لا إله إلا أنت سبحانك إني كنت من الظالمين
اللهم اعطنا القوة لندرك أن الخائفين لا يصنعون الحرية ، و الضعفاء لا يخلقون الكرامة ، و المترددين لن تقوى أيديهم المرتعشة على البناء
شوفوا يا عساسيل .. انتوا هتلاقوني مقلوب دلوقتي حبتين يعني هتكلم جد حبتين يعني مش كل حاجة بهزار اصل دلوقتي دماغي ملخومة حبتين و بقت عاملة زي ازازة المية اللي مليانة على اخرها و لازم تطرطش شوية بس دونت وري .. الموضوع سهل انا بس ملخوم حبة بالمحروقة الكلية و بعدين الكلية معكوكة معايا حبتين المفروض اني معايا اربع مواد الترم التاني اللي هو الترم ده يعني في احتمال اشيل السنة تاني و ان كان احتمال الاول كان مستحيل في نص الترم كان ضعيف دلوقتي بقى محتمل! و السبب ان الاربع مواد اللي معايا تلاتة منهم اتشال منهم ابواب و نزلت ابواب جديدة و الرابعة اتغيرت خالص و جه مكانها مادة جديدة و انا عندي حاجة خمول غير طبيعية! حالة الخمول دي بتيجيلي دايما لما بيتكربس عليا شغل كتير .. انا عارفها بس بتبقى خراب بيوت بقى لاني بفضل دماغي ملخومة بالمشاكل اللي هتحصل لما ااخر الشغل .. عن تنفيذ الشغل نفسه يعني دلوقتي تلاقيني ملخوم بحل المشاكل اللي لسه هتحصل لو اني شيلت مواد عن اني اراجع المواد اللي عندي مثلا! و ده كلام فاااااااااااااااااااااارغ ! جدااااااااااااااااااااااا ااااااااااااااااااا بس لما الشغل بيتكربس عليا .. ده اللي بيحصل! و ببقى عايز افضي دماغي بحاول اني اعمل عملية ريفيرش .. و اقول النهاردة فري و بكرة هذاكر طريقة بتمشي مع ناس كتير صح؟ بقالي شهرين بقول لنفسي النهاردة فري و بكرة هذاكر متخيلين 60 محاولة فاشلة متخيلة كمية الاحباط اللي انا فيها انا للاسف مبتحركش الا في الوقت بدل الضايع عايز الحق نفسي من بدري .. بس بتلخم حاجة تفرس انا يعني بتكتب دلوقتي عشان مفرووووووووووس و هطق و لما اكون تعبان قوي اقول لنفسي ايه لا انا مش هذاكر انا مصدع دلوقتي لا انا مش هذاكر انا هطلع اعمل شاي و ارجع اذاكر لا انا مش هذاكر عشان ابن خالتي بيكلمني على الماسنجر هشوفه عايز ايه و هذاكر لا انا مش هذاكر عشان الوقت اتاخر و عندي سكشن الصبح لا انا مش هذاكر عشان الوقت لسه بدري و عندي سكشن متاخر طيب و انا عمال اطلع حجج ليه .. مع اني مش بتحجج بس تحسوا اني بتحجج!! طيب ما اريح نفسي سواءا بتحجج و اللاه , اريح نفسي و اقول مش مذاكر و خلاص بس انا عايز اخلص من ام هم الكلية انا ممكن اتخرج و مشتغلش , مع انها مش هتحصل بس اتخرج و مشتغلش .. عن اني افضل مربوط بكلمة طالب دي ييييييييييييييييييييييييي ييه مقرفة و حاجة تانية بتفرسني ان بقت كل الناس شايفاني مهييس محدش مصدق ان ده الوش اللي بيتصور يا جدعان انا لما بتصور بتصور و انا مهييس و ده 25% بس من وقتي , في 75% تانين بيتقضوا في شغل و جد بلاقي الناس بتدخلني في موود التهييس غصب عني في ناس قالت