و أي شئ سيبقى بعد الأمان؟!

**Great Man** · 08-07-2010 01:48 PM

و أي شئ سيبقى بعد الأمان؟!

يا ولدى.....

أرأيت إن ضاع الأمان ؟!

و انتحرت سنين العمر....

بعد أن شاخ الزمان ؟!

و استوطنت قلوبنا حسراتٌ ... دخلت بلا استئذان

و ماتت فى النفس أمنية ... تلتمس الأمان

و ضاعت مع الأيام أغنية...

و صحائف تحـوى بينها لنا عنوان

و انعدم فى أعيننا بريق الضوء و الألوان

و سكنت فى مآقينا أطلال الألم و الحرمان

فهل يبقى عندها لنا شئٌ نذكره مع النسيان؟!

لا شئ لنا يبقى ... غير الحسرة تؤلمنا

و يطاردنا الطوفان..

يا ولدي....

ان ضاع الأمن فلا تعجب

أن يغدو البحر بلا شطآن...

ان ضاع الأمن فلا تعجب

أن تسكن بقصور الحرمان...

أو تقتل فيك الانسان

لا تعجب من زمنٍ أحمق

يحكمه الحمقى و الصبيان

لا تحزن ان قُتِلَ العَدّلُ

و القاتل عظمه السلطان..

لا تثأر يوماً يا ولدى

لا تقلق ليل السلطان

لا تصنع ثورة يا ولدى

كى لا يتعكر صفو السجان

لا تخبر أحداً عصيانك

كى لا تسكن فيك الاحزان

لا تهوى سرب طيور
و اعشق سرب الغربان

ان العدل فى أرضك يا ولدى ...

وهماً زائفا

فلا تفتش عن مراسيه

ولا تسأل عن حكاويه

بين دروب الصمت و الهذيان

يا ولدى...

يوماً خرجت أبحث عن امان

فتشت فى الصحارى و الحوارى

و فى المدنِ و فى الريفِ

فما وجدت غير أطلالٍ تسكن خلف القضبان

فرسمت صورةً للعدل

جمعت فيها بين الزيف و الضلال

و البهتان

ثم سقطت منى دمعتان

فلا تسأل عن عدلٍ يا ولدى

ولا تبحث عن أمان

و اضرب بقدمك....

هذا ظالم تجبر

و هذا آثم خان

فلا تسأل عن حنان

و لا ترهق نفسك بحثاً فى المكان

فقد ضاع الأمان......

وأى شئ سيبقى بعد الأمان؟!

**| Mannora ●** · 08-07-2010 03:52 PM

اولا ابدى اعجابى بالكلمات بجد تحفه

موهوب بجد ولغتك رائعه بل اكثر

ثانيا احساس الحزن فيها والمرار جامد اوى بجد تسلم ايديك

ثالثا مش عاجبنى روح الاحباط والاستسلام

لازم يقوى ولده ويعده انه هو اللى يخرج الظالم يكسر

القضبان بتمرد ع السجان لامه هو المستقبل

لو مفيش امل جوانا يبقى عايشين ليه بقى

**| love ●** · 08-07-2010 03:53 PM

**Great Man** · 08-07-2010 04:51 PM

اولا بشكرك جداااااااااا على كلامك الجميل ده
اللى بيفرحنى لما بشوفه والله
ثانياً:
هو كلامك سليم فى اللى انتى قلتيه
بس هو ده اللى ايجى فى بالى لما كتبتها
انا كنت كاتبها ايا حادثة خالد سعيد
ايجت فى دماغى كده و كتبتها و طبعتها و مزودتش عليها
بس هو فعلا لازم كل جيل يقوى الجيل اللى بعده
بس شعورى هنا كان حسرة لان مفيش عدل فى بلدنا
و رغم ان الناس كلها عارفة العدل المفروض يكون اتجاهه فين
بس برضو مفيش اى حاااااااااااااجة

شكرا ليكى يا منووورا

**Great Man** · 08-07-2010 04:52 PM

نورررررررررررتى الموضوع

**Great Man** · 08-07-2010 04:56 PM

القصيدة من تأليفى
خيري عادل

فاجأتنى إثر حادثة الشهيد
خالد سعيــد

**| Mannora ●** · 08-07-2010 05:09 PM

مش هاخبى عليك نفسى احساسى ايام حادثه خالد الله

يرحمه..احساس بالقهر بجد

بس لو سيبنا الاحساس ده يتملكنا هنضيع بلدنا اللى هى

حقنا من ايدينا كل الحكومه دى احنا اللى معيننها وبادينا

نشيلها..بس عارف الامل تغلغل جوايا تانى لما شوفت شباب

مصر الفيس بوك كده كان يشرح القلب ولا بيهمهم تخويف ولا

اعتقال حسيت بالبذره الاصيله جوانا واننا لازم نعمل حاجه

ونغير مش نقعد ساكتين ونرضى

تسلم انفعالك الوطنى يا خيرى وانا مش باقول وحشه دى

جامده ..وان ما كنتش كتبتها ما تبقاش مصرى بجد

ومستنيه الاحسن ان شاء الله واى لون مش لازم قصايد

**Great Man** · 08-07-2010 05:13 PM

**Spider GirL**(•'.'•) · 08-07-2010 08:22 PM

جميلة جدا اوى
بجد احساسك فيها عالى ومؤثر فعلا رغم قسوتها لكنها منطقية
لكن بردو فى أمل
انا صاحبة مبدأ كل حاجة فى حياتنا فترة واكيد عدم الأمان دة بردو فترة وهتعدى وييجى بعدها فترة اجمل واحلى