اللي يضربك إضربه ولا ربنا يسامحه؟؟

الموضوع كده بمثال صغير لما يجي أخوك من المدرسة أو ابنك في المستقبل ان شاء الله يعنى

ويقولك يا بابا أو يا ماما فلان ضربني X(

بيبقى السؤال من الأب أو الأم وانت عملت ايه يقول مفيش ../:)

يرد الأب أو ترد الأم وتقول مش احنا قلنا اللي يضربك تضربه ..


ده موقف وبيحصل بنسبة 99.5 % بين الاباء وأولادهم


الموقف التاني أخ ضرب أخوه راح أخوه ضربه قلبت بخناقه تيجي الأم أو يجي الأب ويسأل حصل ايه

يقولوه أخويا ضربني يرد الأب ويقول قوله الله يسامحك علشان تبقى أحسن منه :-w

يقول الولد مش انتو قلتوا ليا اللي يضربك اضربه ؟؟ ~X(


الموقفين زى بعض تمام بس رد الاب مختلف خالص

منين في مرة نقول اللي يضربك اضربه وفي مرة تانية نقوله يقول ربنا يسمحك

على فكره ده بقى بيعلم العيال انهم يكون عندهم ازدواجيه
وبياثر على شخصيتهم


السؤال هنا هل بقى

هتربي ابنك أو بنتك اللي يضربك تضربه ولا ربنا يسامحه اللي يضربك ؟

السؤال التاني كان ايه الطريقة اللي اتربيت عليها في المواقف اللي زي دي ؟

الفكرة مش فكرة ازدواجية فى التربية لكن
لما حد فى المدرسة هيضربوه ويسكت وكمان مرة ويسكت يومين وهتلاقى العيال كلهم بيضربوه تخيل نفسيته بقى وقتها وتأثير دة عليه لما يكبر بالأضافة انها ممكن تتأخد ان دة غلط فيك وتأخد حقك منه والعين بالعين
والله انا مش عدوانية ولا حاجة

اما بقى بالنسبة لأخوه فالوضع مختلف طبعا لأنه اخوه ولما هيسامحه ويكون المبرر ان دة اخوك يعرف وقتها ان يعنى معنى اخوة وحب

شكرا كابتن

انا بضم صوتي لصوت اماني وراي من رايها بالظبط فعلا

وانا حعلمهم اللي يضربك اضربه
اللي يضربك يعني ما يبداش هو بالضرب او بالشتيمه
ده اذا كان فيه سبب جامد يستحق الخناق او الضرب اساسا
غير كده العفو عند المقدره

هيا مش فكرت ضرب هيا فكرت حقه مش يسيبه حتى لو كان عند اي حد طالما مش و

يـا جـمـاعـه الـمسامـح كــريــم>:d<:d

يا جماعه احنا فى رمضان
والكلمه الطيبه صدقه

لازم اخلى ابنى قوى عشان يدافع عن نفسه ((المؤمن القوى خير واحب الى الله))
عشان يعرف يدافع عن نفسه كويس
وهقوله خلليك حليم واعرف ان من ظلمك او اذاك فبيديك من حسناته ولكن يعنى اللى قدامه لو زودها
ف((اعتدوا عليه بمثل ما اعتدى عليكم)))
مين قال ان الاسلام بيخلليك ضعيف مين قال ان الاسلام بيخلليك تقول للى يضربك
ربنا يسامحك؟؟؟؟ وكده تبقى متدين لا طبعا الاسلام دين قوة
بس فيه مشاكل اكبر من كده على الاقل اللى بيضربك بيبقى فى وشك وواضح معاك
بس نعمل ايه بقى فى اللى بيكيد لك او بيخطللك او بيهاجمك
الناس اللى متعرفش توصللهم ما تلاقيش غير اذاهم واذاهم بس فى وشك؟
بيتهيالى دول اسوا بكتير واللا ايه؟؟؟؟؟؟؟؟؟؟
شكرا يا كابتن احمد على موضوعك

اولا مساء الخير عليكو

ثانيا ازيك يا messi

ثالثا الموقفيين مش زي بعض خااااالص لان ده واحد من المدرسة والتاني اخووه

لما الاخوات يقعدوا يضربوا في بعض وده يضرب والتاني يرد عليه بالضرب يبقى هيبقى في بينهم عداوة بقى ويبقى يعاملو بعض زي الغريب

لكن الغريب لما يقعد يضرب ابني او اخويا مينفعش اقوله الله يسامحه في الزمن ده

لازم يتعود ياخد حقه .. عشان لما يكبر يعرف يتصرف ويعرف يعيش في الزمن ده


رابعا .. تسلم على الموضوع

خامسا .. باااااااي

مش حكايه إزدواجيه نهائي
الموضوع إن الواد في المدرسه لما يتضرب و يسكت يومين و حيبقى الهفأ بتاعهم و كل يوم يرجعلك مضروب لكن في البيت حيبقى مهما كان أخوه و تحت رؤية أبوه و أمه و بردو الأخ حيبقى إلى حد كبير بيحب أخوه و مش حيفتري عليه قوي حتى لو في مشاكل و بالتالي ربنا يسامحك تنفع قوي مع الأخ لكن مع الغريب تنفع أول مره مثلا لكن بعد كده لازم يكون في رد ّ!ّ!ّ!
Got What I Mean ??

شكرا على موضوعك بس هى فعلا مش موضوع ازدواجيه ولا حاجه بس الشخص الغريب لو هو ضربك وانته ما ضربتوش زى ما هو عمل ممكن يفتكر ان ده ضعف منك وتبقى ملطشه بقه لكن مع الاح الموضوع محتلف تماما

شكرا على موضوعك مره تانيه

انا مع الشباب انه مش موضوع ازدواجيه ولا حاجه
انا هقول لابنى لو انت مش على حق قول ربنا يسامحك
انما لو انت على حق ومعملتش حاجه غلط اديله بالجزمه