ليه كل الناس بتحب الليل....بالكيبورد بتاعي

**..●●**آه...لو**●●..** · 22-03-2009 03:47 AM

ياااااااااااااه الواحد بقالو كتير مكتبش
ازيكم يا اولاد
انا لقيت نفسي قاعد فاضي والليل دخل
قلت لما اغلس عليكم بقى يلا خدو وقولولي رايكم

ليه كل الناس بتحب الليل ؟
مع انو طويل وهمو تقـيل
فيه ايه الليل بيزيح الهم
غير عتمه وضلمه وغم ف غم
الناس بتخاف لتموت بالليل
سكون بيخلي القلب يدق
والثانيه تمر ساعات بالمر
ليه كل الناس بتحب الليل ؟
مع ان الليل اسود وكحيل
وقمر الليل ده صورة الشمس
بيطلع تلت ويغيب تلتين
وكل شويه الوقت يمر
برد وحده في عز الليل
وليه كل الناس بتحب الليل؟
ولا مره سمعنا خيانه الشمس
مع كل ادان للفجر تشقشق
بتطوي العالم جري في لحظه
يوري الناس طلوع الصبح
فارس بجوادو بيغزو الليل
وهو بيقتل ظلم الليل
ويرَجع دق قلوب بتموت
ده نور الصبح ده مالو مثيل
والشمس بتطلع وعصافير بتطير
ونسمه عليله تسابق النور
دي الروح بترد في اي جريح
اول مبتشرق شمس الكون
والورد يميل مع نور الشمس
عباد وقرنفل زهر وفل
بيحيي الموتى في جحر الليل
ويطمن كل الناس من بدري
تصحي تصلي الصبح و تجري
اطفال ومدارس وزحمه سير
والناس ع العيش واقفين طوابير
في المترو يا تلحق يا متلحقش
والوقت يعدي كانو صاروخ
والشمس بتحرس قلوب والوف
نرجع ع المغرب نلاقي مجاريح
قاعدين خايفين من ظلم الليل
واهي دايره تدور صبح وليل
ومع كل نهار بيموت الليل
ويا بختو العاقل من نام بليل
وصحي من الفجر وشاف الشمس وهي بتشرق
وعصافير بطير وبرضوا تزقزق وورد وفل
والنسمه بتجري وراها شعاع
بيملى القلب امال وسعاده....
to be continued by 2 half
ليه كل الناس بتحب الصبح

TafaTefe

**MeEeGoOoO**(•'.'•) · 22-03-2009 03:57 AM

شكرااااااااااا تيفااااااااا ومستنى الجزء التانى ضرورى

**..●●**آه...لو**●●..** · 22-03-2009 04:01 AM

شكرا على مرور يا جميل
ويا رب تكون عجبتك يا كنج
وان شاء الله اكتب النص التاني قريب ان شاء الله

**| Mannora ●** · 22-03-2009 07:51 AM

بجد جميل اوى يا تيفه.....ومستنين الجزء التانى....

بس أحب اجواب على السؤال بتاعك.....

مع ان الليل كئيب وحزين وظلمه وبرد الا انه ليه سحره الخاص

الغموض اللى بيلفه وبيكون وقت التفكير والخلو بالذات ......

وكمان القمر لما يكون بدر ونور ويفضل ونيسك لصبح تفكر معاه او

تبكى معاه تشكيله او يشكيلك....

بيتهيأليا ممكن يكون علشان كده الناس بتحب الليل.....

**| سندباد ●** · 22-03-2009 08:12 AM

جامد يا مصطفى

والله وهترجعنا لأيام الشعر بتاعك
-اللى ملوش ملامح ده -

لا بجد حلوة
وكلامها ظريف

**Karmouty** · 22-03-2009 11:12 AM

بص اولا جميلة

انا بحب الليل لانى بحس انى لوحدى وممكن اعمل اللى انا عايزة

بس اكتر بحب الوقت اللى بعد صلاة الفجر خصوصا عندنا بقا فى الفلاحين ياة الصبح كدة وكل الناس ماشية تسلم على بعض وتدعى للى رايح مدرستة ولا كليتة بجد بكون فرحان موزززززززززززز

**..●●**آه...لو**●●..** · 22-03-2009 11:29 AM

شكرا منورا
وطبعا ان مش بهجم عالليل وهتعرفي ليه الليل حلو في النص التاني ان شاء الله
وشكرا لسندباد وانا اللي فرحان والله اني كتبت حاجه بعد انقطاع طويل
وشكرا لارموطي وهو
احنا ارياف برضزا يابا وهو ده الللي بيلهم الواحد
يلا كلو قشطه

**Messi** · 22-03-2009 12:22 PM

الله ينور على كيبوردك
حلوه يا درش والله
وانا مبتفرقش معايا ليل او صبح هى كده كده الاوضه مضلمه عندى

**| **المقصرة في حق الله** ●** · 22-03-2009 06:27 PM

جميلة يا تفاتيفي بجد فنان
بس بجد انا بحب الليل روقان وهدوء ومافيش دوشة ونعيش بمزاجنا

**..●●**آه...لو**●●..** · 22-03-2009 08:10 PM

ميسي حبيب قلبي شكرا لمرورك وان شاء الله الاوضه تنور يا معلم قريب ولا يهمك
وميرسي يا ميني ع الكلام الجميل
ومين مبيحبش الليل
وبعدين دي لسه نص الكلامم
والكلام له بقيه