ملخص سريع لما يحدث سنويا لطلبة هندسة

**| **Silent Guardian** ●** · 17-09-2007 11:45 PM

نظام الكلية؟
دي حاجة سهلة خالص
هتخش بعقلك لسه في راسك هتطلع من غيره
هنخش من غيره هتطلع من غير اي حاجة
عندك يا سيدي في اعدادي حاجة حلوة قوي
اول مهتخش هتقول ان شاء الله ده انا هجيب امتياز 100%
بعديها ب 6 اسابيع امتحانات الميد تيرم الاولانية .. مش هتحل حاجة
فهتقول مش مشكلة ان شاء الله جيد جدا
بعديها باسبوعين امتحانات العملي
و بعديها باسبوع امتحانات الترم الاول
برده مش هتحل حاجة و تطلع و تقول مش مشكلة
انا هشد على نفسي و ان شاء الله هيبقى جيد زي الفل
بعد 6 اسابيع من بداية الترم التاني هتتصدم بامتحانات الميد تيرم التاني
و كالعادة مش هتحل حاجة
هتقول لا .. كفاية لعب بقى
انا شاء الله هلم نفسي و ان شاء الله هطلع صافي
بعدها باسبوعين امتحانات العملي التانية و كمان اسبوع و امتحانات الفاينال
هتطلع منهم و هتقول يا رب اعدي السنة بمادتين
و ده كان ملخص سريع لما يحدث سنويا لطلبة هندسة
نلتقي بعد الفاصل

**دعاء** · 21-09-2007 04:51 AM

حرام عليكوا بجد تعقدونا بالشكل دة واحنا لسة اعدادى منتهى التفاءل

**| **Silent Guardian** ●** · 21-09-2007 10:58 AM

صدقيني يا باشمهندسة دعاء
احنا مش قصدنا نعقدكم
احنا و ان كنا قاعدين نقولكم المناهج صعبة و بنخوفكم فبجد لان المناهج صعبة و هتتعبوا
احنا مش لاقينا اللي فهمنا .. عشان كده تعبنا جامد
و كل قصدنا النصيحة
و ربنا يوفقكم