عرض للطباعة
الحلقة ( 1 )
يتناول المسلسل قصة عائلتان متناقضتان غنية ويمثلها السيد عمر ارهان وزوجته بهية هانم وولداه سليم وامير
وفي الجانب الاخر عائلة المستخدمين جمال السائق وسوزان ربة المنزل .. واولادهم عزة واسماء وحسام
تقع اسماء في غرام الشاب امير .. وهو شاب غير مبالي ومستهتر يخرج مع كثير من النساء
تقيم العائلة حفل سنوي وتصعد اسماء لأعلى الشجرة وتترقب رؤية أمير التي تكن له حبا لكن من طرف واحد، وتسعد كثيرا عندما تراه على رغم ملابسه التي اتسخت بفعل سيارته، وحزنت بعد ذلك عندما رأته يرقص مع إحدى فتيات الحفل، وفجأة تأتي أختها وتجذبها لأسفل وتسقط على تورتة الحفل، فتصاب قدمها.
وخلال الحفل ألقى عمر أرهان كلمة حيا بها الضيوف، وأخبرهم بتولي ابنه سليم رئاسة مجلس إدارة الشركة وتولي أمير مدير إحدى الإدارات..
وفي اليوم التالي يجد سليم "أسماء" وهي تبكي بسبب الإصابة فياخذها للمستشفى .. ويطلب منها الطبيب الراحة وعدم الرقص .. لكنها تذهب للمسابقة وتفشل ... مما يشعرها بالحزن ..
يواصل أمير حياة اللهو التي يحبها وولعه بالسيارات.. فيشتري سيارة جديدة ويهتم بها.. ولم يحضر الاجتماع مع والده واخوه .. مما يجعل سليم يغضب ويذهب لعتابه ..
لكنه يحضر الاجتماع الثاني لمجلس الإدارة، ويقترح سليم إقامة شركة لمستحضرات التجميل لكن ابن عمه سليمان يقدم اقتراحا آخر باستثمارات في الشرق الأوسط، ويؤيد عمر هذا الاقتراح مما أغضب سليم كثيرا
الحلقة ( 2 )
يحضر الاولاد عزة وأسماء وحسام مفاجأة لوالديهمامن اجل الاحتفال بعيد زواجهم
الـ30 حيث نسقوا فيما بينهم أمور العمل.. على أن تقوم كلّ من عزة وأسماء بمهام
والدتهم في المطبخ، وأن يقوم حسام بمهام والده جمال ويغسل السيارات.
دعا عمر آرهان زوجة أخيه وابنها سليمان لتناول العشاء في القصر، ما أثار الريبة
في قلبهما.. وأثناء العشاء، أبدت زوجة أخيه غضبها من تعيين سليم رئيسا لمجموعة
الشركات.. في وجود سليمان الأكثر دراية بالشركة.. واتهمته بشكل غير مباشر بأنه
السبب في وفاة زوجها، بعدما سألته عن سبب إعطائه سيارته في هذا اليوم..
مما اغضب عمر ..
تحاول أسماء لفت انتباه أمير إليها لكنها تفشل فعادت باكية إلى غرفتها..
في المقابل يعجب أمير بالفتاة نور طبيبة العيون.. التي تعرف عليها عن طريق
أحد أصدقائه.
وفي اليوم التالي يقابل أمير أسماء،.. ويعرض عليها أن يقوم بتوصيلها بسيارته..
وتحاول أن تكشف له ما بداخلها من مشاعر.. لكنها لم تتمكن، لتنتظره في المساء
وتخرج مسرعة عندما رأت سيارته.. وبدأت تحكي مشاعرها تجاهه منذ الصغر..
لكنها لم تعرف أن من ك
◈ تبدأ الحلقه .. بنفس الكلام اللي صار بين اسماء واختها عن الحب ..
◈ اما من جهه ثانيه كانت الام سوزان تقول لناديا "الخادمه الثانيه" انها خلاص تروح لبيتها لانها خلصت شغل .. بس ناديا ترفض لانها تبي تساعدها في المطبخ للحين ..
◈ اجتمعت عائلة اورهان على طاولة الاكل ..
