من حبى ليكى لو رحعت ليكى مترجعيش

[جوليت]

لو رجعت تانى ليكى مترجعيش
لو بكيت بين أيديكى متصدقيش
لو حلفت بحبى ليكى وأنتهيت قدام عنيكى متضعفيش ومترجعيش


أنا أللى خنتك وفى يوم ظلمتك
وأنتى بغبوتك أول ما جتلك وطلبت حضنك رجعتى ليا

أنا أللى بعتك وأللى جرحتك
وأنتى بخبتك أول ما سبتك وبعدت عنك ندمتى عليا


أنا أللى قولت بعدك مفيش وبعدت عنك وقدرت أعيش
وفى قربى منك طلبت ودك
وفى بعدى عنك ظلمت قلبك


أنا اللى كنت محتاج حنانك كان نفسى أكون فى يوم أمانك
بس أكتشفت لو كنت مكانك
مقدرش أرجع لأنسان فكر وخانك

لو رجعت تانى ليكى مترجعيش
أرجوكى متضعفيش
ودا من كتر حبى ليكى عاوزك تبعدى علشان فى يوم تانى مخنكيش

متصدقيش ومتضعفيش ومترجعيش

[Spider GirL(•'.'•)]

..........................
فهمانى طبعا يا سمسمة

جامدة يا كوكى

[Wezooo(•'.'•)]

ماشى يا جوليت
بس بجد كلام حلوا يعنى بس هوا بقى من طبعه الخيانه
وعلشان كده قال مترجعيش الله

[جوليت]

تسلمنى يا أجمل أمانى فى الدنيا
بص يا وسام هو مش طبعه الخيانة بس هو من كتر ما بيحبها خايف يخنها وعلشان كده مش عوزها ترجعلة ومستكتر اصلا انه فكر يخنها فمابالك انه خنها فعلا

[Dody Doda]

طبعا الكلام ده مش ممكن يتقال غير لجوليت
رمز الحب
مهما طلب منها الاخرين الكره متقدرش تقدم ليهم غير الحب
كلام جميل جدا

[جوليت]

مرسى قوى على الكلام الحلو دا انا كده مقدرش ارد خالص

[| Amino2 ●]

لا بصى ياسمسمه هو مدام خانها اصلا او حتى فكر يخونها تبقى دى حاجه ى طابعه
واصلا لو انىت زى مابتقولى من كتر مابيحبها يبقى المفروض مكانشى خانها من الاول
ولا ايه
العقل بيقول كده
بالسنبه بقى له كاتوبيك كلامه موزون جدا وجميل وبشكل ما معبر

[جوليت]

طبعا ردك منطقى بس الحب مفهوش منطق وكل حالة مهما كان فى تشابة بتختلف باختلاف الاشخاص

[عاشق البحر]

ايه الكلام الكبييييييييييييييييييييي ييييييييييييييير اوى ده
سلمت يمناكى
تقبلى مرورى

[قلب صادق]

اصعب شئ هى الخيانه فعلا

لاكن هل كل اللى بيخون بيبقى طبع ولا

غلطه فى لحظه ضعف لان مش كلنا زى بعض

بس جرح القلب بسبب الخيانه دواه صعب جدا

ابدعى فيما سطرتى

دمتى بكل خير ودام قلمك