أخيرا اتخطبت

لو ربنا فك عقدتك واتخطبتى ياريت ما تفرحيش اوى خدى بنصائح اللى قبلك عشان تعدى المرحله دى على خير وتتنيلى وتتجوزى وتدخليه قفص النسانيس
لو اتهبل خطيبك وعزمك بره (قلنا رقه)
أولا
لازم تعرفى ان الشوكه والسكينه بتمسكوا من الطرف يعنى مش
من الوسط ولا من البوز زى الخنجر
ثانيا
العيش اوعى تفضحينا وتقطعى الرغيف بسنانك او نصين بايدك العيش بيتقطع بالسكينه ف الطبق وبعدين تأكلى لقمه لقمه قال يعنى مش قادرة ونفسك مسدوده ولما تروحى ابقى انفجعى براحتك
ثالثا
الشوربه ابوس ايد اللى خلفوكى اوعى تشربيها من الطبق وادلق
او تنفخى فيها زى الشاى وتقولى سخنه ولعه
لا انسى كل ده الشوربه بالمعلقه حبه حبه ولما تروحى ربنا يسهلها
رابعا
الارز طبعا بالشوكه اوعى بايديكى وتكعوريه وازقل اوعى
خامسا
السمك ده بقى مشكله بالنسبالك طبعا
تقطعى اللحم بالسكينه بالطول وتحطيه ع الطبق وتطلعى السلسله بالشوكه مش بايدك ولا تمصيها كانك قاعده جمب امك لا طبعا
وبعدين اقولك رايحى نفسك وقولى مش بحبه
سادسا
الجمبرى طبعا لو كنتى عارفاه
اول ما تشوفى طبق الجمبرى بصيله كده واتنهدى قال يعنى زهقانه منه ف البيت من كتر ما بتطفحيه
ومش هوصيكى انسى المصمصه دى خالص كله بالشوكه والسكينه
سابعا
البطاطس مسلوقه او محمره اوعى تهرسيها وتدبيها ع الرز لالالا
بالشوكه حته حته وكأنك هتعيطى من كتر ما البطاطسايه صعبانه عليكى
ثامنا
الفاكهه لو فيها بذر طلعيه من بؤك براحه وحطيه ف ايدك وهى مقفوله وبعدين ف طفايه السجاير
اوعى يا حبيبتى من نظام التفتفه انسيه......
تاسعا
طبعا الطباق مش لازم تتمسح بلاش الفجعه اللى بتجيلك دى:))
تعالى ع نفسك وسيبى اى حاجه ف الطبق
عاشرا
لما تخلصى اكل تحطى ايدك ع بطنك اللى عصافيرها بتزقزق جوه من العينات اللى اكلتيها وتقولى ياااااااااااااه انا عمرى ما اكلت بالشكله ده مرسى بجد يا حبيبى
وتستأذنى وتدخلى التواليت قال يعنى هتصلحى المكياج وتطلعى لفه الفول والطعميه وتلغى بقى براحتك

وبكده نكون وصلنا لاخر حلقتنا وياريت كل واحده تركز ف الكلام اللى قولته والا هيكون زنبها ع جمبها وتبقى تقابلنى لو لقت صرصار يتجوزها

دة عذاب يا بنتى
طيب اعمل كدة ايام الخطوبة وبعد كدة يتصدم فينا
لالا خليكى طبيعية
وابقى قابلينى بردو لو حد بصلك :d:d

طيب شاطره انك عارفه عشان وحياة امى لو عملتى غير كده واحنا بنتعشي حخليكي تدفعى الحساب

=))=))=))=))=))=))=))=))
=))=))=))=))=))
=))=))=))=))

دي مش خطوبة يا سوما
هذا تأديب و اصلاح
ههههههههههههههههه
الحمدلله على نعمة العذوبية

ههههههههههههههههههههههههه هههههه

توبيك تحفة;))

بس ما أظنش ان الكلام ده بيجتمع فى واحدة بس

دى تبقى مصيبة :p

ويا ترى الكلام ده بينطبق ع الولاد ولا لأ ؟؟؟:-?

أفيدونا........@-)


شكرا أستروس
بس هو فيه ولد بيتخطب ؟؟~X(

أمال احنا قاعدين ليه.......>:p




---------------------------

شكرا استروس على الموضوع
مايمكن يا سندباد يجيلك يوم وتلاقى واحده جايه عندكم البيت وعاوزه تخطبك لبنتها ولا يمكن العروسه تيجى بنفسها وتتقدملك
اصل احنا فى زمن العجايب

ااااااااااااايوة
هو ده
وبعد الجواز يلاقــى مكنسة كهربا بقــى
الواحد يبقــى بطبيعته أحسن برضو

/:)

هو فى كدا ؟؟

فى الاول تسلم ايدك
الحمدلله انه الواحد اعذب

الواحدة لو عملت كده في خطوبتها وبعد كده اكتشف الحقيقة هتطلق من اول يوم
مش لازم حد يتجوز
تسلم ايديك

موضوع تحفة فعلا بجد شكرا ليكى

اولا شكرا سوما لموضوعك
ثانيا الحمد لله ان انا اتجوزت مليش دعوة بقى بالحوارات بتاعتكم دى خلاص خلصنا واتجوزناااااااااااااااا وعقبالكم يا جماحة خلاص لحقت نفسى من الاول ههههههههههههههههههههههههه هه