عرض للطباعة
اعزائى المشرفين و الاعضاء اليوم اطرح لكم موضوع مهم جدا الا و هو
و اهمية الموضوع تتلخص فى الاتى :
1*
2*
3*
4*
5*
6*
7*
8*
9*
10*
ولا شك اننا يجب ان نحتاط للامر عن طريق الامور الاتيه :
1*
2*
3*
4*
5*
هذا و من الملاحظ ان النتائج السلبيه تتمثل فى :
1*
2*
3*
4*
5*
6*
7*
اما النتائج الايجابيه تتلخص فى الاتى :
1*
2*
3*
4*
5*
و مسببات الامر هى طبقا لما قال معظم الناس :
1*
2*
3*
4*
5*
6*
هذا و نرجو من الله الافاده للاعضاء و المشرفين و السلام عليكم و رحمة الله و بركاته
حجازى بجد تسلم كيبوردك ع التوبك
الموضوع حساس اوى وهو اه ممكن يزعل ناس كتير منك بس احيك ع الشجاعه اللى عرضت بيها الموضوع
بالنسبه لموضوعك يا مان فانا شايف ان العيب مش فيك وللا فيا وللا فى شومان وللا فى اى حد دى مشكله جيل يا مان
ايوه جيل انا مبكبرش الموضوع بس معلش لما الواد ينزل على كشك السجاير يشترى علبه روزمان ب7 جنيه تقريبا !!!!!!!! انت مستنى منه ايه بعد كده مهو لازم ميقعدش ع المنتدى ويدى اللى عنده.ده بيقصر على مسيره حياته بعد كده.
انا بقول ياريت كل الناس تبدء تركز فى اللى جاى عشان مش معقول الحرب هتبقى على نقطه مياه واحنا قاعدين نسمع فيلم دبور.
انا ياجماعه عاوز اقولكم اننا لازم نقف ايد واحد دلوقتى كل اوروبا اتحدت ولحد دلوقتى بلبيس والعاشر وابوحماد مش قادرين يتحدوا طب ده ليه؟
انا مش هقدر اقول اكتر من كده وهفسحلكم المجال للكلام
والله الموفق وياريت يا حجازى متحرمناش من كتاباتك المهمه والمؤثر واللى بتمس حياتنا
دى نقطه جوهريه تانيه كنت هتكلم فيها
لما يكون بلبيس و ابو حماد و العاشر مش عارفين يتحدووا طب منيا القمح و مشتول ايه وضعهم ده موضوع مقلق جدا و خصوصا فى ظل تحديااات العولمه اللى احنا فيها و زى ما قلت العيب مش فيا ولا فيك ولا فى شومان دى مشكلة جيل يا مان
و ميرسى على مرورك و ردك يااا مان
لاااااااااا شكر على واجب يا حجازى احنا اخوات ولازم نتبادل الفكرات ( جمع فكره):d
بس كان فى نقطه انت اثرتها فى الموضوع انا احب اتكلم فيها.
النقطه هى العولمه بمعناها الحديث سيبك من انفتاح العالم وانسداد المواسير ده كله كلام مخروم ومبيجيبش نقديه (نقود يعنى او مااااانى بالانكليزى)B-)
العولمه دلوقتى بتعنى حاجات تانيه زى الاحتراف مثلا فى كوره القدم يعنى لما واحد يكون قاعد فى عزبه ابوشرف ويحترف فى كفر شحاته دى مساله جامده اوى وخطيره .دلوقتى الموضوع ده ليه تاثيرات عديده فى المستقبل القريب مش هنقدر نتحملها ايون الكلام ده هيحصل وعلى فكره يا حجازى اانا مش بكبر المسال وزى مانا قولت دى مشكله جيل يا مان.:d
يعنى تخيل لما الواد بتاع عزبه ابوشرف ده ياخد موتوسكل من العزبه لحد كفر شحاته هيصرف كام ؟مش اقل من خمسه جنيه غير ان ممكن نفسه تهفه على كوز ذره مشوى من على العربيه ده كله يا مان بياثر على الاقتصاد لكفر شحاته هى دى العولمه مش تقولى انفتاح العالم
دى الل نقدر نقول عليها عولمه .
