ايه رايكو يا جماعة لو..................

**Dody Doda** · 26-07-2009 04:13 PM

هو لو كان شخص خاين يبقي مكنش من البداية صديق اساسا
بس احيانا احنا بنثق في ناس مش يعرفوا قيمة للثقة دي وده الي بيخليهم دايما يجرحوا الشخص الي قدامهم بسهولة شديدة
لكن ده مش يخلينا نفقد الثقة في الناس كلها لكن يعلمنا الثقة ديه شئ غالي لازم ناخد بالنا واحنا بنختار الشخص الي نثق فيه
وكمان الشعور بالخيانة ده شئ نسبي من وجهة نظري
يعني ممكن تصرف انت تعتبره خيانه وغيرك يعتبره خطأ صغير
علشان كده لازم يكون هناك حيز من المغفرة وتقديم الاعذار الشخص الاخر

**Lovely Boy** · 26-07-2009 06:06 PM

بجد توبيك جميل وهيستمر

تسلم ايدك يا احمد

هفكر وهسال

**ahmed ammar** · 26-07-2009 07:48 PM

الله يا جماعة على الردود الاكثر من رائعة والله فعلا كل واحد فتح الموضوع ده اكيد استفاد من راى غيره فى اى حاجة وانا بجد استفدت من من آراءكم وسؤالى انا بقى ليه الواحد لما يعيش قصة حب من واحدة ويتعاهدوا على ان علاقتهم تستمر لاخر العمر والفرصة قدامهم متاحة لتحقيق ده واتعاهدوا ان مفيش اى حاجة مهما حصلت بينهم هاتفرقهم وعاشوا القصة دى مدة طويلة ولما يحصل موقف من الولد ويوصل كلام للبنت عنه بس مش حقيقى كله تاليف تصدق الكلام ده والعلاقة اللى بينهم تتهز اللى كانوا عايشينه ده حب ولا ايه انا عايز آراء جامدة وحازمة فى الموضوع ده وشكرا

**Dody Doda** · 26-07-2009 10:49 PM

هو ممكن يكون علي حسب حاجتين
اولا الكلام الي وصل للبنت كانت ايه اخباره يعني مترتب بطريقة تخليها تصدق ولا لاء
ثانيا علي البنت اذا كانت ممكن تصدق في الشخص الي بتحبه اي حاجة ولا لاء
بمعني ان ثقتها فيه كبيرة ولا قليلة
لو قليلة هتصدق اي حاجة حتي لو كانت كدب انما لو كانت كبيرة فابسط حاجة انها تسأل حبيبها عن الكلام الي هي سمعته وهي هتقدر تعرف منه اذا كان ده حقيقي ولا لاء
وده بالتاكيد كان حب من البداية لكنه كان حب ضعيف ينكسر قدام اي حاجة يعني كويس انه مكملش

**NHP** · 26-07-2009 11:11 PM

واله عدم الثقة حاجة وحشة اوى ازى حد اقضى معاة اغلب وقتى او كل وقتى ومش واثق فية يبقى مش يستهل يكون اصلا صحبى وبعدين ممها كان مبراتة احنا ماشى هنسمح وكل حاجة بس كفاية انى هفتكر فى لحظة انو مكنش واثق فية وعمرى ما هنسها مهما عد الوقت عليها دة مهما كان كان صحبى بردو يعنى فهمنى وفهمة

**ahmed ammar** · 27-07-2009 12:20 AM

الله كلام جميل جدا بس ايه رايك يا دودى انها سالت حبيبها عن الكلام ده وهى كانت مصدقة الكلام ده فى الاول بس لما هو وضح لها سبب وصول الكلام ده لها وازاى اتقال وهو كان عارف ان الكلام اللى وصل من البنت الللى قالته لها هايبقى فيه تاليف وفى الاخر رجعوا لبعض احسن من الاول بس بصراحة رايك جميل جدا اشكرك على المشاركة الرائعة

**Dody Doda** · 27-07-2009 12:27 AM

الحمد لله ان رايي عجبك
وكويس طبعا انهم اتصالحوا من جديد
لان حكاية انك تنهي قصة حب حلوة ده شئ صعب
ومهما حاولت مش ممكن تنسي ابدا شخص كنت بتحبه في يوم وخاصة اذا كان الانسان ده لسه بيحبك
فانت هتفضل دايما نفسك ترجعوا لبعض تاني وده اصعب من الفراق الي بتفقد فيه الامل انك تشوف حبيبك تاني
بس لازم نختار حبنا كويس لانك بحبك ده فانت بتلعب مع قلبك
ويلاش تدخل بقلبك في لعبه متاكد انك هتخسر في اخرها
لان اذا كان كل شئ مكسور ممكن ان يرجع تاني فان القلب المكسور هيفضل كسره معلم فيه مهما طالت الايام
انا اسفة اني طولت عليكم