التفاصيل النهائية بخصوص يوم فكك مني للطفل اليتيم 2010

التفاصيل النهائية بخصوص يوم اليتيم
السلام عليكم
للعام الثالث على التوالي
فكك مني دوت نت تتمكن بتبرعات اعضاء المنتدى الكرام و الاصدقاء من عمل حفلها الخيري للاطفال الايتام
السنة دي , كانت سنة صعبة جدا تقريبا كان تحدي اننا ننفذ يوم اليتيم السنة دي
اولا : بدأنا في لم التبرعات متأخر جدا جدا جدا!
ثانيا : كنا مشغولين جامد السنة دي في اول و وسط ابريل عشان امتحانات الميدتيرم
ثالثا : المبلغ اللي لميناه كان قليل نسبيا بالنسبة للسنتين اللي فاتوا

دي تفاصيل الاقتراحات و الاتفاقات الخاصة بيوم فكك مني لليتيم السنة دي
http://fokakmeny.fokak4um.com/showthread.php?t=24871

و الحمدلله
اخيرا تقرر يوم فكك مني للايتام للسنة التالتة على التوالي
تفاصيل اليوم
أولا الميعاد :
يوم السبت القادم الموافق1 مايو 2010
و ده بنسبة 100%
ثانيا المكان :
في حديقة النادي الاجتماعي بالعاشر من رمضان
و ده بنسبة 95%
سايبين 5% لاي ظروف و ان شاء الله مفيش حاجة هتحصل
ثالثا : التفاصيل
احنا جايبين اتوبيسين متوسطين لنقل الاطفال
او اتوبيس كبير
ان شاء الله الحفلة هتبتدي بوصول اتوبيس الاطفال
هيكون تقريبا الساعة 10 صباحا
بس تحسبا لاي ظروف برده نقدر نقول ان الحفلة هتبتدي على الساعة 11 صباحا
هيكون في فترة وجبات فطار و غداء للاطفال
بالنسبة لينا احنا , اللي هيعوز وجبة الغداء هيدفع تمنها
او يجيب من بره براحته
و البند ده ساري برده على الناس اللي اتبرعوا برده لان تبرعهم ده كان للاطفال
انما غداك ده هيتجيبه بفلوسك :)
بالنسبة للناس اللي هتعوز وجبة الغداء يا ريت لو يعرفوني من قبلها بيوم
و تمن الوجبة هيكون 8 جنيه عبارة عن تلات سندوتشات لحمة و جبنة و مربى و عصير

و زي كل سنة , احنا بنفضل دايما قلقانين لحد ما اليوم يخلص
بجد بيكون يوم صعب على المنظمين , الا انه بيكون ممتع جدا لما بيخلص :)

و احب اشكر في الموضوع ده اكبر المساهمين في تنظيم يوم اليتيم للسنة التالتة
و هيتم ذكرهم حسب اكبر المساهمات
1- Nadooosh
صاحبة الفكرة و المنظمة الاساسية لليوم
2- Nooody
عملتنا تخفضيات غير مسبوقة
( بجد من غيرها مكنش هيتم يوم اليتيم السنة دي في العاشر بجد مليون شكرا ليكي يا نودي )
3- Amino
محمود امين اكبر المساهمين في لم التبرعات السنة دي
4- على شلبي
تاني اكبر المساهمين في لم التبرعات السنة دي
5- محمود سندباد
تالت اكبر المساهمين في لم التبرعات السنة دي

يا ريت كلنا نقولهم شكرا على مجهودكم في تنفيذ يوم فكك مني للايتام للسنة التالتة على التولي
و منتظرينكم يوم التلات ان شاء الله في النادي الاجتماعي بالعاشر من رمضان
و الدعوة عامة
و السلام عليكم

تمام يادرش
:-*:-*
تسلم ايدك بجد

والقلق هيفضل مسيطر علينا لحد ما يتم اليوم على خير
:-ss:-ss

شكرا بجد لكل الى تعبوا معانا فى التحضير لليوم دة
درش باشا طبعا و نودى وعلى وامينو وسندباد
وكل الى اتبرعوا معانا

مجهود اكتر من رائع فى وقت قياسى جدا ربنا يجعلها فى ميزان حسناتكوا جميعا يارب
>:d<>:d<

واتمنى انة يكون يوم حلو للاطفال اولا وبعدين لينا احنا ربنا يستر بجد ويقدرنا على رسم البسمة على وشوش الاطفال دى

تسلموا على المجهود الجامد دة
ربنا يبارك فيكم يارب
ان شاء الله هيكون يوم جميل
ونفرح الاطفال ونقدر نسعدهم

كويس جدا يا كوكى
نتمنى انه يكون كويس ويعدى ع خير

ربنا يجازيكم كل خير انشاء الله
وباذن الله يطلع يوم كويس ونقدر بجد نسعد الاطفال دى
وبجد مجهود رائع جدا

يلا الحمد لله على المجهود العظيم ده يا رجالة
وربنا يستر
وان شاء الله اليوم هيكون كويس

صباح الورد والفل والياسمين وبسلم وبصبح على الناس الحلوين

هما اربع حروف هقولهم لمصطفى وندى وندى و امينو وسندباد و ابو على

قشطه

الله عليك يا تيفا..بجد هايل ربنا معاكم

ربنا يتم اليوم ده على خير

وينبسطوا الاطفال يارب

ويكون خالص لوجه الله


----------------------

المهم ياعم مصطفى

الراجل عايز يجيب اكل عشان كلم اهله
معرفش انا اتخنقت

شوفو حل وسط

او حتى طيب قولى محتاج ايه لو هيناسبه


اوكى وهبقى اكلمك

----------------------

وياريت لو تلون الميعاد والمكان فوق

اصلى دورت عليهم

وكمان الاطفال هيروحو بأتوبيس

اوكى

طيب وبقيت الناس ؟؟

هيروحو لوحدهم كل واحد ولا ايه ؟؟