خبر عاااااجل !!

المكان : غرفة العنايه المركزة

الاشخاص: طبيب .. أطباء مساعدون .. مريض ..

الحدث: حالة غيبوبه مفاجئه !

يسارع الاطباء لاسعاف المريض بالمحاليل والادويه اللازمة ولكن

المريض لا يستجيب وفجأة يزيد تدهور الحالة فقد توقف القلب تسرع

يد الطبيب الى جهاز تنبيه القلب الكهربائي ويبدا في تحفيز القلب

100 فولت ... لا فائده

300 فولت... لا فائده

وظل يحاول حتى وصل الى اقصى حد مسموح به ثم يلتفت

الى من حوله قائلا :

( انا لله وانا اليه راجعون )



وبدأ الطبيب يتذكر هذا المريض الذي كانت تربطه به علاقة قويه

فكم من مرة نصحه بالذهاب للمستشفى واجراء فحوصات شاملة

بعد ماكانت تصيبه ازمات بسيطه سابقه ولكن دوما كان يقول

(انا كده كويس)

( الحمدلله ... رضا )

حتى ازدادت حالته سوءا واصبحت ميؤسا منها ومات بين يديه !!




_ كل واحد فينا زي المريض ده بالضبط

_ كل واحد فينا صحته الايمانيه وشحنه الايماني ضعيف جداا

ولايحاول الاصلاح من نفسه !

دا من ناحيه ... ولايحاول إصلاح الأوضاع اللي حواليه من ناحيه تانيه

وكلنا للاسف .. بينطبق علينا

( الساكت عن الحق شيطان أخرس ) !!

_كل واحد فينا نصحه اخوه وابوه وصاحبه ودايما بيقول انا كده كويس

_كل واحد فينا ربنا بعتله رسائل تنبيه مرة؛ واتنين؛ وتلاته وكل مرة كان

بيعرض عن الرسائل دي




علي المستوي الشخصي :
*******************

1_مرة لما سقط في الماده الفلانيه وبدل مايتوب لربنا ويراجع نفسه

ويحس ان دي رسالة تنبيه .. عمل عبيط .. وازداد في المعصيه اكتر واكتر ..

2_مرة لما فقد شخص عزيز عليه ... وحس إن الدنيا أتهدت .. و .... و

كلها يومين ولا تلاته بالكتير ورجع تاني زي ماكان !


3_مرة لماكان على وشك انه يموت لكن ربنا نجاه في اخر لحظه

وبدل مايتوب لربنا ويقتنع إن الموت يأتي بغته ويقضي باقي حياته

في طاعه الله رجع تاني زي ماكان !



وعلي مستوي المجتمع المسلم والأهل والجيران :
************************************

- يحصل اللي بيحصل .. أيا كان ... ورد الفعل الشهير

.... وأنا مالي !!!

- من إمتي حوادث الاغتصاب بتبقي في الشارع جهارا نهارا

والبنت بتستغيث .. والمارة في الشارع ... بيتفرجوا !!!

كأنها لقطة في فيلم أو عرض في سينما .. مش لحم ودم ؟؟


- ولما ناس بتموت ... مش ناس .. دول مسلمبن موحدين بالله !!

دي مش حيوانات تجارب !! دول مش خرفان العيد !!!

ولاحياة ولا إحساس ولا ... كرة دم حمرا واحده !!


من إمتي بقينا كدا وإزاي ؟؟


احنا كدا استنفذنا كل الفرص اللي ادامنا ... بقينا زي المريض

اللي الدكاترة جربوا معاه كل حاجه لكن مافيش امل !!


خللي بالك ......... وصول الكلام ده ليك رساله من ربنا علشان

تتوب ... وربما تكون اخر رساله !!

رساله علشان تصحي وتفوق وتتحرك .. رساله علشان تبدأ

بنفسك الاول .. ولما تصلحها .. تدور في اللي حواليك

مع ان لو كل واحد بدأ بنفسه .. مش هيحتاج يدور في اللي حواليه

لأنه بالتبعيه هيكون اللي حواليه إتصلحوا !!!

