الدنيا علمتنى بقلم ((لست قلبى))

انا مش عارف اذا كانت طيبة القلب تبقى عيبة ولا لأ فى زمن بقت فيه المصلحة هيا الرابط الوحيد بين البشر وبعضهم ،،، وممكن تحب ناس وتآمن ليهم وناس متربى معاهم وعايش بيهم وتفاجأ ان اولى طعنات الخيانة بتيجى منهم احيانا لدرجة انك ممكن تفاجأ ان الطعنة من اخوك أو صاحبك أو حتى اعز الناس لقلبك وفى اول مرة ممكن تفترض حسن النية فيهم وتسامحهم بس تلاقى ان توجعك بقى شئ اساسى فى حياتهم بيتسابقوا عليه وفى المرة المهيأة ليك انك ممكن ترد ليهم خيانتهم بيصعب عليك العشرة اللى بينك و بينكم او اللى كانت وتحن ليهم من تانى بس ياترى هما ساعتها هيكونوا فاقوا ولا لسه فى عنادهم بس الاصلح من كده انك تسبهم لعقاب من لايغفل ولا ينام وتبعد عن الشر ومتحاولش تكون زيهم0000000000

الدنيا علمتنى

من قسوة ناسها وورتنى

ازاى يكون الجرح

من ناس صاحبتنى

ناس تآمن ليهم

تشوف جرحك على ايديهم

ما يهون على القلب خصامهم

دى عشرة عمر بينى وبينهم

وقول اكيد دى مش نيتهم

يقسوا عليا دى مش خصلتهم

واعيش ازاى من غير دنيتهم

واسامح واغفر ليهم قسوتهم

ويصفى قلبى من ناحيتهم

وقول دى غلطة ومش هتفدهم

أتارى دموع عينى حلْيتهم

يتألم قلبى دى امنيتهم

أموت من الجرح ده يوم عيدهم

وأخاف اتعلم قسوة ليوم أحاسبهم

ويجى اليوم وقلبى يسبهم

قلبى يحن لدمعة عينهم

دى عشرة عمر بينى وبينهم

جميل احمد كتير
واحساسك اكيد وصلنا
شكرا ليك@};-@};-

تسلم ايديك بجد احساس رائع

وصعبه اووووووووووى الجرح من اقرب الناس ليك

شكرا ليك احساسك حلو اوى