وبدت تاتيانا الخدامه توزع الاكل لهم .. لما امير علق على عطر تاتيانا بمزح : تاتيانا انتي مغيره بارفيوم شئ ؟ << صدق مايستحي ..
امه بهيه خانوم .. ماعجبها تصرف ولدها .. وقالت له بأسلوب قوي .. انها مو راضيه على تصرفاته مع الخدم .. لازم يكون اكثر جديه .. وطبعاً مافوتت سالفته اهو واسماء .. وقالت له : متل اللي صار امبارح .. اكيد البنت بتفهم غلط وبتصدقك ..
سليم ماكان عارف باي شئ .. وسألهم عن اللي صار وخبرته الام ان اسماء طلعت مع امير لغرفته .. ومع ان امير حاول يوضح لهم انه ماكان بوعيه وانه كان سكران ..
الا ان سليم تنررررفز من اللي سمعه ..وانسدت نفسه
امير حاول يتدارك السالفه وخبرهم عن انه ناوي علاقه جديه مع بنت .. واللي اهي نور كويالي مدري وش اسمها المهم انها صديقة امير الدكتوره ..
◈ عائلة اسماء مجتمعين ع الفطور .. والكل يمزح مع ابوهم وامهم الا اسماء .. للحين متحسسه من اللي صار لها من اهلها بعد سالفة امير ..
بعد الفطور سوزان وزوجها يتكلمون عن بنتهم اسماء .. لما قام الابو يكلمها ..
وطلب من بنته انها ماعاد تطلع للجنينه الكبيره وانها تبعد عن عيون بهيه .. حاولت اسماء انها تثبت لابوها انها ماسوت شئ غلط مع امير .. بس ابوها قالها اسمعي كلامي وفكينا ..
◈ طلع سليم لشركته .. ولحقه اخوه امير يبي يروح معاه للشركه .. وابو اسماء مستغرب من جيته للشركه على قولته : خير ان شاء الله مو بالعاده ..
◈ اسماء تشكي لصديقها الدوب جهاد .. من كلام اهلها .. لما قالها انهم مايصلحون لهم لانهم خدامين عندهم .. واهي مصره انه امير يحبها .. على كلامها : باسني والله .. ئلت الوعن مشاعري ومارفضها
جهاد ماعجبه كلامها حاول يقنعها في ان : امير مارد عليها كان ساكت لانه مو مهتم .. بس اسماء عصبت على صديقها وراحت وتركته ..
◈ عمر بيه راح لمحل المجوهرات عشان يشتري هديه .. بس لميين الهديه ..
لحبيبته الشقراء .. مو زوجته النايمه بالعسل ..
◈ امير في الشركه مع اخوه سليم يحاول يقنعه في انه يبي يشتغل معاهم .. بس انه فاشل
عشان كذا قرر يرجع يسابق في الفورمولا وسباقات السيارات .. وطلب من اخوه يساعده ويعطيه ممول قوي ..
وافق سليم بس بشرط .. اللي اهو انه مايبيه يسوي علاقه استهبال مع نور كويالي .. لان سليم ناوي يكون شريك لابو نور .. ومايبي مشاكل بينهم .. بسبة امير وحركاته ..
◈ حسام في المدرسه قابلته الين واهي تذكره بعزيمته اللي واعدهم .. بس حسام توهق لانه للحين مو مدبر فلوس لعزيمتهم .. مطفر وبيعزم مالت عليه .. صرفهم في انه مشغول اليوم وبكره بيعزمهم ..
◈ اما الشايب العايب عمر بيه .. عطى الاسواره الهديه لحبيبته الشقراء .. بس ماكانت قياس يدها .. وقرر يرجعها عشان يصغرها .. والحبيبه على بالها مو مهتمه تقوله خلاص مو لازم رجعها ... بس اهو مصر يعطيها هديه ..
سليم شاف امه جالسه بالصالون لوحدها وسألها عن ابوه .. فكان ردها انه طالع ابوه مع صديقه "اردال" بس تأخر واهي مشغول بالها عليه ..
