البنطلون والضيق للبنات .ليه يعنى؟!

البنات اللى هم كان اسمهم النساء قديما يعنى كانوا بيلبسوا الفساتين والملابس الواسعه المريحه دى
واللى كانت بستر برضو الواحده منهم
اصل بينى وبينكم الواحده زمان كانت بتخاف ينقال عليها كلمه انما اليومين دول بقت العمليه عادى زى الزبادى وللا حد بيهمه من كلام الناس ويوقول الكلاب تعوى والقافله تسير
والشتمه تلف تلف وترجع لصاحبها وبقوا بردين وكده
دلوقتى بقى البنات تمشى بالبنطلون المحزق وعليه البادى او مش شرط يبقى بادى هم اللى بيلبسوه فوق بيكون ضيق زى تحت ويمكن اكتر شويه وكله بيكون مجسم وباين وبتقولوا ليه التحرش.
المهم

ايه اللى خللى البنات تسيب لبس اماهتم اللى محترمات ويلبسوا البناطيل والباديهات؟
ياترى عشان مريح اكتر؟
ياترى عشان البنت تبقى ماشيه مع الموضه والكلام الاهبل ده؟
ياترى عشان يتقال على البنت انها بتفهم وروشه.؟
وللا عشان هم بيشوفوا فى التلفزيون البنات بتلبس كده؟
وللا يمكن عشان شيفينوه اكتر رزانه وحشمه وبيدارى ؟
وللا اهلها بقى اللى ربوها على كده؟

وللاا يمكن عشان لو جرى وراها عسكرى او كلب تعرف تجرى ممكن برضو

انا مش عارف الاجابه وعاوز اعرفها من البنات
وبقى انا اول مره هطلب منهم انهم يجاوبوا على الموضوع ده واللى مش هيجواب انا هطلب منه تانى انه يرد

اولا ميرسى ليك ياميسى انك فتحت موضوع مهم زى دا
بس فى عندى تعليق صغير يمكن انت لاحظت ان مفيش حد رد خصوصا البنات وانا على فكره كمان مكنتش هرد بس انا محبيتش اسيبك كده ياحرام من غير ردود خالص...نقول بقى ليه البنات مردوش عليك ودا من رايى لانك فتحت مناقشه للموضوع بهجوم على البنات كلها يعنى انت عممت وموضحتش ان فى بنات محترمه وبتلبس لبس جمسل على الموضه وكل حاجه بس محترم وبيحافظ عليها و اكيد اكيد كل بنات المنتدى من النوع دا وانا الحمد لله منهم...
ياريت اكون وضحت قصدى من غير ماازعلك بس كان لازم الفت نظرك عشان احنا اخوات وانا من اول الموضوع وانا بدور على كلمه تدل انك عامل استثناء او كده بس للاسف ملقتش...
بس مش مهم ملحوقه....

ورد بقى على موضوعك من وجهه نظرى انا شايفه ان الاهل بيكونوا هما السبب مش الوحيد بس الاكبر ودا عشان مقدروش يوصلوا مفهوم الاحترام والتربيه صح لبناتهم وكمان بيكون تفاهه وقله عقل من البنات لانها للاسف بتكون شايفه انها كده جميله وشباب كتير هيبصوا عليها وهيصحبوها وللاسف برجو ان دا الهم الاكبر لكتير من البنات...

انا اتمنى ياجماعه ان كل بنت تحافظ على لبسها لانها كده بتحافظ على نفسها...وفعلا زيى ماميسى قال البنت اللى بتلبس كده مترجعش تشتكى ان فى معاكسات ومضايقات ليها...

ميرسى ياميسى ليك اوى وسورى بجد انى طولت عليك...
ويارب تتقبل نقدى باخوه وان شاء الله تلاقى بنات تانيه ترد عليك

اولا شكرا ليكى على مرورك وردك
شكرا على قلبك الكبير اللى خلالى متخرجيش اللا لما تردى عليا
بالنسبه لموضوع التعميم انا شايف ان غالبيه البنات يعنى بنسبه كبيره اوى لو مش بتلبس بنطلون بتكون البلوزه بتاعتها ضيقه شويه
بصصى انا مقتنع ان التعميم ده غلط مستحيل كل البنات مش حلوين بس الغالبيه العظمى نتعن بيلبسوا اللبس الضيق اللى بحس انه بيخنقهم هم نفسهم
لو بعدنا عن موضوع البنطلون هنتكلم عن اللبس الضيق عموما انا شايفه ان فى البنات حتى ان فى بنات محترمه بس بتلبس اللبس الضيق ده طب ليه
ايه المتعه فى كده؟

بس كده

اولا شكرا على طرح الموضوع

وانا معاك فى لبس البنات والله فى بنات فى
انا اللى اسمى بنت بأتكسف لها سلف ومنظرها ما ببقاش طيقاه بس الطبقه اللى ينطبق عليها الكلام ده هما الجماعه الهاى اللى مامى بتبقا مبسوطه لما تلاقى بنتها كده او طبقه بنات فقيره وبتبقى عايزه تقلد قال البنت كده هتبقى هاى لدرجه انهم ممكن يكونوا جايين الكليه بمنظر ودخله واحده للحمام يخرجوا بمنظر تانى
المهم البنات الايام دى معظمهم معتدل فى اللبس والحمدلله انا منهم بس القله هما زى ما قولتلك بس علشان السيئه بتعم انت شايفهم اغلبيه
اسفه للاطاله وياريت اكون جاوبت على تسؤلك
ومة تانيه شكرا على الموضوع

