- الإهدائات >> |
خمسة وعشرين سنة انجـاز * * حتى شوفوها في التلفــاز
شوفوا وزرائي بيشرحوا فيها * * كله حقيقة ما فيها مجــاز
التنمية مية لمية ومشاريـع * * ناجحة نجاح اعجـــاز
شوفوا المترو بيمشي بسرعة * * فيه شبابيك وابـواب وازاز
بس فيه ناس كذابة بيقولوا * * جايبة معاكم مية وجــاز
بيثيروا قلب احبابي عليـا * * ويحاربوني في استفـــزاز
بس انا مش شايــف في * * عنيكو الا مودة مع اعـزاز
انا باطعم 70 مليـــون * * علشان كده اشغالي كتيـر
بس انتو تقللوا شقاوتكـو * * وبلاش خلفة بدون تدبيـر
احيانا ما باشوفش النـوم * * وساعات باتعب من التفكير
انا علاقاتي بالدول الكبرى * * بتخليني حداها سفيـــر
انا لولايا لكنتم جعتــم * * باشحت لكو من غير تقتـير
انا بمكالمة في التليفــون * * باخلي سفينة القمح تسيـر
تيجي من روسيا او امريكا * * او من دولة اصغر بكتيــر
حكم بلدنا دا حمل ثقيـل * * اصعب من عيش الطوابيــر
انا باعمل مشاريع تنميـة * * للقرن الجاي وابعد بكتــير
شوف بطيخنا جاي مـن * * توشكى ولا الفلفل والجرجير
كل الخبرا شافوه من بـرة * * قالوا مشروعنا هايبقى خطير
بكرة ها نطعم كل اوروبا * * وافريقيا وباقي البلــدان
ويقولوا مصر خيرها عليهم * * ويستوردو منا بدنجــان
انا علشانكم حابس نفسي * * بين جدران وحياتي عذاب
كل ما افكر اسيب الكرسي * * ألاقي الناس بتسد البـاب
يقولوا هاتروح على فيـن * * وتسيبنا يا حنين يا بو الاحبـاب
من غيرك ممكن نتشــرد * * ولانعيش من غير انيــاب
كل العدا بيقولو دا عجـز * * بس انا حاسس كلي شباب
قوة..نشاط..حيوية..تدفق * * وحكمة شهد بيها الاغراب
كل دا بيخليني اتراجــع * * مع ان انا من حقي ارتـاح
حاسس لو سبت العمليـة * * ممكن تبقي سداح في مـداح
كل ما اسافر حــتى لبرة * * اشحت ع الشعب الغلبـان
اقضي زيارتي ما اشوفش * * الشارع قاعد كده بين الجدران
نفسي ف مرة اخش السيما * * ولا اتسوق من البســـتان
واشرب بيرة ف الجريـون * * وامشي ف باب اللوق عريان
بس باضحي براحتي لشعبي * * واضحي بروحي وقلبي كمان
والله كلام زى الفل المفروض بقى ان الكلام عن .... صح ولا انا غلطان
قوة..نشاط..حيوية..تدفق * * وحكمة شهد بيها الاغراب
والله كلام زى الفل وربنا يستر
موضوع جميل بسمله تسلم الايادي
بجد يا بسمله تحيه جامده اوي ليكي التوبيك ده مش عادي وعمري مهنساه
ويا رب يا رب تطولنا في عمر سياده الرئيس/محمد حسني مبارك
ويفضل يحكمنا لغايه ميبقى شعبنا عندوا وعي وحضاره كافيين لاختيار نظام جديد في الحكم
وشكرا ليه عالمجهود اللي بيبذلوا معانا واحنا هم كبيييييييييييييييييييييير جدا
وهو اللي متحملوا
يا رب طول في عمره
جامده اوى بجد وربنا يخليا لينا
(هو اللى ما اكلنا....هو ...هو اللى ملبسنا...هو .......هو اللى مدلعنا....هو...)
ههههههههه اكيد يا جى جى
عايز تكملى وتقولى
هو ماما وهو بابا وهو أنور وجدى......
بجد يا شباب فوكك سعيدة بمشاركتكم وتعليقاتكم الجميلة
ربى لا يحرمنى من طلتكم الحلوة
وشكر خاص لكم
ويارب انصرنا على كل ظالم وحقق لنا ما نتمناه
ولو غبت عنكم فترة اعرفوا انى اتمسكت
اسعد الله أيامكم
دمتم فى حفظ الرحمن
التعديل الأخير تم بواسطة $$ بسملة $$ ; 25-10-2008 الساعة 01:05 PM
بغض النظر عن الوجهه السياسية
شعرك جميل
واتمنالك شأن كبير وسط شعراء العامية
تقبلى احترامى
مصريه وافتخر
******************
أخاف عليك من الرحيل
وأخشى من غدر الذئاب
لكن الرحيل لايأتى
والذئاب لاتنام.
شكرا لكم على المرور العطر
لكم منى أرق تحية
وكل عام وأنتم بخير
دمتم فى حفظ الرحمن
الذين يشاهدون الموضوع الآن: 1 (0 من الأعضاء و 1 زائر)
الإجراءات : (من قرأ ؟)
لم يشاهد الموضوع أي عضو حتى الأن.
مواقع النشر (المفضلة)