خلاص مش تفتح المخروب ده خالص اللي هيجيبلك الكافية ( الكمبيوتر ) هو فعلا قفلته هتحل الموضوع بجد اولا مش هلاقي حاجة اتخلم فيها ثانيا ... مش عارف دلوقتي ثانيا ايه بس قفلته دي شئ مستحيل مش هقدر بجد هتقولوا شيل كابل الباور وارميه فى داهية بعيد يا جناب الكوماندا المهم انا لو الكمبيوتر كله اتشال غصب عني هتصل بواحد صاحبي اخد الكمبيوتر بتاعه و هشغله الموضوع ده منتهي و غير ارادي بالمرة! انا عايز اصب تفكيري في الموضوع مش عواقب فشل الموضوع انا قلتلكوا انا بس محتاج اطرطش شوية الموضوع كبير فعلا عشان بقاله كتير على فكرة انا استريحت شوية هو بس دماغي كانت مخرفة حبتين overloaded و انا ظبطتها و بما اني فايق قلت لما اكتب المدونة دي بعد ما هخلص هقوم اذاكر مع اني عارف اني هخلص من هنا كتابة هلاقي دماغي تقلت و لا بلاش النهاردة و هقول لنفسي انا بكرة اجازة هذاكر بكرة من اول النهار يييييييييييييييه لعب عيال سيبكوا من الكلام الفارغ ده صباح الفل مووووووووووة 19 - مايو - 2010 الساعة 4:30 فجرا
من اين ابدا فالبداية قاسية والنهاية قاتله بالامس كان يوم عرسها ويوم جنازتي كثيرا ما قد حدثتها عن مثل هذا اليوم البائس بالامس قد شَيعت خلايا جسدي جنازه دون فقيده كانت دمائي من الحزن عليله تترسب لتتثاقل الاقدام ويودع القلب بنبضه حبيبتي لامسي وحدي مكافحا علتي لا تخبروني عن دواء فلن يجدي وصفا حالتي محال ان اجد الدواء فقد غادرت عني طبيبتِي فأنى لجسدٍ ان يعيش بعد نزع الروح للحظهِ وهل تبصر العين وقد اختفى النور عني وانطوت صحيفتي لست ادري في صفحه الاحياء امضي ما تبقى ام في صفحه الاموات اانس وحدتي قد غادرت صديقتي لتكمل ما بدأناه عند شخص اخر وقتها لم يبقى الا النحيب والعويل والصراخ على الماضي الهائم ووعود الحب والقصور والاحلام والتفاصيل التي ضاع العمر برسمها والحديث عن اطفالنا وحياتنا و خلافنا لم نترك شيئا في الحياة باسرها بحديثنا وكتبنا بايدينا سنبقى وتفوهنا باساطير الحب الكاذب من منا بوجه الظروف مواجها من يجزم بالنهايه السعيده اقام الحب على عقولنا حد القتل والاباده لا تلام المرأة مطلقا فانا الملام وانا الحبيب الخائن انا المتقاعس عن احلامنا وانا لها المبدد انا الذي افنيت الوقت بحبها وخدعتها ومن اين لي بان اعول اسرتي ومازلت طفلا في الحياة دون مهر او منزل لا تقولي لي سابقى لك وان طالت بك سنين الغربه وكيف انسى اهلي الذين جعلوني حيا كائنا أليس لهم عندي حقوق لا ترد ولا تحصر عرفان مني لهم ساكمل المسيره بعدهم واريحهم ولن اتركهم ابدا وحدهم من اجلي افنو عمرهم ومن اجلهم ساترك بعض اعوام بدايتي وعندما ارسي دعائم اسرتي واصل بسفينتهم بر الامان ساعتلي موج البحار مغادرا لابحث لي عن زوجة لتكون لي حبيبتي وطبيبتي وصديقتي وزياده عنك ستكون زوجتي هي اولى بكل حديثنا وكلامنا وبكل حلم كان بيننا وان حدث يوما تركتني او تركتها فستكون حتما هذه المره جنازه بفقيد او بفقيدة ......................................... TafaTefe مش فاكر كتبتها امتى بس قريب بعد الفجر
