الفارس الاسمر - The Dark Knight - القصة الحقيقة

[| Silent Guardian ●]

المشاركة منقولة من موضوع مايك المنتدى


The Knight
الموضوع ده كبير و مش خاص ببات مان و بس
انا اعرف The من قبل بات مان بكتير
بس متشديش قوي ليه الا لما شوفت الفيلم الاخير
The ده وراه حكاية كويسة الى حد ما تشدك ليه

اولا ترجمة The مش فارس الظلام
ترجمتها الاسمر
و الفرق بين لفظ و الاسود , ان اللون بيعتبر اكثر شدة في السواد من الاسود نفسه
فده مش مجرد فارس اسود , لا ده اسود من الاسود نفسه

طيب ايه الموضوع بقى؟
و يا ريت لو نركز شوية
اول ما اخينا ده ظهر , ظهر في انجلترا
في العصور الوسطى , اللي كانت انجلترا فيها متقسمة مقاطعات و ممالك صغيرة , كل امير ماسكله منطقة و بيحكمها و كانت الممالك دي منفصلة لدرجة ان ممكن امير يغزو امارة جنبها و يضمها ليه

المهم ان كان في عرف في الايام دي , ان لازم بيكون مع الملك فارس ابيض , ده بيبقى زي الحرس الجمهوري عندنا دلوقتي , لازق للملك زي خياله , و بيحميه في اي وقت و في اي مكان , هو العائلة و المالكة كلها
و هو اللي بيتولى كافة العمليات الحربية , و بيبقى معروف الشخصية للكل , يعني الناس كلها عارفة اسمه الحقيقي , و محبوب جدا داخل امارته و كل الناس تتمنه تخدمه من الاخر
و كان اهم صفة فيه , ان لبسه كله ابيض , و حصانه كله ابيض , و وشه مكشوف

في امارة من الامارات , حصلت حرب و مات الملك بتاعها , و تولت الملكة الحكم بعد جوزها , و كان بيعاونها الابيض
اخو جوزها , كان عايز ياخد امارة اخوه , فادعى ان الملكة زوجة اخوه خاينة و انها اتعاونت مع الاعداء , و انها كانت بتخون جوزها مع ملك الاعداء

اوبااااااااااااااا كده الحوار كبر

في الحالة دي , برده العرف في الوقت ساعتها بيقول , ان لو حد طعن الملكة في شرفها , بيبارز الابيض الخاص بالملكة , و لو الملكة مظلومة الاله مش هيخلي الابيض يتهزم و المدعي الكاذب بيموت
يعني من الاخر , اما قاتل او مقتول

نزل الابيض لساحة المعركة , هو و اخو الملك المتوفى , اللي اصلا معروف انه عمره ما اتهزم في مبارزة

و على الرغم من ان الملكة كانت مظلومة الا انه اتقتل و ثبتت التهمة على الملكة

طبعا كارثة
في الحالة دي برده العرف ان الملكة نفسها ممكن تنزل لساحة المعركة و تدافع عن شرفها , او انها تعيين فارس ابيض تاني ( و مين هينزل يبارز اخينا اللي عمره ما اتهزم في مبارزة ) او ان الملك نفسه ينزل يدافع عنها ( بس هو اتكل على ربنا خلاص من بدري )

كده العملية باظت

و قبل ما اخو الملك يحط ايده على المملكة
دخل ساحة المعركة فارس , لبسه كله اسود , و راكب حصان اسود , و مغطي وشه بخوذة سودا
و طلب انه يدافع عن شرف الملكة

الناس اتصدمت من منظره , و بعض الناس قالت عليه انه اكيد مش بشر , و سموه بالفارس بسبب لونه

دخل المبارزة و كسب و قتل اخو الملك و بكده يكون اثبت شرف الملكة ( طبقا للعرف السائد في الوقت ده )

و بعدها هرب و محدش عرف هو مين
و ده كان او دخلة للفارس الاسود في الموضوع
بعدها بفترة قليلة , كل الممالك اللي حواليهم طمعانين في المملكة اللي من غير ملك , و من غير فارس ابيض
و قامت الحرب , و مفيش ملك و مفيش فارس ابيض
و لما الناس احتاست كده
خصوصا ان حرب يعني خراب بيوت , يعني اطفال هتتيتم , يعني نساء هيبقى عبيد , يعني من الاخر ....
و قبل ما الناس تفقد الامل ظهر تاني , و لم الجيش و دافع عن المدينة , و محدش برده عارف هو مين , و محدش عارف هو بيعمل كده ليه

