جزاك الله كل خير و بجد تشكرى على إحساسك العالى و وأنتمائك للغتك صدقينى أنتى مش مزوداها الموضوع فعلا محتاج وقفه و ألف شكر يا قمرايا و مفيش ميرسى
اولا من غير ميرسى
الموضوع مهم جداااااااااااا فعلا كتير بقينا بنستخدم كلمات كتيره مش اصلها فى اللغه العربيه وده يعنى اننا حتى مش متمسكين بى اهم حاجه اللغه يعنى مافيش انتماء
لو على اللغه هى مش هضيع علشان ربنا حفظها فى القران الكريم
اما اللى هيضيع احنا
وشكرا ليكى يا ميوزك على الموضوع الجامد ده
الف شكر ليكى انتى
وبعدين هوا محدش قاللك ولا ايه ؟؟ موش انا اسمى على اسمك :">
بس يا ريت كل اللى فكك ياخد وقفة لانى لاحظت الموضوع منتشر أوى فى المنتدى
نورت يا ميزو بس بالطريقة دى اللى احنا بنستعمل بيها لغتنا مش هتفضل غير كتابة فى القرآن وبعدين ربنا قالنا ناخد بالأسباب مش نقعد نتوكل عليه هو ربنا هيحميها
مينفعش واحنا روحنا فين ؟؟
نورت (*)
اولا ياميوزك انا بشكرك على الموضوع دة وعلى اهتمامك بس في حجات كدة عندي واقفة معاكي فيها
اولا ماتقوليش تاني ان القرآن بيستهان به والإسلام لأن هية ده فرصتهم ودة الي بيقويهم لما يسمعوا مننا احنا المسلمين الكلام دة عن اسلامنا وكدة بنخليهم يفرحوا بكلامهم وانهم كدة كسرونا فاوعي تديهم الفرصة ده والقرآن اعلى واعظم هو والإسلام من ان اي مخلوق يستهين بيه وربك قال في كتابه (ان نحن نزلنا الذكر وان له لحافظون ) مافكرتيش ان ممكن يكون دة ابتلاء من ربك للمسلمين عشان يشوف جنوده في الأرض امة محمد هيدافعو ازاي عن دينهم وقرآنهم واسلامهم المفروض لما تتكلمي تقولي عظمة وجلال القرآن وان كل دول كلامهم مالهوش اي تاثير , مش تشجعيهم بانك تنصريهم وتحسيسيهم بالأهمية وانهم فهلا قدرو يهينو الإسلام وماتنسيش ان ربك قال في كتابه بردو (ويمدهم في طغيانهم يعمهون ) صدق الله العظيم .
ياريت تفكري في الكلام دة ياميوزك
اما التعليق التاني فهو لقبك الي هو متعارف عليه بالنيك نيم ليه ماكتبتهوش عربي اي اسم عربي ماانت اول واحدة اخترتيه انجلش اهو !!!!!!!!
ثانيا توقيعك بردة انجلش يبقى منين بقة بتتكلمي عن اللغة العربية وانت اصلا مش عاملة بيها !!!!!!!!! معلش انا مش بهاجمك ولا حاجة ياقمر بس بحب اكون صريحة شوية وياريت ماتزعليش مني وبردو الف شكر ليكي على مجهودك
ههههههههههههههههههههههههه ههههه
والله عندك حق يالولو .....ولا انتى شايفه ايه ياميوزك ولا اقولك ياMUSIC OF SILENCE
على العموم موضوع جميل جدا وربنا مايحرمنا من موضوعاتك ياست الكل .........
...........................تسلم الايادى ............................
مقولكيش أنا فرحانة قد ايه بردك ده
بس حبيبتى انا مقولتش حاجة وقتنعة باللى قولتيه كويس أوى
وعارفة ان القرآن ربنا حافظه بس بييتهيألى انه حافظه من اللى بيحاول يهينه أو يحرفه
انما طبيعى المسلمين مش هيحاولوا يأذوه لانهم كده بيهينوا نفسهم بس بيساعدوا على ضياع لغتنا باللى بيعملوه
وانتى قولتى
طب ماشى ابتلاء
عملنا احنا ايه عشان ننجح فى الإختبار د ؟؟
ولا حاجة
يا رب تكونى فهمتينى
انا قولتلك فى الموضوع انى مش ممانعة اننا نتعلم اللغات التانية
اقولك ايه بس انا بحب الانجليزى والألمانى جدا جدا لدرجة انى بقرأ شعر بالألمانى بس مبجيش فى العربى وكلامى العربى اقلبه كله انجليزى ولا ألمانى
انا لما كتبت اسمى بالانجليزى وتوقيعى بالانجليزى مدخلتش عربى فيها ولا شوهت الانجليزى بكلام عربى ولا العكس
ولو مش عاوزة تنادينى Music أهلا وسهلا انا اسمى ضحى مش سر ولا حاجة نادونى بيه
ولعلمك انا مبعرفش أعبر عن اللى جوايا غير بالعربى ولا بحس بجمال فى اللغة غير بالعربى
بس عايزة أفهم ازاى مبعملش بيها ؟؟؟
نورتىوشكرا على توضيح وجهة نظرك
وانا مبزعلش من الناس الحلوة دى :X
فين رأيك يا باش ؟؟
ولا عندك أى نقد للموضوع ؟؟؟
شوف كده تانى لاحسن تلاقى لفظ شطح كده ولا كده :))
نورت يا عمو رايق
نايس توبيك يا موووووووووووون
دانكيه جوت
:d:d:d:d
هو موضوع كووووول
ههههههههههه
لا بصى بصراحة هى اللغة العربية على عينا وراسنا بس انا اعتقد ان السبب فى كدة هو التلفزيزن مش اكتر
اما بالنسبة للدراسة فى الجامعة فالموضوع دة لانهم متقدمين علينا ولما العرب كانوا سبقين فى العلم كانت المصطلحات بالعربى اكيد
اما احنا دلوقتى هنعمل ازاى مصطلحات عربى والثوابت اصلا بالانجليزى
انا مع القرموطي باشا
ليه لان احنا منقدرش نفرض عليهم لغتنا بصفتنا فاشلين ومتتهببين ع عنينا وضيعنا اللي اجددنا عملوه
فتعلمنا الانجليزيه واللغات التانيه وانها تدخل علينا شئ طبيعي
انا شايفه عادي والحمد لله العربي بتاعنا حلو برده وزي الفل
وبعدين احنا شباب مع بعضنا اكيد مش هروح اكتب في جرنال او اعمل حوار في مجله باللغه الانجلوعراب
مش عارف ده من وجه نظري الصغنطوطه