجه فى الشغل
انت عارف شباب اليومين دول
ويقعد يتكلم مع ابنه
مالك يابنى
حماك كلمنى وقالى كذا كذا
فيقول عباس
مش عارف يابابا
انا حاسس اننا مش متفهمين مع بعض
فيقول الاب ليه يابنى انت شوفت منها حاجه وحشه
فيقول لا يابابا دى محترمه جدا
بس هى مش فهمانى
وانا بصراحه مش هاقدر اكمل معها
فيقول الاب انت حر يابنى
بس فكر كويس عشان نعرف نرد على ابوها
وينزل عباس مع اصحابه
ويتكلم
ويقول اصل خطيبتى معاملتها ناشفه قوى
بقولها بحبك تقولى شكرا
او متردش
المهم
يتصل الاب بوالد البنت
ويقول كل شئ قسمه ونصيب
وينتهى الموضوع
طبعا صاحبنا ميعرفش هو عمل ايه فى البنت الغلبانه دى
هو كده ممكن يدمرها
وبيفتحلها كذا باب تدخل فيه
اما ان تحاول البنت ان تتخلى عن مبادئها
وتنزل بقى تتعرف على واحد واتنين
ماهو كل ذنبها انها ملهاش علاقات
عشان تعرف تتعامل مع البيه
او انها تصاب بصدمه
وتقفل الباب قى وش اى واحد يجى يتقدم
لانها متنفعش
وترى نفسها فى دائره مغلقه
وتفضل تكلم فى نفسها
وتحس انها كانت فأر تجارب
اما ان تنجح او تفشل
ويصعب عليها نفسها
لانها مالهاش فى الكلام ده
وفجأه لقيت نفسها فى حلم جميل
شبكه وخطوبه واهل واصحاب
والكل بيبارك
ودنيا تانيه جميله
....
الى الشاب اللى من النوعيه دى
اسمع يا معلم
كلمه قالوها زماااااااااان
بنات الناس مش لعبه

وكما تدين تدان
انت متعرفش انت عملت ايه
اى كان السبب اللى سبتها عشانه
فى واحده فى الشغل
او حد ظهر فى حياتك
فى فى فى
كل الكلام ده كان المفروض يقف
لكن متجيش تقولى خطيبتى بقولها بحبك
تقولى شكرا
طيب وانت عاوزها تقولك ايه؟
عاوز ايه من واحده مالهاش اى تجارب فى الحياه؟
عاوز ايه من واحده محترمه غير كده؟
ومش معنى انها مبتكلمش انها انسانه بارده
بالعكس
انت لسه خطيبها
يعنى مش جوزها
عشان هى تديلك كل الحلو
انت طلبت بنت ناس متعرفش عنها حاجه
متجيش بقى وتجرح ولاد الناس
لانك مهما كنت خرجت بطريقه لطيفه
او مهما فضلت تتعمد انك توقعها فى الغلط عشان
تسبيبها
فانت انسان مريض
وربنا مش هايسيب حقها

احنا طبعا معظمنا لسه مش عاش تجربه عباس كلها يعنى معظمنا جرب موضوع الجامعه لسه الخطوبه وكده والجاتوه.
فياريت بلاش نبقى زى عباس
عشان لو انت طلعت عباس
ممكن عباس ده يجيى يتقدم لاختك.

وسلامو عليكم

الموضوع ملوش حل وفعلا انا الموضوع ده حصل مع ناس اعرفهم وبجد الموصوع صعب ومش ده يكون جزات البنت المحترمة

الموضوع ملوش حل وفعلا انا الموضوع ده حصل مع ناس اعرفهم وبجد الموصوع صعب ومش ده يكون جزات البنت المحترمة

صح يا ميسي وبجد حسبي الله ونعم الوكيل في عباس واللي بيشبهوه شكرا موضوع حلو كتير

يارب أكفينا شر عباس
بس بيتهيألى يا ميسى باشا أن الشاب عامة بيبقى عارف قيمة البنت المحترمه و كنت فاكره انها بتكون أغلى من كده يعنى كنت بحسب أن اى ولد مهما كان مقطع السمكه وديلها أو عايش مع نفسه بيدور على البنت المحترمه دى مكنتش أعرف انها نقمه

