نـظـريـة الـنـسـكـافـيـه والـكـانـز

يطرح الباحثون سؤالهم فى مقدمة نظريتهم...... ليه دايما بيكون النسكافيه او الكنز هما المشروبان الرسميان فى قعدات الحبيبة فى اى مكان عام و يحتلا دائما مركز الصدارة فى قائمة المشروبات ؟

عزيزتى اللى انضحك عليكى ..... اليكى التفاصيل

اولا : يشترك الكانز و النسكافية فى عدة مميزات لا يختلف عليها اى شاب فى ظروفنا الاقتصادية المعروفة... فهى مشروبات روشة و مش بطالة قدام البنت اللى معاه لانه عادة متعود على منظر كوباية الشاى الحزينة و معاه المعسل او علبة الكليوباترا الحميمة و برده السعر متقارب و متهاود خاصة فى الفترات الصباحية للكافيهات من 2.5 الى 5 جنية حسب المكان اما فى حالة المينمام فالموضوع بيبقى مترتبله من اسبوع علي الأقل

ثانيا : النيسكافية او الكانز ... الاختيار بينهما يتوقف على الفتاة فهناك بنات قعدتهم تشرح القلب و تخلى الواحد مستعد يقضى اليوم كله معاها و فى بعيد عنك بنات بتبقى مجبورة ع الواحد


ملحوظة هامة من هى البنت المجبوره ع الواحد ؟ .... طبعا هى اما بنت قديمة بقالها مدة و مازال مصيرها غير محدد او بنت اصلا كئيبة او البنت صاحبة المقولة الشهيرة و الاشهر و الاكثر شهرة ( تصدق ... انا و ماما ملناش سيرة غيرك ) وهى عبارة لها مغزى

عودة للنظرية ,, و بعد تحديد موقف البنت يتم تحديد الاختيار ما بين النيسكافية او الكانز

سؤال : من هم شاربى الكانز ؟......... حسب القواعد الاصلية للنظرية فشاربى الكانز يكونوا عادة من المرتبطين حديثا أو لو معاك بنت بتحبها فعلا و هى اصلا مرحة و قعدتها متتعوضش ( و يا بختك ) أو معاك واحدة فريش و فكة دماغها.......... و فى تلك الحالات يكون طلب الكانز على اساس ان القعدة هتطول والكانز ايضا مقلب لاى بنت لانة بيغريها انها تقوم بدور الرقيقة اللى اقل حبة بيبسى بيدبحوها فتفضل تشرب فيه بتاع ساعة و نص فيضمن عمنا انها مش هتطلب حاجة تانية و القعدة تطول دة غير فرصة الظهور فى دور الجنتل بفتح الكنز و صبه فى الكوباييه ثم عايزة شاليموه يا حياتى طب تلج ... فرصة بقى,,

و هناك قاعدة استثنائية لنظرية الكانز فهو ايضا مشروب الشباب اللخمة على اساس انه يقدر يضيع بيه الوقت الميت اللى مافيهوش كلام و ميلاقيش حاجة يرغى فيها فيتظاهر بانشغاله بالكنز و ملحقاته من فتح و صب و شاليموه الى اxxxxxxxxx,,,

اما شاربى النيسكافيه : فهم الاظرف و الاذكى ( راجع البنات المجبورة ع الواحد أعلى الموضوع ) ... و صدقنى اى تجربة ارتباط لازم تمر بمرحلة النيسكافية يوما ما

فالنيسكافيه كالحب .... ساخن و لكنه يبرد بسرعة ... و عشان كده لازم تشربه بسرعه فينتهى بسرعة و النتيجة الشاب يتخلص من البنت اللى قارفاه بسرعة و آهى اتحسبت خروجة و يالا عايز اروح و خالى جاى من السفر و كده و ياما ... ياما لحق النيسكافية شباب كتير و خلصهم من زنقتهم مع البنات اياهم ( كآبة - ماما - اخرة الموضوع - بتكلم فلانة ليه)

