عرض للطباعة
وبلغة العيون رد عليها شهريار
انا من نار الاشتياق سلمت فى الهوا راياتى
ولعيونك يا اميرتى اتنازل عن سيفى ودرعى وجوادى
واهيم فى ساحتك اعزل واقدم لكى ولائى
فهمت شهرزاد وتنهد القلب تنهيدة اشعلت جسد شهريار
وقالت انطق يا مولاى وصرح لى عن حالك
فى عنيك كلام حائر مشتاق لمحبوبة ملكة على عرش ايامك
وقف الكلام على لسان ادم واعلن العصيان
رووووووووووووعة
جميل جميل ياسكندر
واصبحت ادمن شهرزاد مثل شهريار بضبط
:(:(:(:(
تجدد بنا اللقاء مع الامير العاشق
العنيد الى فى بحور محبوبتة غريق
لوشوفنا حاله وسهره وسهدة وفكره الشارد
هنقول لا قبله عاشق ولا بعدة متيم باروع حبيبة
نراه لا يهدء فى مكان ولا يحلى له السكينة
الا لما تقابل عيونة عيون مليكة القلب والروح
ودخلت شهرزاد عطرها يغار منه النرجس والفل فى البساتين
وعيونها اتكحلت بنظرة شوق وهيام
وشفايف بلون اروع ابتسامة مرسومة
شافها شهريار تمنى حياتة تكون كلمة بشهد الكلام تنطقها
ضمها شهريار بعيونة وبلهفة ضم الايد فى الايد
وبرعشة صوت قال طال الغياب يا شهرزاد
والقلب متلهف ومشتاق ولحسن طلعتك مستنى يتهنى
قالت الاميرة الجميلة بنظرة خجل اشعلت النار فى قلب شهريار
كلامك بالحب موصول
وبالشوق واللهفة حاسة بيهم مولاى
قلبك مال وسلم للحب وخضع للسعادة
الحب فى قلبك اعلن وجودة بكل جرئة يا شهريار
ونقول ادم ابتدى يسلم ولا سلم من زمان لكن هيهات التردد موجود فى الكلام
قال العاشق العنيد الحب يا شهرزاد كلمة على الشفايف تتقال
ولكن بسرعة ننساها وننسى الى كان
وبنظرة ترجى وعطف وحنان قالت الجميلة شهرزاد
مولاى الحب دة دنيا بنعيشها بكل كيان وقلب واحساس
الحب فى القلوب نور بيجمع ويحنن قلوب الناس
ولا حاولنا نقدر قيمة لا ياقوت ولا دهب ثمن ولا حتى ماس
الحب نعمة من ربى ويا بختة الى بالحب عاش
قال شهريار بعد ما اقرب من عيون شهرزاد وشاف لمعة الاشتياق
وكان كل امله يضمها ضمة الحبيب العاشق الملهوف
انا محتاج اسمع اية عمل همام ولية خاض كل الصعاب
وياترى حبيبتة تستحق ولا هيكون حلم ويتحول لسراب
بينى وبينكم هنا طار عقل شهرزاد وقالت بصوت هز المكان
بغضب لم يراه من قبل شهريار
انا بكلمك عن حالك تكلمنى عن همام
اكلمك عن الحب تكلمنى عن حلم وسراب
شعر شهريار انه اغضب محبوبتة وامل حياتة
ولكن العناد متملك بحياتة وقال
السماح يا ملكة السماح والحنان
سامحينى واغفرى وحنى واتكلمى واحكى بنغم اجمل صوت
انا ليكى سامع وهايم ولصوتك متشوق
فى لحظة ذاب الغضب ونورت الابتسامة عيون وشفايف شهرزاد وقالت
هكمل معاك يا مولاى والصبر فى قلبى هغزلة واستنى
رد شهريار وقال انا ليكى سامع وهايم ولصوتك متشوق
قالت شهرزاد
لما سال همام الحورية الى ماشاف فى جمالها جمال
انتى لية حزينة والشجن فى الكلام موجود
قالت لة يا عابر السبيل فى يوم حبيت امير زيك كدة
من بين الرجال مافيش فى شهامة مثيل
وعلشان يسعدنى دفع حياتة ثمن
وفضلت انا فى الحزن والشجن
وسيبك من حكياتى وكمل انت المشوار
وعدى وامشى من هنا على بعد امتار
هتلاقى المراد والى علية بدور
قالها اشكرك يا حورية يا اجمل ما رات عنية
وسابها ومشى يكمل المشوار
وقبل ما يبعد سمعها بتصرخ وتنادى باعلى صوت
وقف مكانة والخوف عليها اتملك فية
وجرى ينقذها من الى هى هتكون فية
