عرض للطباعة
بصو بقى من الأخر كده هذا موضوع مصلحه >:)
انا عندى شيت هيتسلم يوم الأتنين على مادة البرامج:-"
و المفروض أنى أسلم مع الشيت شريط كاست متسجل عليه ريبورتاج مع ناس حول قضيه معينه :d
أنا بقى محتاره فى القضيه عايزة حاجه مفرقعه كده أعمل سبق إذاعى بس
فاقلت أعرض الموضوع عليكم
كل واحد يقول فكرته و أكيد هتجيبو مواضيع جامده;-)
هوا أنا فى دماغى واحد حلو بس مش تحفه
ها قولولى كده :-??
لقد ظهرت ملامح الخيانه
الأستاذ أحمد عز و الباشا وسام دخلو أتفرجو ومشو ولا كأنهم شافو حاجه
الف شكر يا جدعان بصرحه أنا أحترت كتر الأفكرا الفظييييييييعه
هو المفروض تحددى الأول انتى حابة تعملى ريبورتاج حول موضوع سياسى ولا رياضى ولا دينى ولا اجتماعى ولا ايه ؟؟؟
لا هوا مش متحددلى عادى أى مجال
يعنى بس أفضل أجتماعى
يلا نعمل ريبورتاج عن السياحه
وانا فاضى
ميسى وويزو عارف انهم اندال
بصى انا هقولك فكرة كنت عايزة اعملها
يلا يارب بس تعجبك
بصى يا حبى انتى تنزلى الجامعة وتسألي الطلبة عن وجهة نظرهم فى التعليم وهل المناهج بتساعد الطلبة فى الحياة العملية بعد كدة ولا لاء ؟؟
لو مش مقتنعة بيه اوى قولى وانا افكر لك فى غيره
يارب اكون افادتك
شريف و القمر(بلا هويه ) بجد تسلمولى أفكار جامده شكرا أنكم عبرتونى:d
احنا لينا كام سنو وايت فى المنتدى
يااااااااااااه دايما تحرجينى كده
فاجأتينى بصراحة
انا كنت متوقع اى حاجة الا الاجتماعية دى
لأنك لو بصيتى لمشكلة فى مجتمعنا عشان تتحل هتلاقيهم كتيييييييييير
لدرجة ان احنا نسيناهم أصلا ....
بصى ايه رأيك فى الزواج العرفى بجامعة الزقازيق ..موضوع ايه....كده !!
وممكن نجيب لك حالات كمان
بس نصيحة منى خليكى فى الكورة والأهلى فى اليابان أحسن
واذا كان عندك فكرة أصلا عاجباكى قوليها ،،ممكن الشباب هنا يزودولك اضافات حلوة
*******
يارب نكون ساعدنا
........
أكيد ساعدتونى و كفايه وجودكم جمبى
ألف شكر والله ربنا يكرمكم[-O<
بصى يا سوووووووووو اهم حاجه فى الموضوع مش انه بيتكرر
ولكن انك تجيبى حاجه جديد او تضيفى ليه حاجات الناسمش بتاخد بها منه
بصى
دول كام موضوع على الماشى
1- السياسه
مكن تتكلم فى الريبورتاج على السياسه يعنى تعرفى يعنى ايه كلمه سياسه
وتكلمى عنها من منظزر الناس للسياسه وخفهم منها
دى غير لنك ممكن تخدى بقى الموضوع عن طرق 1- نظر الشباب للسياسه
ممكن تعليم السياسه فى المدرس
دى غير نظر الاباء اللسياسه يعنى هيبقى شرح ليها دى غير منظور الناس ليها
2- احلام الشباب ومن المسئول عن تحققها:
دى بردوا موضوع من الشارع المصرى هتكلمى عن احلام الشباب بصفه عامه وبعدين تبداى تخدى نماذج
دى غير انك هتكلمى عن ان الشباب دماغه بقى فاضى
3-ممكن تعملى بقى عن الحياه الحزبيه فى مصر
ودى موضوع كبير
4- برده موضوع الاعلام بين التدين والفيديو كليب
دى موضوع جميل جداااااااا
5- ممكن موضوع مافيش حد اتكلم فيه خاص
هو الاباء والابناء وعقوق كل منهما الاخر: دى هيبقى فى نواحى دينيه وممكن ندخل فيه التربيه و تعليم الابناء معنى الحريه
6- ممكن بقى نطلع بره مصر ونتكلم عن السياسه الخارجيه
اتجاه الشرق الاوسط
7- ممكن بقى يبقى موضوع فيه كل حاجه عن مصر
ويبقى اسمه مصر الى اين ؟؟؟؟؟؟
ودى هيبقى طويل شويه بس هيناقش كل حاجه فى المجتمع المصرى
وهنروح لى فاصل وهنرجع تانى
شكرا يا ويزو بجد بجد مش لاقيه كلام أقوله كلهم مواضيع جامده هجمع داتا و أختار شكرا يا باشا
شكراااااا ليكى يا سنوووووووو لو عاوزه داتا اختارى انتى الموضوع بس
وانا اجبلك الداتا