اولا يا احمد اتفق مع ايوتا انك عممت
ثانيا مش الأغلبية كدة زى ما انت قولت هما يمكن واضحين لأنهم مختلفين فظاهرين بيلفتوا النظر

لكن بيلبسوا كدة مسألة تعود وموضة وكمان شايفين مجموعه حوليهم كدة
كمان الأهل مش واخدين بالهم
يمكن اختلط علينا كمان الحلال والحرام والصح والغلط مابقيناش عارفين نفرق بينهم مع انهم واضحين لكن .........

وطبعا اختفى مسمى الحياء من حياتنا للأسف

وبعدين لأسهل ولا حاجة وبيخنق


يلا بقى
كفاية كلام
شكرا احمد ع موضوع المناقشة

انزل شوف المحلات ونادر لما تلاقي حاجة واسعة بالاضافة لاسلوب العرض
بيشد جامد كل دي حاجات بتشد اي بنت لانها بالطبيعة بتحب تشوف نفسها جميلة
والجمال من وجهة نظر واحد لواحد تختلف

كمان نسيت اقول حاجة وانت بتشوف محلات البنات القي نظرة سريعة على محلات الولاد
هتلاقي الحال من بعضه
وربنا يستر علينا

شكرا ليكى يا جى جى واسبايدر على كلامكم ومروركم

بالنسبه لمينى انا شايف ان البنت المفروض تلبس اللى هى عاوزاه مش اللى المحلات عرضاه وموجود فى السوق

كمان بالنسبه موضوع ان الولد لبس ضيق فانا مش شايف ان ده عيب زى ماهو عيب للبنت
احنا معندناش حاجه هتظهر زى البنات

يمكن مش عيب بس بيلبس على الموضة
واكيد البنات وهي بتشتري هي كمان عايزة تلبس على الموضة
وبعدين المبدا واحد انه لبس ولد او بنت فهو مش كويس ولازم كل واحد يلبس لبس يحفظه
انا معاك ان البنات غلطانة بس زي ما البنات غلطانة برضه الولاد غلطانة
ومافيش فرق بينهم في حجم الغلط






وبعدين انت ليه مش قلت شكرا لمرورك

شكرا لمرورك:d

شكرا يا احمد على موضوعك المتميز
عايز اقول
البنت الي بتلبس البلوزه القصيرة والبنطلون الضيق وتتمشى في الشارع اكيد لازم تتعاكس من الشباب بس لو البنت لبست لبس محترم مفيش حد هيعاكسها
وعلى فكره انا فى نظرى فى اربعه بلومهم
1/الاسره
لما الاسره تكون متدينه وعارف اصول ربنا كويس عمر ما الاب او الام وكمان الاخ
يفكروا ان بنتهم تخرج باللبس الضيق ده
2/ المجتمع
الفاسد خلاص بقى منتشر فى المجتع والبنت اليومين دول لما تنزل عشان تشترى لبس محتشم مبقتش تلاقى
اصحاب المحلات يقولوا احنا ماشين تبع الموضه
خصوصا ان الفضائيات ما شاء الله تحول دورها من التثقيفى والترفيهى للدور الإباحى وربنا يخليلنا ميلودى ( اللى بتتحدى الملل ) ومزيكا ( ومزكها ) و ( برنامج هزى يانواعم ) و الله اعلم فيه ايه تانى بكره كمان
3/ البنت
لانها فى بعد بينها وبين دينها وتقريبا مفيش فى دماغها معلومات دينيه وده نتيجه غياب دور الأسره فى التنبيه والارشاد يعنى الاهل برده ليهم التأثير الأكبر
4/ الشباب
لو الولد فى الشارع واقف عادى كده
وشاف بنت لابسه لبس غير محتشم وموقفش بحلق فيها واتبع أصول دينك
وغضي النظر
مفيش حد هيلبس ضيق
بس مش يبص ويبقى كمان شويه هياخد صوره 6 فى 9 وبعدين تقول اعوذ بالله البنات اتهبلوا !!!