احيك يا حجازى على تواصلك فى الموضوع ونتمنى المشاركه من الجميع
والله ولى التوفيق
يا مجانييييييييييييييييييييي ييييييييين
حرام عليكم كنت فاكرانى هفهم
والله مجانين
/:)/:)/:)
شكلك مفهمتيش الموضوع او مقريتيش الموضوع الاساسى بتاع حجازى
ياريت يا جماعه محدش يرد ع الموضوع اللى لما يقرا كلام حازى اللى فى الاول ويفهمه كويس
واتمنى من الجميع المشاركه ودوام النجاح والف مبروك:d
هو ايه اللى انت بتتكلم عنه بالظبط يا أحمد
انا مش فاهمه حاجه
ياريت توضح لنا أكتر
ياااااااااااااااااااه تصدق أنى مخدتش بالى خالص:">
متاسفه أحمد و حجازى مخدتش بالى من محور الحوار
:-b
بس يا جماعه هما مش زعلانين خلاص دا حوار قديم
وبعدين انا شفت العاشر و بلبيس مع بعض هما خلاص حلو الخناقه
و عرفو أن ده كلام عيال
و المتوسكل اتصلح حتى الكاست كان عالى ووطوه لما الراجل إلى واقف على النصيه زعق
وبعدين العولمه خلاص بقت موضع قديمه دلوقتى النفروض نفكر فى الأسواق العربيه الاجنبيه الهنديه المشتركه;-)
وكمان الميه كترت وبقت مغريقه الدونيا حتى راحت قالت للنفط بعته وأعدت تغيظه قالتلو انا ضحكت عليهم (احنا يعنى ) وقلتلهم انى هخلص و هبقى اغاى منك راحو مصدقييييين و فى الأخر انا موجوده اهو زى القرد ولا حصلى حاجه:p
وبس فا متتعبوش نفسكم يعنى اى معلومات جديده ممكن أقولكم بس انتو متتكسفوش وأسألو :d
يلا سى يو:-h
sorry i cant understand u
what's going on
بالنسبه لكوووووووووول ودكتور ماتركس
يا جماعه الموضوع سهل جدا وشارح نفسه بس فتح عينك تاكل ملبن
يعنى ايه برضو؟
بصصوا دلوقتى يا كوووول لو انا جيت وقولت انا عاوز اسافر الارجنتين مثلا هبقى محتاج ايه؟!!!!!!!!!!!
اكيد موتوسيكل وشويه بنزين او جاز مش بنزين كمان واتنين كاوتش استبن وممكن شويه لبن وفطاير وشويه حبشتكنات كده عشان الطريق وكده.تمام لحد كده
دى بقى بتمثل جزء من الحياه اللى احنا عايشينها ومش عايشنها زى ماعمرو دياب بيقول .
فاهيمن لحد هنا طبعا .
ده بقى اللى احنا بنتكلم عليه وهو ازاى انك تشقلب حياتك من حياه فوضاويه لحياه نو فوضاويه
وده اللى اتكلمنا فيه فى الردود السابقه
فياريت يا جماعه تساعدونا اننا نتناقش فى الموضوع
اه فى نهايه الرد احب اشكر اسنو وايت انها فهمت الموضوع وشاركت مشاركه ايجابيه
والله بجد احسن حاجة انكم قلبتم الموضوع لمواضيع تانية مهمة فى شكل كوميدى ساخر جمييييييييييل جدا
انا دلوقتى مش مركزة ان اقولكم واتكلم معاكم عن العولمة والحوارات دى
انا ممكن اشرح لكم عولمة من نوع خاص من نوع خيالى واحلام عن طريق النوم
ليا عودة مرة تانية يا حجازى
وشكرا ليكى ع موضوعك المرتب
ده اللى من زمااان كنت بنادى بيه فى المحافل الدوليه و العالميه و اللا شرق اوسطيه
و يقلك مش فاهم و ارجع هنا مرجوعى الاول ان المشكله مشكلة جيل مهياش مشكلة بلبيس ولا ابو حماد و لا العاشر ولا اى حاجه من دى
الموضوع يا جماعه محتاج وقفه يعنى ايه لما اروح البنزينه ملقيش بنزين و يقلك اقف فى الطبور
و هو يا ربى يعنى الطوابير مكتوبه عليا فى كل حته
عندك مثلا الواد حماده ابن ابو اسماعيل راح يجيب عيش فى طلعة الشمس مجاش الا لما غربت و يقلك العيش على البطاقه دا نص مصر معهاش بطايق اصلا
