احذر الامر refresh خطأ يقع فيه الكثير

[| Silent Guardian ●]

بسم الله الرحمن الرحيم

السلام عليكم ورحمة الله وبركاته

الموضوع يختص بأمر Refresh الذي كلنا يتعامل معه في اليوم الواحد اكثر من مليون مره ولا احد يعلم ماذا يفعل هذا الامر او يعرف ولكن يعرف بطرقة خاطئه.

لو سألت احد يقوم بعمل Refresh للديسك توب او لاي مكان بالجهاز او لماذا تدوس على زر F5 هاتكون الاجابه غربيه جداااااااااااااااا. يقولك اصله بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟ وكمان بيخليه يحمل بسرعة. صح؟ ولا انا غلطان؟

طبعا اجابات غريبة جدا لا تستند الى اى سند علمي او هندسي او حتي منطقي.
اذن ماذا يفعل هذا الامر من الناحية العلميه والهندسية والفعليه, وحتى نعرف الاجابه ونفهم جيدا يجب ان نعود الى الوراء قليلا...... نرجع حوالى 12سنه ... نرجع لايام وندوز 95 لو حد فاكره او اشتغل عليه اصلا.

ايام وندوز 95 مكانش فيه امر Refresh اللي احنا عارفينه اصلا. ودا كان بيعمل مشاكل معانا, ومن الامثله على المشاكل دي انك لو مثلا قمت بنسخ ملف من او الى الديسك توب على سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش ادامك. فيه ايه فين الملف, وكانت الطريقه الوحيده للتغلب على المشكله دي عشان الملف يظهر انك تقفل الصفحه الليي انت فيها وتفتحها تاني, لييييييييييه؟؟ لان اي صفحه بتتفتح بيتعمل لها عمليه Load يعني تحميل واثناء عمليه الــ Load او التحميل بيظهر من تاني كل مكونات الصفحة بما فيها الملف او الفولدر اللي تم نسخه وماظهرش وبالتالي بيظهر امامنا.

وهو ده كان الحل الوحيد للمشكله ايام وندوز95 . وكان في نوع تاني من المشاكل انك مثلا تحط اسطوانه في الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني عشان تعمل عملية الــ LOAD لمحتوياتها فبالتالي لو في اي تغيير في المحتويات هايظهر.

وبعدين ظهر وندوز98 ومعاه نفس المشكله. لكن مايكروسوفت حلت المشكله مع الاصدار الثاني من وندوز98 Windows 98 Second Edition انها زودت امر Refresh في القوائم عشان المستخدم اللي بيعاني من ان في ملفات او عمليات بتتم ومابيظهرش تأثيرها نعمل لها Refresh عشان تظهر وبمعني اوضح ان امر Refresh بيعمل عملية Reload اعادة تحميل يعني لمحتويات الصفحة.

وهو ده مربط الفرس, اظن اننا دلوقت قربنا نفهم وظيفة امر Refresh الليي كلنا بيألف في تعرفها.

المشكله الاكبر ان امر Refresh امر مش خفيف لان عملية اعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج او بطئ عشان بيعمل حاجه او بيفتح برنامج او بيقتح لعبه عمال يدوس Refresh ,Refresh, طب ليه هو الجهاز ناقص تقل. وبعدين الامر ده موجه للمنطقه اللي انت بتعمل ليها Refresh يعني مش هايعمل حاجه مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس Refresh على الديسك توب , طب مال الديسك توب ومال الـ Refresh ومال برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.

مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهمه وكله مشي وراهم.

الرجاء من كل من قرأ هذا الموضوع ان ينشر المعلومه حتي تعم الفائده

وارجو ان اري ردود للنقاش


والسلام عليكم ورحمة الله وبركاته

م ن ق و ل

[7oDa_elray2]

مشكوررررررررررررررررررررر ررر
يا باشا

[| Silent Guardian ●]

العفو يا ستارز

[Messi]

شكراااااااااااااااااااااا ا يا درش يا نجم
طيب دلوقتى المفروض انا اعمل ايه لما الجهاز يتقل؟

[*star_alone*]

شكرا يا ساحر على المعلومه الجامده دى

بس زى ما قال ميسى المفروض نعمل ايه لما الجهاز يتقل ؟؟؟

[Criss Angel]

مشكور يا باشا
بجد معلومه جميله
بس أنا عارفها من زمان !!
ألف شكر و منتظرين المزيد من إبداعات يا كبير :]

[Avenger]

ايه ياعم انتا جاى بعد خراب مالطه
دا انا بعملها 200 مليون مرة
شكرا على المعلومة المهمة دى

[| Silent Guardian ●]

العفو يا جماعة لكل اللي ردوا
بس نرجع بقى للسؤال
اسباب بطئ الجهاز مش كتير بس بتتمحور على حاجتين .. اما الرامات مسحوبة او CPU
و طريقة التعرف ايه منهم اللي مسحوب سهلة جدا
هتدوس على ALT+CTRL+DEL
هتظهرلك شاشة ال process manger
هتدوس على Performace هيظهر ليكم مربعين واحد للرامات و هتلاقوا الوحدة بتاعته بالميجا بايت .. بتشوف كام في مية مسحوب و لو لقيت اكتر من 75% يبقى لازم تقفل برامج من البرامج المفتوحة
طيب لو البروسيور لو لقيت مكتوب على CPU 100% يبقى لازم تشوف الاول ايه البرنامج اللي ساحب السرعة ..
هتتنقل لخانة الProcesses و تعمل ترتيب على حسب اللي ساحب الCPU بالضغط على مكان CPU و تشوف ايه اللي ساحب السرعة و تقفله بانك تدوس عليه كليك يمين و بعدين kill process
و انا عن نفسي بفضل برنامج processXP و ده برنامج خارجي ممكن تعملوا عليه سيرش و تنزلوه
و ان شاء الله هعمل شرح بالصور لكل اللي انا قلته ده و هنزله في موضوع لوحده
السلام عليكم

[Avenger]

شكرا يا باشمهندس مصطفى على الاضافة
تسلــــــــــــــــــــــ ــــم

[● همسة ●]

موضوع جامد يا ساحر تسلم عليه
جزاك الله كل خير للافاده