أمل.. مثل ..القمر....

اولا ازيكم يا أحلى الأعضاء
بصوا بقى دى قصتنا

كان فى 2 أصحاب مع بعضيهم قرفانين زى العاده وكل يوم بيحاولوا يوصلوا لحل ليهم ووجدوا لنفسيهم ان اسلم حل يا اما الانتحار ،، أو اما انهم يعيشوا ذى بقيت الناس يعيش ويموت من غير أثر-كأنهم شوية ريح وعدت بلا أثر-

وفى يوم قرروا الحل الاول لأنهم مش عاجبهم حال البشر،، ومش لاقيين اللى يوجههم للأمل

وقال الصاحب لصاحبه : يلا ننتحر هههههه
المهم فرد صاحبه وقال : انا عندى أمل لأجله أعيش وأفتخر

وكتب الكلام ده
شوفوا ايه رأيكم،، وهل الأمل يستحق منه ده ؟؟
ولا أقوله ينتحر

عندى أمل مثل القمر
صعب المنال.. كونه بعيد
عايز صاروخ ..فينه الصاروخ؟؟
مابيدى غير ذاك الحجر
أطلع عليه وأظل طول الليل بعشقى للقمر

**********

خلاص بقيت بعشق القمر
هل ياترى ..يا هل ترى
من حقى أوصل القمر؟؟
ياريت يارب أوصل القمر

**********

عشقه غريب عشقه عجيب
وعشانه حبيت السهر
خلاص بقيت أسير القمر
وأنا حتى على أرض البشر

*********

ادعولى أروح أحضن القمر
أو حتى راح ينزلى القمر
لكن ده من مش طباع القمر
عرفتوا ليه صعب الأمل ؟؟

**********

وربى نفسى أحضن القمر
وأموت على سطح القمر
وأعيش وأموت أسيرالقمر

**********

المشكلة ان الكل بيعشق ها القمر
فهل هيكون لىّ القمر
عارفين ده لو حصل ؟؟
هبوس ترابه
واحضن جباله
واعيش جماله
وابعد بعيد عن البشر
خلاص بقيت ويا القمر
هل ممكن يستنى القمر ؟؟؟

8->8->8->8->8->8->8->

طبعا اى تعليق جميل بخط كبير ،، ولو العكس بخط صغير ..هههههه،،، عشان نقول للراجل يزيد من ابداعاته

اه ،، حقوق الطبع محفوظة للواد المؤلف وفكك طبعا

وياريت تختاروا عنوان
عشق القمر
عشق الأمل
روح الأمل
ولا زى ماهو

هنتظر ردودكم أكيد
لأن الراجل على وشك الـــ.......
بلاش السيرة دى

تعرف يا سندباد ... للامانه بس .. دي تاني مرة ادخل

موضوعك .. أول مرة كانت من يومين تقريبا ودخلت وماردتش

غالبا كان علشان راجع من شغلي مرهق .. ثانيا قريت بداية

الموضوع بس وماكملتوش لأنه ساعتها مش عارف ليه ماشدنيش

المهم خرجت علي امل ارجع تاني وانا ( فايق ) شويه .. وها انا ..

حاولت كعادتي أدخل مابين السطور علشان اعرف تجربة الكاتب

وصلت للاتي .. الموضوع أقرب لأنه يكون بين حبيبين وليس صديقين

والاتنين بيوصلوا كتير لنقطة اليأس اللي مش عارف سببها ..

المهم ان الحبيب بيحاول يثبت حبه وصور حبيبه بالقمر اللي هو

رمز لكل العشاق .. من المقطع الاخير اخدت انطباع غريب

أوحالي ان فيه نوع من التنافس علي هذا الحبيب ( المشكله ان

الكل بيعشق ها القمر )

الموضوع ككل جميل ومشاعره جميله بس برضه للامانه أعطاني

انطباع وكأن الحبيب مش متأكد من مشاعر حبيبه ناحيته ( فهل

هيكون ليا القمر عارفين لو ده حصل ) و (هل ممكن يستني القمر ) ..

شكرا سندباد وعلي الاقل خالص خالص .. انت بتحاول

استمر يا باشا في الكتابه .. والقادم احلي واحلي ان شاء الله

وتقبل مروري .

لا خليه كلامه مؤثر جدا

و العنوان المقترح
أمل على ضوء القمر

يارب يعجبه و يوافق يخليه معانا و يأجل ال .............

