انا بتاع كلو...

[..●●آه...لو●●..]

لسه داخل من خطبه الجمعه في المسجد اللي جنبنا وهو مسجد جديد ومش له شيخ فراجل صديقنا اسمو الاستاذ محمد النجار هو اللي بيخطب
مش عارف ليه ع عكس كل الخطب اللس بسمعها خطبه الراجل ده بتكون قريبه اوي وكتير بحس انو عايش جوايا
بس برضو زيو زي البقيه دائما يبرعون في طرح المشكله
وعند التحدث عن الحل تخونهم السنتهم
ولا يستفيضون
..........................
انهارده 1/1/2010
الخطبه كانت تكمله لخطبتين سابقتين عن
الانسان "القلب "
تلت خطب حتى الان نتحدث فيها عن الانسان باعتباره القلب فقط
في الخطبه الاولى ايه وظيفه القلب الاساسيه
وازاي ان ربنا بيبص لقلوب العباد
وازاي ان القلب هو المتحكم الاساسي في
كل الجسم بما فيه العقل
بدنيا وروحيا
وطبعا الكلمه الشهيره
"ما سمي القلب قلبا الا من تقلب حاله"
المهم تابعتو في الخطبه اللي بعدها
اتكلم عن ازاي يبقى القلب سليم
وطبعا كل محور كلامو ان الشئ الاساسي اللي بيضعف القلب هو كثره الذنوب والمعاصي
وبعد كده قال كلام عجبني
تعرض الفتن ع القلوب فايما من قلب تشربها
نقط فيه نقطه سوداء
حتى الان الكلام كلو كان جميل وبيبدا كل خطبه بتذكره للي قبلو
خطبه انهارده
انهارده لقيتو كده بيبتسم
وكانها ابتسامه مكر ودهاء
قلت اكيد اليوم ده مش هيعدي
وانا كنت حاسس
ومستني القنبله اللي هيفجرها
في هدووووء كده
قال
انتو فاكرين بس ان الذنوب هيا اللي بتبعد القلب عن وظيفتو الاساسيه وهي حب الله والثبات ع طاعته والشوق الى الله
فرفعت حاجبي كده وقلت يلا قووول اللي انا عاوزو
قام قايل :
1/ الذنوب وكثره المعاصي
"وطبع كان اتكلم فيها وهيا بينه لمعظم الناس"
2/ اللغو وكثره الحديث فيما لا يفيد ومجالس الغيبه والنميمه
الكلام اللي لا بيوجي ولا يجيب اللي ملوش لازمه اللي بنقعد نعيد ونزيد فيه كل مره
وطبعا ذكر نماذج صادمه
سواء للدروس وسواء للجامعه وكأنو قاعد معايا
3/اصدقااااء السوء
هو اهتم اوي بالنقطه دي بس مشدتنيش اوي اوي يعني
بس قال
الصاحب ساحب وسكت
بصتلو كده
قام موطي صوتو
وقال
من غير متحس
شششششش كده يسحبك لشخصيتو وصفاتو
والصاحب بياثر فيك في ثلاث نقاط
الاهل وتعاملك معهم ,المستقبل ,الله والقرب منه
والرجل ع دين خليله فلينظر ايكم من يخالل
بصراحه مكدبش عليكم انا ليا منطق في الجزئيه دي
ان انا بدل متسحب
لا انا اللي اسحب للخير والاسلام
ساعات بضعف
بس ببقى مبسوط لو دخلت انا واصحابي صلينا مثلا
او اتفقنا اننا نصوم او او او
وكمل الكلام بتاع الخطبه وقال
4/الغفله
وما ادراكم ما الغفله وازاي ان احنا كلنا في غفله والشيطان يحرص حرص شديد ع الا نقع في المعاصي عشان منفوقش ونعرف وظيفتنا الحقيقيه
ويقول ان الشيطان بيكون الحارس الخاص بتاعي
علشان لو
طلع شيطان متعفرت لسه شباب عاوز يثبت نفسو يقوم مبوظ التكتيك فدايما يبعدو عن طريقي
وياااااه ع وقع الكلمه اللي جايه
قال
ان العاصي توبته اسهل من الغافل ولو قعدو الاتنين جنب بعض العاصي يتاثر اكتر
لان الغافل هو
اساسا اساسا
محترم وابن ناس
وكويس
بس هو بيعمل كده
مش عشان الاسلام لا علشان يثبت نفسو في الدنيا بس مع ان الحاجات اللي بيعملها ناقصها النيه بس وتبقى تذكره للجنه
يعني شوفو قمه الاسى
تفصلو النيه بس
يعني يقول انا هعمل كده علشان الاسلام وربنا
