هتيجوا معانا.......لالا دا مش أمر....... دا مجرد عرض بس.......

[● TiTaNiC LoVeR ●]

طيب يا حاجه
طيب فى العاشر او الزقازيق

[amrdiab.com]

ان شاء الله معاكم

[Kool]

طيب يا عم شريف انا هشوف اذاكان فى فالعاشر ولا لا
بس هما قالولى إن مفيش فى الشرقية دار مسنين
هسأل تانى وهقول على المكان الاكيد
بس أنا عاوزه تفاعل اكتر من كده

[| MonyanA ●]

يا كوووووووووول كلنا معاكى
بس ياريت يبقى المكان قريب فى الشرقية يعنى
القاهرة بعيدة بالنسبالى والمنصورة كمان
انسب حل هو فى الشرقية
لما تتفقوا ابقوا عرفونى
اوكى؟

[Lovely Boy]

مين قال اللى مفيش فى الشرقيه

فى كتير مش واحد بس

العاشر فيها ومنيا القمح والزقازيق وفى كتير

الشرقيه يا كووووووووول

[| John cena ●]

ماشى فكره كويسه
لو الوقت اللى هتتقفوا عليه هيناسبنى
ان شاء الله هاجى معاكم
بس بعيد عن المنصوره
لو فى الشرقيه ماشى

[| Bugs Bunny ●]

ايه ده هو فى العاشر دار مسنيين
انا معرفش
ان شاء الله هسأل و اتأكد لو فى

لو فى فى العاشر او الزقازيق ممكن نيجى بس المنصوره دى صعب اوى اوى

تسلمى يا قمر على الفكره
ربنا يجعله فى ميزان حسناتك

[Kool]

خلاص انتوا مزعلين نفسكوا ليه
حتى لو مفيش فى الشرقيه كلها
نعملكم دار مخصوص فيها علشان تعرفوا تروحوا
احنا عندنا اعز من المفاكيك
ربنا يجعله فى ميزان حسناتكم جميعا
وان شاء الله هشوف الدار اللى فى الزقازيق دى
وابلغكم

[● TiTaNiC LoVeR ●]

ههههههههههههه
ناقص تقولى اننا هندخل اهلينا
دار المسنين اللى هتعمليها
ونعمل معاهم حورارت
هههههههههه

[Beauty]

طيب كويس ان انتم بعتدوا عن فكره انكم تروح المنصوره
بعيده جدا
بس على ما اعقتد ما فيش دار مسنين فى منيا القمح
هو فى نادى مسنين انما دار ماعتقدش
عموما شوفوا ان شاء الله حتعملوا ايه
وباذن الله احاول ابقى معاكم