؟
شكرا برنس سندباد على الموضوع الرائع
وعايزين احسن واحسن

واعتقد العنوان عشق القمر يبق افضل

انا بشكرك أكيد يا هوت أولا على ردك وكمان على صراحتك
ويسرنى دايما تشريفك لمواضيعى


ولتصحيح الفكرة !!
هو الموضوع بين اتنين أصدقاء ودعنا جانبا عن سبب تفكيرهم بالانتحار ،، الا ان هناك طرف تالت دخل فى حياة أحدهم ،،، وهو اللى رجع له الأمل وحببه فى الحياة


أما عن وصفه -فــلكل حبيب فى حبيبه مثل - وهو القمر أجمل شئ رغم خوفى منه فى الاساس أحيانا-


أما عن ثقته بحب محبوبته اليه فهو واثق من ده
الا انه يخاف الظروف اللى ممكن تفرقهم عن بعض وما أكثرها فى حالته فهى تعشقه من على سطح القمر وهو يعشقها على الارض ،،،، وعشان حبه فعلا جديا فهو حط أمامه مشاكله عشان يحاول يحلها ويوصلها ....وبيتمنى ان الظروف تساعدة ،،،، ومش يطرأ جديد قبل وصوله اليه -وده أكيد هيكون رغما عنها لسبب او لأخر *وما أكثر من مروا بذلك ،، لكن هو عازم يقهر ده*
وكمان كتعبير عن حبه وتعلقه بيها يا سيدى وليس شكا فيها


هى دى مشكلة صاحبى ده
اتمنى انك تكون فهمتنى وجاوبت عن كل استفسار فكرت بيه ؟؟


اما عن الشعر قولت لك مرة مش بتاعى
ولو شافه صاحبى هيقتلنى
ولا انت قصك ع العرض للموضوع أصلا؟؟


بشكرك تانى يا هوت

انا بشكرك على مرورك
وبجد هحاول أقنعه انه يكافح من أجل امله
ولو صادق ،، أكيد الصعب كله هيهون

عنوانك على فكرة حلو جدا

أنا اللى بشكرك يا نجم والله
وبيفرحنى مرورك عليا

(لو كنت انا القمر فسوف اقسم اني اسرق الضياء من نور شمسك وكان الليل والنهار يتعقبان في روحي ومنذ اشرقت حبست النهار في روحي)
اخبر صديقك ان كلماته
دنيا من المشاعر .. وعالم من أحاسيس
جمعت بين ألم الحياة ورحمة الحب واصبحت
ك قطرات مطر تبلل ارواحنا الظمأه

بالنسبة للعنوان زي ماهو
ويارب بشوف الرد ويستبعد فكرة الانتحار
تقبل مروري

أشكرك جدا جدا ياسندياد لمتابعتك الجميله

وردك التحليلي الواضح جدا .. وفعلا وضحتلي كتير

من تساؤلاتي ..

أجمل الامنيات القلبيه بكل توفيق .. لصديقك

موضوع جميل يا سندباد

ومشاعر جميله ونحن في

انتظار ابداعاتك الجميله

تقبلي تحياتي ومروري

كلام جميل يا ريت اي واحد لما يفكر يستعيز بالله عشان ميخليش الشيطان هوه اللي يفكرله و يحلم بالبعيد الحلم مش حرام واي حاجه اتعملت مهما كانت من وجهه نظرك مستحيله كانت حلم بسيط
فلازم نحلم الحلم ده حقنى اللي محدش يقدر يمنعنى منه

كلامك زين والله يا سندباد
بس انا عن نفسى
لو انا مكان الواد
كنت انتحرت :d

أنا بشكرك لردك المميز يا بسمة

وان كان فعلا احساس اى واحدة مثل احساسك ده
فــده أكبر معين له بأمر الله انه يتخطى كل المحن والعقبات التى أمامه ويتغلب على عائق الزمن


ويحارب بكل مابقى معه لأجل حبه التائه
و مشاعره الملتهبة بنار الشوق والفراق


اما عن الانتحار فقد تنحى عن فكرته ،،
لكى لا يعيش محروما من حبه بالدنيا
ويموت معذبا فى الآخرة


بشكرك تانى لمرورك يا قمر

..........

انا بشكرك يا هوت لمرورك للمرة التانيه
واهتمامك ومتابعتك

بشكرك ملك روحى على تشريفك ايانا

واتمنى ده بصفة مستمرة

.....

بشكرك يا ماتاتا على مرورك ونصيحتك وماتخافش انا قرصتلك ودانه ،،، وقلتله ابعد عن شوشو الملعون

الحلم دا من اجمل الاشياء ،،بس لما تتخيل انك مش عارف تحقق منه شئ ..أظنه راح يتحول لكابوس

بشكرك يا حوده لمرورك

وخلاص بقى بلا انتحار بلا نيلة 8-x8-x8-x

ربنا يهدى الواد
[-O<[-O<[-O<
...