وبالنسبه للبنت دى بقى فا طلامه قلت محترمه فأنا كنت متأكده بردو انها مهما شافت عباس أو غيره عمرها ما هتغير مبادئها ولا تقلل من شأنها قدام نفسها قبل ما يكون قدام اى حد تانى


شكرا ميسى على التوضيح وهوا موضوع جديد حقيقه بالنسبالى

والله يا ميسى الموضوع احيانا ما بيكونش بالشكل دة
يعنى فترة الخظوبة اتعملت عشان يعرفوا بعض .. فاحتمال انهم مايقدروش يفهموا بعض وارد

ثانيا لو حصل زى ما انت بتقول والبنت دى واثقة من نفسها ولا هيفرق معها عباس ولا حتى حسنين
وشكرا ع الموضوع

شكرااااااااااااااااااا ع المرور
وزى مانت قولت مش المفروض اننا نساوى بين البنت المحترمه والبنت اللى مقضياها

شكراااااااااااا لمرورك يا حنين
واكيد ربنا مش هيسيب اللى زى عبس بيه من غير ما ياخد عقابه

شكراااااااااا لمرورك يا اسنو وايت
بس انا لما اتكلمت فى الموضوع قولت هنتكلم عن فئه معينه فى الشباب يعنى مش كل الشباب بيفكرو زى الواد عباس
وفعلا الولد مبيدورش اللا ع البنت المحترمه والشباب بياحفظوا عليها جدا بالذات اليومين دول عشان البنات المحترمه بقوا قلله فى البلد وبقوا زى العمله النادره
ومحدش قال ان البنت المحترمه نقمه بس حظها هو اللى وقعها فى طريق عباس ومش بعيد ده يكون اختبار من ربنا لها .
فتامفروض متتخلاش عن مبادئها ابدا

بصصى يا اسبايدر عباس لما ساب البنت مش سابها عشان مفهموش بعض
لاء هو ستبها عشان كان عاوزها تهشتكه وتبشتكه تدلعه يعنى من الاخر
وللاسف ده مش هينفع عشان اخلاقها وتربيتها
يعنى هو مكنش بيختبر علاقتهم هو كان عاوزها تبقى زى حبيبه الجامعه والدلع والشغل ده


شكراااااااااااااااااااا لمرورك

انا كنت بتكلم من وجه نظر عامة
مش فى الموضوع دة بس

امممممممممممممممممممممم
شكراااااااااااااا ع التوضيح يا اسبايدر

i hope

thats not to be just words messi

لاء ان شاء الله مش كلام وخلاص يا ريرى

شكراااااااااااااااا على مرورك

تسلم على التوبيك

موضوعك جميل خالص
والبنت دى ربنا يكون فى عونها

بس هى لازم تكون واثقة من ان فى سنة كونيه ربنا وضعها فى القرآن الكريم
"الطيبون للطيبات والخبيثون للخبيثات"

وأكيد ربنا مش شايف ان عبس مش مناسب ليها وكل واحد لازم يعرف ان
الطيور على أشكالها تقع

كل واحد بقى ياخد باله من نفسه

شكرا يا ميسي على الموضوع
والكلام ده بيحصل فعلا وفي احيان كتير بيعمل للبنت مشاكل وكذلك الولد لو البنت هي اللي مش عايزه تكمل
بس في نفس الوقت ممكن يكون هم مش متفاهمين فعلا فلازم يسيبوا بعض احسن ما يحصل مشاكل بعد كده
وعلى الاقل تبقى عرفت انسانه محترمه
بس طبعا اللي زي الاخ عبس ده ربنا يسامحه
والبنت طول ماهي واثقه من نفسها وعارفه ان اي حاجه قسمه ونصيب يبقى لا يهمها عباس ولا حتى فرناس

وشكرا يا ميسي
تحياتي صديقك ماتركس

الله يخرب بيتك يا عباس على اللى انت عملته فى البنت

ميرسى يا ميسى على العرض المميز للموضوع