بتفكر!!!! مستني ايه ؟ لسه مستني لما يجيلك الموت فجاة ؟

إنت لسه عايش .. لسه بتتنفس وتاكل وتشرب .. لسه قادر

انك تغير وتتغير !! لسه بإيدك كتير

( حتى اذا جاء احدهم الموت قال رب ارجعون لعلي اعمل صالحا فيما

تركت كلا انها كلمة هو قائلها ومن ورائهم برزخ الى يوم يبعثون )


ووقتها ربنا مش هيكون ظلمك انت اللي اخترت النهايه دي لنفسك :

(من عمل صالحا فلنفسه ومن اساء فعليها وما ربك بظلام للعبيد )


إنها دعوة .. أتقدم بها لنفسي العاصيه أولا .. ولك ثانيا

دعوة للعودة الي الله .... دعوة للعزة بالله .... للنصر بالله

للكرامة بالله ... لصون العرض بالله .. للدفاع عن الارض بالله

دعوة لكي نبدأ من حيث انتهي السلف الصالح .. ونكمل بعدهم

ولاأجد ختاما لكلامي الا أفضل الكلام


( إن تنصروا الله ينصركم ويثبت أقدامكم )

( ألم يأن للذين آمنوا أن تخشع قلوبهم لذكر الله ومانزل من الحق )

صدق الله العظيم

عودوا إلي منهج الله وكتابه

عودوا إلي ( كتالوج ) الاصلاح الرباني

عودوا .. أعزكم الله ونصركم .

.
.

اللهم تب علينا يا ارحم الرحمين واهدينا وارشدنا الى الطريق القويم يا رب
شكرا يا احمد ع الموضوع وربنا يصلح الاوضاع كلها بينا احنا ان شاء الله

أشكرك يا تيفا علي تواجدك ومتابعتك

واسعدني مرورك ... واللهم استجب لدعائنا .. آمين

(من عمل صالحا فلنفسه ومن اساء فعليها وما ربك بظلام للعبيد )

ديه الايه بكفايه شكرااااااااااااااا ع الموضوع المتميز

اللهم اغفر لنا ذنوبنا واارحمنا اللهم تب علينا واعفنا واعفوا عنا

بسم الله الرحمن الرحيم ( ربنا لا تؤاخدنا ان نسينا او اخطانا , ربنا ولا تحمل علينا اصرا كما حملته على اللذين من قبلنا , ربنا ولا تحملنا مالا طاقة لنا به واعفوا عنا واغفر لنا وارحمنا انت مولانا فاانصرنا على القوم الكافرين ) صدق الله الغظيم

اللهم تقبل دعائنا وتوبتنا

شكرا ليك ياحمادة على الكلام الي يهز القلب ويصحيه دة

لا اله الا انت سبحانك انتي كونت من الظالمين

موضوع جميل بجد يا احمد وياريت ولو نفكر شويه نصلح شيء بيسيط

في حياتنا اكيد هتختلف وتكون للاحسن

شكرا ليك علي الموضوع

تحياتي وتقديري لك

:(كلام جامد بجد مش عارفة اقول ايه

شكرا ياهوت على الموضوع المهم جدا دة

وزى مانت قلت ربما تكون اخر رسالة تتبعتلنا

يارب ارحمنا برحمتك واغفر لنا وعافنا وتب علينا وتوفنا مسلمين
يا ارحم الراحمين

فعلا الاية تكفي وتكفي

صدق الله العظيم

شكرا بسمه لتواجدك الجميل

ربنا يتقبل دعائك الجميل ..

شكرا لولو لتواجد ومشاركتك الجميله

ورغم ان الاصلاح لازم يبدأ من فوق .. من عندهم

لكن كل اللي تملكه اننا نبدأ بأنفسنا ..

وربنا يتقبل كل عمل يراد به وجه الله والاصلاح

نورتي الموضوع بتواجدك الجميل ياملك ..

ردك وصل من مشاعرك واحساسك ياميني

تقبلي تحياتي

انا اللي بشكرك لتواجد ودعائك الجميل يا مينتوسا

وربنا يصلح لنا قلوبنا وينيرها بنور الايمان حتي نكون ممن

يستمعون القول فيتبعون أحسنه

شكرا ع الموضوع ويارب يصلح الاحوال

أرحمنا ياااااااااااااااااااااارب تب علينا وأغفر لنا