كانت على حرف البير عميق ومخيف وبتنادى علية وبتثتغيث
مد ايدة يساعدها ومن البير ينقذها
وقبل ما يلمسها افتكر بسرعة تانى نصيحة من حكيم البلاد
لا تثق فى كلام فتاة بك تستغيث هنا بعد فى الحال
ونظرت له الحورية الجميلة وقالت اية غير حالك وبعدت عنى لية
قالها دى نصيحة واكيد فى حاجة غريبة
ضحكت وقالت وانت كدة نجحت فى تانى اختبار
خلى عقلك حاضر تكون دايما فى امان
احنا فى زمن العجايب واوعى تصدق صوت كداب
بس قولى عرفت منين انك كدة هتكون فى خطر لومنى قربت
قالها لانك نصحتينى كثير احافظ على حياتى لمحبوبتى اميرة الزمان
ولقيت فى عنيكى نظرة بتقولى اوعى تنسا النصيحة والكلام
قالت لة يا بطل يالى بقلب اميرتك هتفوز
خد منى دة تانى المفاتيح
والثالث هتلاقية هناك دور علية
هو اودامك وباقل نظرة عينك هتلاقية
اخذ همام المفتاح وودع الحورية الجميلة ومشى فى امان وسلام
وكدة عدى علية ثالث يوم من ايام الاسبوع
ومازال يبحث بكل همة ونشاط على بلد الى فيها يجيب اغلى مافى الكون
وعلى البعد شاف ناس متجمعين قرب منهم قال لنفسة يسألهم
ولما قرب سأل اولهم فين الاقى بلاد فيها من الكنوز اغلى مافى الكون
قال له ياغريب اسأل غيرى انا غريب على المكان
سأل همام كتير من الناس ولا فيهم حد جاوب ولا كان عارف المكان
مشى همام وقبل ما يسيب المكان سمع صوت بينادى علية
انت يا عابر السبيل اسمعنى انا هدلك واقولك
فرح همام وقلبة انشرح للكلام وقاله قول انا ليك سامع
قال له وليك عندى كمان الى اكتر بكتير
انا هعطيك ثالث مفتاح وهدلك على بوابة المدينة
بس اسمع منى النصيحة
عيش لنفسك والى حبك وانسى الى انت فى يوم قلت عليهم احباب
نصيبك مع القريب منك لية تنظر للبعيد
الى جنبك يتمنى قربك وسعادتك معاه
اسمعها منى وانا ليك ناصح وامين
رفض همام حتى يفكر فى الكلام
وقال اسمعنى اقولك انا فى قلبى حب وهعيش له العمر
ولا عمرى افكر فى يوم انساه
ومهما مر عليا من زمن هصونة فى قلبى وهرعاه
ولو فى ايدك مايه المحياه
استحالة ابدا اسمعلك وافكر يوم انساه
وهنا قاله الغريب وانا ليك هقدم المفتاح وهكون دليلك
وربى يهنيك ويكن النجاح طريقك
ومشى همام ووصل لبلاد فيها اغلى ما فى الكون
ودق على الباب ما فتح له اى انسان
وافتكر المفاتيح وبيها فتح ودخل
وهناك شاف الى ما كان يخطر على بال
نظر همام يمن وشمال وقال .....
آآآآآآه ياديك خايفة انا بقا عليك
سكت لية شهرزاد
نظر لها شهريار ونادى وقال انا كدة صبرى نفذ
ومش هقدر اصبر للمساء
وبخفة ودلال نظرت له شهرزاد وقالت بعيون متبسمة
ليه بتنسى يا مولاى
ان جمالى بيكتمل مع نور قمرى
وسحر جمال كلامى اغزلة على ضياه
قال لها شهريار هصبر يا شهرزادى وانا متشوق
وبخجل اروع ما يكون اترسم على وجه شهرزاد وقالت
ميعادنا فى المساء يا شهريارى
:5::5::5::5::5::5::5:
جميله قوى انهارده
بس ياخوفى يالاقى فيها فيل :ه::ه::ه::ه::ه::ه:
فى انتظار الليله الاخرى
باذن الله
ميرسي نجوم على مرورك
بس اسمع منى النصيحة
عيش لنفسك والى حبك وانسى الى انت فى يوم قلت عليهم احباب
نصيبك مع القريب منك لية تنظر للبعيد
الى جنبك يتمنى قربك وسعادتك معاه
اسمعها منى وانا ليك ناصح وامين
رووووووووووووووووعة ياحسن
ميرسي كيوبيد على مرورك
الله الله الله الله الله بجد روووووووووووعة