و الجدير بالذكر تراجع موضوع اتنين ليمون الى مجرد ذكرى و تريئة على اى اتنين رماهم حظهم على سلم الكلية قدام شخص يظن نفسه كوميديان و عموما فهناك نصائح آخيرة يقدمها لك اصحاب النظرية عبارة عن مشروبات بديلة للشاب ... لو كنت لسه بتحور عليها جديد فعليك و على القهوة ففنجان القهوة يعطيك قدر من الوقار مطلوب بل و مطلوب جدا خاصة مع موجة الاستظراف التى لا تكف سيادتك عنها لما بتحور جديد.... و ايضا هى حجة معقولة عشان لما تعك فى الكلام تقول انك منمتش و متاخدش على كلامك و دليلك فنجان القهوة

للبنات ... فنصيحة النظرية واضحة و صريحة فى الحتة ديه .... لو حسيتى بغدر و انه الباشمهندس طلع بيحور عليكى فعليكى بالانتقام شربا و فورا.... فلا تتنازلى عن مشروب المانجو او الكوكتيلات اللى اسمائها عجيبة مع تظاهر تام بمعرفتها و اعتيادها و ينصح خبراء التجميل بعدم تفويت الفرصة و رسم ابتسامة النصر او التشفى اثناء دفع الحساب


و فى النهاية ميييين ناوي يعزمني علي نيسكافية ؟؟:d:d

طب بالنسبه للسحلب ايه ظروفه؟:-/

انتى مجبتيش سيرته خالص مع انه مشروب رومانسى جدا وطيب ;))

انا لو عزمت اى حد بعد الشر يعنى اكي هيكون السحلب هو المشروب اللى فى القاعده واللى مش عاجبه يشرب على حسابه:d

والله انا برشح فكره السحلب عن النسكافيه لانه بيقعد ساعه على ما بيبرد وكده
بس النساكفيه حاجه جامدده واعتبرى العزومه عندى يا منتوسه

يا لئييييييييييييم انت ياللى فاهم
دة كلة عشان متطلبوش عشا ولا حجات غالية ؟؟؟؟؟؟؟؟؟؟؟؟


وياسيدى انا قبلت عزومتك على النسكافية

ازازة ميه ساقعه (يلا خليها معدنيه) هنا يا بني

هههههههههههههههه
بالنسبه الى
افضل الايس كريم
بس برضه الكلام منطقى افكر فيه

@-)~X(@-)~X(@-)~X(

:-w:-w:-w:-w:-w:-w

ايه يا ندي ازاة الميه طلعت سوخنه
ولا عايزه حاجه كمان مع الميه _ شكلك داخله على طمع_
خلاص حتنازل واطلبلك النيسكافيه _ ولو انه ضد مبادئى النيسكافيه ده_

ههههههههههههههههههه
يخرب عقلك يا ندى موضوع جميل كده يا ندى تسيحى لينا على النت
المهم انا هعزمك بس طبعااااااااااا انتى اللى هتدفعى
وبعدين ايه كل الكلام ده هوا احنا بيهمنا حاجه نسكافيه على فكره انا مش هخليه تشرب نسكافيه ولا اى حاجه
عارفين ليه فى نظريه جديده انا ممكن اتبعها
اولا الكانز بيعمل هشاشه فى العظام هقولها انا خيافى عليكى يا حببتى
تانيا النسكافيه مش هينفع اصل هيخليكى تسهرى طول الليل تفكرى فيا
من الاخر انا هنزل موضوع ولاخلاص

والله الدنيا لسة بخير :)

انا بشرب شاى
لو انا زهقان نسكافيه
لو قاعد على كافيتيريا بطلب سحلب
لو قاعد عايز اعمل دماغ اعمل قهوه
لو انا قاعد بتفرج على فيلم على الكمبيوتر بجيب ازاره كوكاكولا لتر
ده اللى انا بعمله
ومن شر حاسدا اذا حسد
وفى النهايه انا هخيلكى تتفرجى عليا وانا بشرب اى خدمه

هقول اية بسسسسسس

فعلا لاتعليق

%-(%-(%-(%-(%-(

لا مفيش داعى للتبذير

نسكافية اية ياراجل وبتاع اية بس

استغفر ربك

كتير عليكى انا كده اختصرت الموضوع ولمته كده فى كلمتين
:p:p:p:p:p:p:p:p
:p:p:p:p

ايه يا جدعان البنت هتموت منكم
كل واحد يشرب اللى هوا عاوزه وخلاص