جهزى نفسك عشان فى عريس جاى يتفرج عليكى بالليل!مناقشة مفتوحة عن جواز الصالونات

يلا يا بنتي جهزي نفسك عشان بكره الساعه 8 جاي عريس يتفرج عليكي

!!!!!!!!!!

تصوروا إن الجمله دي فيه امهات بتقولها فعلا وللاسف ياجماعه انا ملاحظ ان فى بنات كتير لو رفضت انها تشوف العريس يبقى هيه فى حد تانى وتقوم الدنيا

جمله بترخص اى بنت

!

عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه

للدرجادي غلا الجواز ورخصت البنات

!

العنوسه زادت ومش زادت وبس

لا

دي بقت الاساس والباقي اللي بيتجوز بيكون هو الاعجوبه في زمننا ده

*

اسئلتي للبنات*

1_

ترضي ان عريس ييجي يشوفك ف بيت اهلك وانتي عمرك ما شفتيه؟

2_

وهيبقي احساسك ايه وهو هيشوفك لاول مره؟

3_

ولو رفضك هتحسي بإيه؟

4_

وياتري هتعيدي التجربه دي مره تانيه؟

*

اسئلتي للشباب*

1_

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_

هيكون احساسك ايه وانت رايح تشوف عروسه لاول مره؟

3_

شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

معلش هجاوب التالت الاول
انا بفكر في الجواز من دلوقتي وبفكر بجد واهلي شجعوني على كده وانا بعرف ازاي اجيب الفلوس في الدراسه عشان معنتش بهتم بالفلوس فبقت سهله مش صعبه
السؤال التاني
طبعا خايف تكون بنت حد معرفه اهلي ومتكنش اللي انا عايزها فاسبب الاحراج لاهلي او انسانه معرفهاش واي سبب متعجبنيش او بمعنى تاني فيها حاجهمش متناسبه معايا فهبقى كده احرجتها بس نفسي اشوف نفسي وانا رايح اتقدم عشان اشوف لخمتي
السؤال الاول
مش عارف بس هو انا احب اني احب واتحب محبش جواز الصالونات

بلاش اسئلة يا وسام عشان يبقى بجد الكلام نقاش مفتوح
الموضوع كبييييييييييييييييييييييي ييييييييييييييييييييييييي ر, بس في ظل مجتمع مفهومه عن الحب غلط و دايما حاطه في مجال الشبهات , جوازة الصالونات هي السبيل الوحيد .
و انت قلتلها , زمن الجواز فيه غلي و البنات رخصت !!
و لنا عودة

كالعاده متميز دائما بس متسودهاش

1_

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

انا انسان يعني عندي عقل هشوفها اتعرف عليها وتتعرف عليا في فتره اسمها فتره الخطوبه حسيت اني هقدر احبها وتبقى مراتي وام عيالي يبقى ايه المانع

2_

هيكون احساسك ايه وانت رايح تشوف عروسه لاول مره؟

بيني وبين

ك مكسوووووووووووووووووووووف

3_

شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

25سنه كده حلو اوي عشان معنسش

1_

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

وده اللى هيحصل معايا حقيقى ان شاء الله
وبعدين هو انا اول ما اروح واشوفها هتجوزها مش هقعد معاها بعد كده ونتكلم واعرفها اكتر؟!
وبعدين ع الاقل لما هاقبلها بعد كده هيكون بمعرفه اهلها مش هبقى اسرق واروح من وراهم ونبقى خايفين لحد يشوفنا

2_

هيكون احساسك ايه وانت رايح تشوف عروسه لاول مره؟
عادى ياعم هو انا رايح خناقه

3_

شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
25 سنه هبقى اعزمك ان شاء الله او انت ابقى تعالاا من غير عزومه عادى يعنى .اول لما عيد ميلاد ال25 يجيى ابقوا تعالوا كلكم فرحى

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
لا اعتقد لازم اكون عارفها الاول يعني ولو معرفه قليله مش بفضل حوار جوازالصالونات ده

هيكون احساسك ايه وانت رايح تشوف عروسه لاول مره؟
ما احنا قلنا لازم اكون عارفها من الاول
وبعدين اكيد عارفها او مش عارفها حكون متوتر يعني

شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
يعني ممكن تقول انا نفسي النهارده قبل بكره بس لو جديا يعني
عشان اكون مظبط احوالي يبقي على 25 سنه تقريبا
والدعوه عامه

ده

*

اسئلتي للبنات*

1_

ترضي ان عريس ييجي يشوفك ف بيت اهلك وانتي عمرك ما شفتيه؟

عادي ضيف وليه واجب عندي مش اكتر منك كده
وبعدين ما كمان هتفرج زيه تماما لو مش عجبني هاقول لا
ولا يهمني

2_
وهيبقي احساسك ايه وهو هيشوفك لاول مره؟

اكيد محرجة جداااااااا وعايزة اضحك

3_

ولو رفضك هتحسي بإيه؟

هو اللي خسران
هههههههههههه
او جت منه اي تصبيرة يعني

4_
وياتري هتعيدي التجربه دي مره تانيه؟

الله اعلم على حسب

بس لو فيه عنوسة فلكل والبنت مش رخيصة نهائي بالعكس دي غالية بدليل ان الولاد بيجروا وراها عشان ترضى عنه

اوكى وربنا يسهلك يا عم
وشكراااااااااااا ليك على المشركه الجميله

شكرااااااااااااااا ليكوا يا جماعه على الردود بس فى بقى ملاحضه اننا هنفتح الوضوع ده

زى ما شومان قال للنقاش مش مجرد سؤال وجواب

انا السوال الاول لا اني سلعه عمري ما هفكر في كده بس هما عايزين اعمل كده

شكراااااااااا على رد بتاعك يا حبيبه
وطبعااا ده مستقبلك ولازم تحفظى عليه

1_
ترضي ان عريس ييجي يشوفك ف بيت اهلك وانتي عمرك ما شفتيه؟

انا بصراحة بؤيد كدة جدا
وشايفة ان جواز الصالونات احسن بكتير
واعتقد انة هو الى بيستمر
على الاقل بيبقى من اولة لاخرة فى النور ومفيهوش اى ضلمة خالص

عشان ربنا مبيباركش ابدا فى اى حاجة بدايتها حرام

2_

وهيبقي احساسك ايه وهو هيشوفك لاول مره؟
اكيد طبعا هكون فى الهلالا
ومتلخبطة
بس هستعبط وهكون ثابتة عشان دة جواز وارتباط مش لعبة
ولازم اكون صاحية ومصحصحة لكل كلمة هو بيقولها عشان الانطباع الاول يكون حقيقى ومضبوط

3_

ولو رفضك هتحسي بإيه؟
مظنش انى هدايق لان قسمة ونصيب
واهو يبقى احسن من انة يوافق عليا وانا مش مناسبة لية ؟ولا اية؟

4_

وياتري هتعيدي التجربه دي مره تانيه؟

عادى جدا



يا جماعة هو دة الجواز الصح
الى ربنا قالنا علية
عشان المبنى على معصيةاكيد ربنا مش هيباركد
واكيد زى ماقلنا ربنا مش هيبارك فية

وقال تعالى: (... وَلَيْسَ الْبِرُّ بِأَنْ تَأْتُوْاْ الْبُيُوتَ مِن ظُهُورِهَا وَلَـكِنَّ الْبِرَّ مَنِ اتَّقَى وَأْتُواْ الْبُيُوتَ مِنْ أَبْوَابِهَا )

صدق الله العظيم

دة كلام ربنا وانا مقتنعة بية جداااااااا
على الاقل لو اى راجل اتجوز واحدة مكانش يعرفها قبل الجواز
عمرة ماهيجى يقولها ويعايرها على انها عرفتة وحبتة قبل الجواز

وبعدين انا مستغربة جدا على انهم عملوا الجواز دة ظاهرة يتكلموا عنها

على اساس انة شئ غريب ان واحد يروح يتقدم لواحدة من غير مايكون عارفها
وانة من الطبيعى انة يكون عارفها
ربنا يرحمنا برحمتة


شكرا يا وسام على انك فتحت الموضوع

شكراااااااااااااا ليكى يا ندى على المشركه
وعلى رايك الجامد ده بس فى حاجه انتى مش واخده بالك منها
انى العريس بيروح يشوف العروسه لو مش عجبته يمشى ومش بيرجع يعنى العروسه بقت سلعه
مش بيقى جواز واحنا مش بنعارض كلام ربنا