كان بيعمل كل اللي يقدر عليه عشان الناس و لراحة الناس , حتى و ان كان ده ضد سعادته و راحته هو

و بعد ما الحرب انتهت اتبدلت نظرات الناس للفارس
و اطلقوا عليه اشاعات انه بيتعامل مع السحر الاسود , لا اللي اكتر من كده انهم قالوا عليه ان هو اللي كان بيخون الملك مع الملكة و انهم كانوا مرتبين الموضوع سوا

رغم انه مش واخد حقه كفارس ابيض
رغم انه دافع عن المدينة و هي مفيهاش ملك و مفيهاش فارس يرتب الجيش
رغم انه مطالبش باي وضع في الحكم
رغم انه متعالاش على الناس و اخفى شخصيته
رغم رغم رغم رغم , و برده الناس افترت عليه و ظلمته

كان بيختفى و بيظهر لما المدينة تحتاجه و تهتف باسمه خاصة في اوقات الحروب
و كان يظهر يحل المشكلة و يدافع عنهم
و بعد ما تخلص يفتروا عليه تاني
و رغم كده برده عمره ما قصر في حقهم

كان الافضل , لكنه كان منبوذ

و فضله كده , لحد ما في يوم قامت حرب , و مظهرش الاسمر
كان مات
و محدش عرف هو مين

دي الحكاية مع اللي انا اعرفه بكل بساطة , حتى قبل ما يتعمل الفيلم بتاع بات مان

كنت عارف , بس مكنتش في بالي
الا لما شوفت الفيلم الاخير لبات مان The Knight

و استرجعت الاصلية

* ملحوظة صغيرة : القصة دي اتحكيتلي او قريتها او او او بس انا مش فاكر مصدرها , الا ان هي دي قصة الفارس الأسمر اللي أعرفها بغض النظر عن المصادر

[● TiTaNiC LoVeR ●]

توبيك جميل يا درش

وفعلا ده من احسن الافلام اللى اتعملت فى التاريخ

يا ريت تجبلنا قصه الجوكر كمان يا مصطقى

[Spider GirL(•'.'•)]

قربت تتجنن من القصة دى يا شومان
ايها الفارس الأسمر

[| Mannora ●]

حلو اوى انك نقلتها لقسم القصص

بس جامده ...

[MeEeGoOoO(•'.'•)]

انا قريتها هناااااك

بس جامده يا شومان

[..●●آه...لو●●..]

وكان الناس نسيت الفارس الابيض اللي اتقتل وهو بيدافع عن الحق والعدل
عذرا ايها الفارس الاسمر
فولائي للفارس الابيض
الله يرحمه

[| Silent Guardian ●]

منسينهوش
بدليل اننا افتكرناه
و بعدين الفارس الابيض اصلا واخد حق بطولته من بدري
اذا القاب او فلوس او احترام الخ الخ الخ الخ
كذلك دي شغلته اصلا حماية الملك و العائلة المالكة

انما بطولة الاسمر فانه ادى و ماخدش
دافع و اتهاجم
كان الافضل لكنه كان منبوذ
he was the outcast
he could make the choice that no one else could make
the right choice

[..●●آه...لو●●..]

بمزاجه
هو اللي يميزو انو مضعفش قدام الباطل
وانو متاثرش لما حد مالتلو
وممكن يكون كان هدفو انقاذ الملكه
مش فعل الخير
او انتقام
او اثبات لحاجه
والدليل انو كان هيتخلى عن قناعو لولا الفارس الابيض "هارفي"
يبقى البطل الابيض هو الابيض
والاسمر هو الاسمر

[| Silent Guardian ●]

انت كده بتقول حالو يا حالو
ايه اللي دخل هارفي دينت
في الفارس الاسمر
يا عم انا فصلت خالص بين بات مان و بين القصة الحقيقية

[..●●آه...لو●●..]

مهو ازاي ابقى مفكوك واقول كلام في محلو
كان لازم اقول حالو يا حالو