انا هربي اولادي في البيت كويس علشان يطلعو كويسن ويعزو الاسلام
وانا هشتغل واتدرج ف يالمناصب واكون نموذج جيد للشاب المسلم وانا هلعب جيم علشان يكون شكلي كويس واظهر بصوره حضاريه للمجتمعات كلها
واقولهم الاسلام
مش عبادات بس
وطبعا طبعا الاسلام عمرو مهيقول قصر في شغلك ولا مكانك ولا حياتك
الاسلام دين حياه وموت
دين دنيا واخره
5/ بيني وبينكم قلبي وقف واسنتيتو يقول اللي انا عاوزو ومقالهوش لسه
قام بعلو صوتو قايلها وف وشي حسيت انو بيكلمني
"الحب"
طلعت مني تنهيده
وكان نفسي اقوم اقولو لا والنبي متقولهاش
بس قالها
ويا ريتو ما قالها
قال ان الحب ده من اسمى واعظم واشرف المعاني اللي في الوجود بس طبعا للمتزوجين او للمخطوبين
وانا بقى قلبي بدا يدق بسرعه وتعبت طبعا من الكلام ده لاني حسيت بالذنب
قاااال لا استنو
الحب مش هو اللي غلط
الحب ده بيرفع الانسان عن مستوى المعاصي التافهه الصغيره ويخليك انسان رقيق وهادي
ويخليك محترم وتحب الخير وتعمل الصح
بيترفع بيك عن طريق الغلط
بس بيجي في مفترق الطرق انته فين رايح
لجواز
ولا
من غير مستقبل
قلت هيا ناقصاك يا استاذ محمد
لو جواز فيبقى انته عبرت "عديت"
لو في غير سنه سيدنا محمد يبقى انته فجرت
وقال كلمه حلوه اوي
اسمها
الحب خمر الروووح
تفصل ما بين القلب واالرب
وقال لأ والاعظم من كده
انهم يتيأ لهم انهم مع ربنا وهما الاتنين كويسين وبيصلو الفجر وبيقرو قران سوى واخر كلامهم عالنت
دعوه جميله وذكر لربنا
الا اله الا الله ...محمد رسول الله
وهو اصلا ساجد راكع قايم واقف قلبو معاها وهيا قلبها معاه
مش مع الله
هـــــــــــــــــــــــت نهيدهــــــــــــــــــــ ـــــــــــه
قتلتني الكلمه دي والله قتلتني قتلتني جااامد
قلتلو بعنيا طب والعمل
وكالعاده مردش
فالح بس يشيلني الحمل
وكاني ناقصو
هتصدقوني لو قلتلكم انو مسكتش وماكتفاش باللي قالو لا اللي بعدو رقم
6/ ركوب امواج التمني واحلام اليقظه
يعني ايه الكلام ده يا مولانا
قال يعني
اللي بيقعد يتفرج ع ماتش كوره
وهو عندو تلاتين سنه وبكرش ورجليه اليمين بتحود شمال
ويتمنى ويسرح ونفسو يبقى لاعب في اشهر انديه اوروبيه
واللي
بيحب في بنت ويقعد يتمنى ويحلم ويسرح ويقول يوم الفرح واه والمستقبل
وهو اساسا سااسا مش باستطاعتو انو يتجوزها
واللي يحلم انو يبقى رئيس جمهوريه
احلام مستحيله التمنى
واللي تحلم تجوز دكتورها ولا مدرسها
وهو اساسا اساسا متجوز وعندو عيال
دي مرض من امراض القلب والضعف
وقام قايل
كلمه عظيمه لسيدنا ابوبكر
والله منذ اسلامي
ما نمت فحلمت
وما تخيلت فتوهمت
انا لا احلم بالنساء ولا احلم بالشهوه ولا اكره الفقر فاحلم بالمال
ولا اريد السلطه فاحلم بالرئاسه
ولا ولا ولا
طب وانا وانت و احنا نعمل ايه يا يا استاذ محمد
عارفين لما يجي جورج قرداحي يحرق اعصابي في من سيربح المليون يقولك نعرف الاجابه بعد الفاصل
سابني وخلص الخطبه ووقال نستكمل الخطبه الجايه
قلتلو وانا هستنى
كفايه كده
معلشي يا جماع انا عارف اني طولت بس انا شلت الحمل لوحدي واصحابي كل حد في بلد
ومش قادر ع كل ده لوحدي
.
.
.
بعد مخلص الخطبه نزل بيسلم عليا بعد مخلصنا الصلاه
فبقولو في ودنو
قتلتني الله يكرمك
قالي وهو بيضحك
ليه
هو انته بتاع النت؟
ضحكتلو وانا شايل همي
قلتلو لا
"انا بتاع كلو"