طب تصدق بالله يا ميسى يا اخويا انا روحت انتحر من فوق مبنى رئاسة الجامعه فتحت باب السطه ولسه هرمى نفسى لقيت واااحد بيقلى ايييييييييييييييه خد دورك يا عم
و بعد كده جايين تقولوا عولومه فى غياب المضمون ولا عوله فى غياب البابا غنوج
و نتمنى من الله الافاده و السلام عليكم و رحمة الله و بركاته
لا يا حجازى انا مش معاك كده هنلخبط الجماهير وبعدين فى أتصالات خارجيه و مشاركات
المهم المخرج بيشرب شاى و جت الكميرا يمين وبعدين المذيعه تظبط ميك أب
وبعدين رغيف العيش أسمر شكله راح المصيف بدرى
والبنزينه غيرو الكبات بتاعت الناس إلى بيملو بقو أحمر زى بيتزا هت كده هنتلخبط
يوووووووووووه المشاكل كترت
معلش يا حجازى
الله عليك يا حجازى بجد الموضوع كان فيه كل حاجه
انت يا بنى مش سبت ليا حاجه اقولها تانى
بجد احييك على شجعتك الجامده دى يلاااااااااااااا يا مان
الى الامام
ياويزوووووووووووووووووووو اللى انت عملته ده اسمه السلبيه الايجابيه المقترنه بالتحديات المستوعصه للدماغ الفاركوشيه X(
ان يا مان معلقتش على اى حاجه مش معقول حجازى قال كل حاجه فى موضوعه
ليه يعنى يكونش ارسطو هو وللا سقراط وللايكونش ابوتريكه؟
سيب رايك يا مان .سيب بصمتك مش تدخل تقولى برافو وتولى مدبرا
عزيزى ميسى ....... و اللى الناس متعرفوش فى نفس ذات التوقيت ان ميسى ده بيلعب كوره و المفاجاه الاكبر انك انت كمان بتلعب كوره
المهم عزيزى ابو تالمساميس بحييك على شجاعتك فى مواجهة سلبية ويزو المقترنه بالايجابيه المستوعصه
صديقى العزيز يا لين الناس كلها ميسى .............. و عجبى ؟؟؟؟
صديقى العزيز المخلص الوفى الشجاع القوى حجازى
اشكرك على كلامك الركيك
الدنيا لايجب ان تتوقف بسبب تلك النوعيات من البشر اللى تتلون مثل الضفدعه( هى مش الضفدعه اللى بتتلون وللا التانيه اسمها ايه؟)
صديقى حجازى انا لا اكاد اتنفس الماء وللا اشرب الاكل تلك الايام
فقد اصبحت حياتنا بلا شكل وللا استايل محدد.
اصبحت اسير فى عالم بلا طريق حتى كدت اذهب اللى المصريه بلازا من اللاطريق
ارجو ان تكون وفقت فى عرض مشكلتك واتمنى منك الاستمرار فى القضيه حتى النهايه فانا اعلم عنك انك لاتستسلم ولا تياس
فارجو من الله ان يوفقك ويقويك
شكرااااااااااااا يا ليك يا مسى انت وحجازى علشان خلتونى اخد بالى من
السلبيه اللى موجوده عندى ودى طبعا لان اشعور بوحده ولا مبالاه وضع عندى بعض الافكار الغير
منطقيه النابعه من الاشعور .....والمتدخله فى لاوعى ودى ادى الى السلبيه المستوعصه
ولا انتو بقى مش تعرفوه ان انا اكبر من حجازى
بجد شكرااااااااااااااااا ليكوا ياحبيبى
الموضوع ده خطير جدا ولازم ميتسكتش عليه كلام خطير
لازم الكل يقراه ويفهم الموضوع جدا
تسلم ايدك يا حجازى
مش فاهم حاجة
ههههههههههههههههههههههههه هههههه
احلى ايام والله
اخ لا موضوع جامد بصراحه
واجمل مافيه الدروس الكتير المستفاده دى
يااااااا حرام عليك يا اخى كل دى معلومات
ههههههههه
ايه ياعم ده بس
فين الجمله المفيده
و لا مفيده بقى اتجوزت
والله انا دمعت من الضحك اما قريت الموضوع ده تانى
فعلا ايام مش هتتعوض
الموضوع ده اتفقت عليه مع حجازى وكنا يوميها فى تجمع للمنتدى وهو بسم الله ماشاء الله كتبه على اكمل وجه
السنه اللى فاتت حبينا نكرر التجربه بس حصلت مشاكل مش عارف ليه تقريبا لسوء الفهم