سليم استغرب وقالها ان صديقه اردال مسافر لسويسرا .. تفاجاءت بهيه من الكلام وعرفت ان زوجها يلعب بذيله وانه سهران مع وحده اكيد .. حاول سليم يرقعها واهو يضرب يده براسه لانه حس بامه تضايقت .. بس مانفعت التصريفه ..
رجع عمر بيه متأخر ومامداه يدخل الغرف هالا واهي تسأله : وين كنت ؟.. واهو اللي مصر على كذبته في انه سهران مع اردال ..
◈ سوزان وزوجها يفكرون كيف يراضون اسماء لانها زعلت منهم بعد مامنعوها انها تطلع للجنينه .. وفكروا انهم يشترون لها قطعه تنورة .. وطبعا الفلوس من صندوق البيت يجمعون فيه فلوس لهم ..
◈ حسام صحى في الليل واهو شايل هم عزومته للبنات في المدرسه وفي الفلوس وقرر يسرق من الصندوق حق اهله .. وفعلا سرق ..
◈ في الشركه جت شركه فرنسيه تبي تقابل سليم .. وولد العم الملقوف شافهم ووصى سكرتيره انه يشوف وش سالفتهم عشان يبي يعرف كل شئ عن عيال عمه ..
◈ في البيت كانت بهيه خانوم تتجهز عشان تطلع بس تفاجاءت بتلفون عمر يرن كان ناسيه .. خلت موسى الخادم يرد ع المتصل وكان المتصل محل المجوهرات ..
كلمتهم بهيه خانوم وقالوا لها ان في اسواره لعمر بيه .. وانبسطت تحسبها مفاجاه من عمر لها ..وقررت تروح تاخذها ..
◈ في الشركه بعد ماخلص الاتفاق بين سليم والشركه الفرنسيه .. جته البثره عيشه تحاول تتلصق فيه تبيه يطلع معاها مشوار على قولها .. : اشتئت الك .. واهو اللي يهزئها ويقول لاتلعبين معاي لعبتك الوسخه .. << تعجبني ..
◈ امير بدأ السباق في الفورمولا وكان من تبع المشجعين صديقه ونور .. اللي كانت مره خايفه عشانه .. وشوي بتدوخ من الخوف .. لما اخيرا فاز بالمركز الاول .. وراحوا الكل يسلمون عليه ويباركون له .. الا نور اللي فجأه اختفت وتركتهم ..
◈ حسام عزم صديقته والبنات اللي معاها واهو متحسف على عزيمته للبنات .. وتمنى لو هو عازم صديقته الين بس عشان ياخذ راحته معاها وعشان مايخسرونه << هههههههه بخييييل
بس الصدمه ان اخته شيرين جت لنفس المطعم مع اصدقائها .. بس ماكان عاجبها انهم يجلسون فيه لانه اتوقع كان غالي .. لما شافت اخوها وتفاجأت .. واهو معاه بنات واهو اللي يدفع الحساب بعد ..
◈ بهيه راحت لمحل المجوهرات تاخذ القطعه بس اول شئ ماوافقوا يسلمونها .. لما هاوشتهم وعطوها القطعه ..
◈ امير فقد نور .. وصار يتصل عليها بس ماترد .. سأل صديقه عنها بس قال انها كانت معاه لما نزلوا يسلمون الكل عليه .. بعدها خمن صديقه عدنان انها زعلت لان امير سلم على وحده من البنات وباسها خخخخ ..
بعد ماتعب امير واهو يتصل عليها بس ماترد قرر يروح لبيتها ..
كانت وقتها جالسه تتعشى مع اهلها واهي متضايقه لما دخل عليهم فجأه العبيط امير واهو يعرف بنفسه .. وابو البنت طايره عيونه ..
تأسف امير من نور عشان اللي صار واللي كان يقصد البنت وسلامها له .. بس نور ماكانت زعلانه من هالشئ وقالت هالشئ ماهمها بس اهي زعلانه لانه عرض نفسه للخطر .. << يا الله ياحنونه
امييير ماصدق ان نور تخاف عليه لانه حس انها بدت تهتم فيه وخذها بالاحضان ..
ان يقود السيارة سليم وليس "أمير"..