[Spider GirL(•'.'•)]

خطبة جميلة اوى ع فكرة يا مصطفى
ربنا معانا يارب
ان شاء الله الجمعة الجاية تكون فى جديد وكويس زى كدة

[| Amino2 ●]

على فكره الخطبه جميله اوى
بس اللى عاجبنى اكتر انك فتحتلنا هنا باب اننا ممكن اى حد يسمع خطبه او حاجه عجبته
ويحس انها هتفيدنا انه يجيبها

واتمنى بجد نتواصل فى الموضوع ده سوا
وكل جمعه مثلا حد يحط خطبه عجبته
شكرا ليك

[..●●آه...لو●●..]

شكرا اماني وامينو لمروركم اللي فرحني
اصل كنت فاكر ان الكل هيدخل وهيقرى الكلام ومش هيرد ويمشي يبعد او يجري ويهرب وكانو مقريش
زي منا كنت عاوز اقولو لا متقولش متحيش متكملش
بس اهو قالها
وانا كتبتها بقى
واللي يحصلل يحصل

[| Tears Of The Moon ●]

ربنا يحميك ويخليك يا مصطفـــى
بشوففيك كلمة انسان بجميع معانى الكلمـة
بكل ما تحتوه اكلمة من معانى
انـسـان
تسلم ايدك يا فنان
كلنا
بتوع كلو

[!..!]

في مشاكل ... بس مافيش حلول

لو كانت الحلول موجودة .. مش هتكون في مشاكل

بنصعّبها على نفسنا وهما بيصعّبوها علينا

في وسط البحر .. مركب عدت من جنبنا .. والناس اللي جواها

قالولنا إنتوا تايهين في وسط البحر .. وسابونا ومشوا !!

(هو عمل كدا)

آه هو لو واحد " بتاع كله " فرحان إنه "بتاع كله" ؟؟

المشكلة

إنه ماشي وهو عارف إنه "بتاع كله" !!

لو كان في العُمر بقية .. منتظرين البقية

..

تم التمييز

.

[● همسة ●]

يخرب عقلك بجد يا مصطفى انحنى لك احتراما
كفايه انك استفزنتى اسجل دخول واكتب رد
بجد الموضوع قيم جدا
وممكن تحولوا لموضوع حوارى يجمع مفاهيم وأراء الشباب فى النقط المثاره واللى ذكرها الأستاذ محمد النجار ربنا يجازيه خير عن شباب المسلمين

وهو يمكن تكون محاوله لايجاد مرسى بدلا من الانتظار من أجل سفينة انقاذ وربما لن تأتى.
تقبل مرورى

[..●●آه...لو●●..]

يااااااااااااااااااه
لما صفحه لموضوع ليا تجمع بين عملاقين من عملاقت المنتدى في الردود القيمه
وهم ....وهمسه
انا بجد مش عارف اقول ايه
غير
انا بجد
كنت شايل حمل الخطبه دي لوحدي
وبيكم بقيت اقوى
وان شاء الله
الموضوع
لو له بقيه
هيكمل باذن الله
واشوف حل
بدل مطرح المشكله ونعيد ونزيد فيها

[..●●آه...لو●●..]

شكرا عالتمييز يا وهم
ويارب الموضوع يكون قده

[● همسة ●]

ميرسى يا مصطفى
وفى انتظار كل ماهو جديد