اللبس ده مش عيب البنات بس وقبل ما تلوموهم لوموا أبوها ( اللى المفروض أنه يكون قدوه مش يكون حاجه تانيه )
و أمها ( برده المفروض تكون قدوه مش طول اليوم فى النادى مثلا )
وأخوها ( اللى غالبا طول اليوم مع صاحبته وشايف ان اخته لازم تبقى FREE )

مع احترامي للكل

واسف انى طولت
وتقبل مرورى يا كابتن احمد

نورت يا شرشر والله

كلامك صح تمام

شكرا يا حج على ردك واهتمامك

اذا لم تستح فافعل ما شئت . ولا ايه؟

اكيد

شكرا لمرورك

شكرا ليك يا ميسى على الموضوع
وانا معاك فى كل اللى انت بتقوله
ولو البنت مش عاوزه تلبس الضيق مش هتشتريه
البنات هما اللى عاوزين يلبسوا اللبس ده
وكمان لازم يكون فى سيطرة فى البيت اكنر من كده
البيوت كلها سورى بقت على راى الدكتور بتاعنا (سداح مداح)
وكمان محدش بقى عنده ثقافة دينية خالص
الشباب والبنات مبقاش وراهم حاجه يعملوها غير انهم يسمعوا اغانى ويعملوا شات ويهزروا ويضحكوا
انا معنديش مانع للهزار والضحك
بس فى مثل بيقول (ساعة لقلبك وساعة لربك)
ولما يكون فى ساعه لربك هتلاقى فى تغير شديد جدا فى البنات والولاد
وكمان انا بشوف بنات لابسه لبس مقظظ جدا وعلى الرغم من كده عندها اخوات ولاد محترمين جدا
طب يبقى ازاى !!!!!!!!!!!!1
يعنى الولد ماشى محترم والبنت سورى (متبرجة)

والله يا ميسى انا فى يوم نزلت فيه الكليه وماخدناش حاجه وقلت لواحده صاحبتى تعالى ننزل نتفرج على الكليه ونشوف اصحابنا اللى فى اقسام تانيه
لقيت المنظر العام للجامعه (زبالة)
ولا كانك فى الارياف
اصل الحاجات دى بيقولوا عليها بتاعت القاهرة واللى فيها
بس لقيت البنات غلبت القاهرة وعين شمس
وبجد من مناظر اللبس واللى شوفته فضلت اعيط اكتر من ساعة ونصف
ومعلشى يا ميسى انا طولت عليك خالص

والله انا عندي اعتراضين في الحوار ده
اولهم :عن كلام شريف ان البنت اللي عامله البدع لازم تتعاكس
لا يا عم شريف انا ليا حدودي انا مش هعديها
مش هعاكسها يا اخي هسيبها بعد البدع اللي هي عملاها في نفسها دي تاكل في نفسها بقى وتولع في نفسها بجاز وانا عليا الكبريت عشان الجاز غلي
ثانيا :كول صدقيني الارياف اللي انتي بتقولي عليها دي واللي احنا منها يا ريت كل الناس زي اهلها وادبهم واخلاقهم وخوفهم ع بناتهم وببعت لامي تحيه كبيره وسلام مظقطط علشان اللي بتعملوا مع اخواتي البنات وبقولها انتي البنت والست الصح في الزمن الغلط
ثالثا :ميسي لو بنت لبسها ديق وشافت الموضوع ده صدقني هتلبس العن من كده
بالهداوه وع راي هنيدي رستخ يا زكي رستخ يعني اهدى يا مان وبلاش تريقه
وبقول لميني
بسم الله الرحمن الرحيم
"قالت ربي اني وضعتها انثى والله اعلم بما وضعت وليس الذكر كالانثى"
وبقول لاماني سبيدوره
"الحلال بين والحرام بين "
وكمان بقولها
"قد تبين الرشد من الغي فمن يؤمن بالله ويكفر بالطغوت فقد استمسك بالعروه الوثقى لا انفصام لها والله سميع عليم"
صدق الله العظيم اظن كده من الاخر
وده من وجهه راي الصغنطوطه

ياترى عشان مريح اكتر؟
أكيد لاء
ياترى عشان البنت تبقى ماشيه مع الموضه والكلام الاهبل ده؟
الموضه زى ما فيها الحلو فيها الوحش و الموضه لو متمشيش مع أخلاق و دين المواحد يبقى بلاش منها
ياترى عشان يتقال على البنت انها بتفهم وروشه.؟

دا على أساس ان إللى بيفهم هوا إللى بيعصى ربنا؟؟:-??
وللا عشان هم بيشوفوا فى التلفزيون البنات بتلبس كده؟

ممكن بس دا فى حالة أنهم معندهمش عقل
وللا يمكن عشان شيفينوه اكتر رزانه وحشمه وبيدارى ؟
لا يا باشا دول مبيفكروش فى الحشمه و الرزانه

وللا اهلها بقى اللى ربوها على كده؟

هوا دا خيط من الخيوط

حلو أوى تحليل شريف للموضوع عجبنى


شكرا على طرح المشكله

والله يا ميسى باشا انته فعلا عندك حق وانا كمان شايف ان نسبه كبيره من البنات عادوا بيلبسوا اللبس الضيق ده اللى بيدعوا الى كل رزيله وانا برجع السبب فى كده الى اسباب كتيره اسباب تتحملها البنت واسباب مفروضه عليها مثلا :
1- البيئه اللى بتنشأ فيها البنت
2- علاقتها مع اسرتها وهل الاسره دى محافظه ولا كله فى السبنسه
3- بظام الموضه وان اللبس ده هو اللى بقى موجود فى السوق
4- تقليد البنات للممثلين والممثلات
5- حب الظهور ممكن برده يكون هو السبب
وارجو ان انا اكون ذكرت بعض من الاسباب اللى ساعدت على وجود هذه الظاهره