تم تحديثة 09-06-2010 في 06:08 PM بواسطة آه...لو
كثيرا ما كانت تستهويني فكره الترتيب والعشوائيه في نفس الوقت .... فكيف لا تكون هناك معادله متبعه لانتاج الاف الارقام التي توحي بان لها ترتيب معين وفي نفس الوقت عندما تياس من فك الشفره تجزم انها ترتيب عشوائي ولا يمكن ان يكون هناك ترتيب لهذه الارقام وكمثال لهذه الفكره في ذهني كروت شحن الهواتف المحموله فقد قضيت اعواما في جمع كروت من نفس فئه الشحن امام ناظري في محاوله فاشله لايجاد ترتيب او معادلة وضع هذه الارقام وعندما افشل اكاد اجزم بان هذه الارقام عشوائيه فاذا كنت انا غبيا فحتما هناك من يمكنه حل هذه الشفره من المتخصصين واحدث نفسي كثير ماذا اذا حلت هذه الشفره اتخيل اذا استطعت ايجاد الترتيب الذي يتم به وضع هذه الكروووت مصيبه نعم مصيبه هههههه . . . الترتيب العشوائي اذا كانت هاتفك المحمول من الهواتف الذي يدعم مشغل الاغاني الام بي ثري فيمكنك الاستماع الى الاغاني إما بالترتيب الابجدي او عن طريق وضع قائمه استماع او يمكنك الاستماع الى الاغاني بترتيب عشوائي RANDOM PLAY حاولت جاهدا ان اضع معادله ايضا لكيفيه تشغيل الاغاني عن طريق عمل قائمه اغاني عدد الاغاني بها عشر اغاني محاولا متابعه كيفيه انتقاء الاغاني وتشغيلها وكالعاده اعود بخفي حنين من هذه التجربه وايقن بانه ترتيب عشوائي لا معادله ولا توقع له الا انني في بعض الاحيان استطيع التنبؤ بالاغاني التي سوف استمع اليها ولكن هذه الميزه في هاتفي فقط فلديه قدره على الاحساس عاليه وينتقي اغاني تتوافق مع مزاج المستمع ويتحدث نيابه عني في معظم الاحيان اه كم احب هاتفي وكم ساحزن على فراقه وكلما زاد حبي له ازداد المي لاني اعلم انه سوف يفارقني يوما ما او انني سوف افارقه فلكل منا عمره الافتراضي سواء جمادا كنت او كائن حي . . . انتقلت تجربه الترتيب العشوائي من هذه الامثله لتشكل لدي هاجسا في الحياه يمنعني من رؤيه النواتج الطبيعيه لمسببات عاديه وطبيعيه فلم يعد هناك نواتج او استنتاج منطقي كما كنا ندرسه في مواد الفلسفه فلم يعد في هذا الزمن ما يمكن ان نقول عليه من جد وجد وذاكر سوف تنجح وابحث سوف تجد ما تريد ولا يضمن لي احد ان اعلى نسبه من الاصوات سوف يربح في الانتخابات وليس الافضل من يحترمه الناس ويقدرونه واصبح هناك مكان للفهلوه في شتى مجالات الحياه وطرق مختصره كثيره حتى عند دراستنا لمواد الهندسه استحدثت حديثا نظريه هامه جدا الا وهي "نظريه الفبركه " تعطي نتائج جيده جدا جدا وقريبه من المثاليه وتختزل الطريق ومن كان في كليه الهندسه قسم الهندسه المدنيه سيعي تماما ما اريد قوله بهذه النظريه سواء في ماده الانشائات او الخرسانه او الاستيل الى اخره من المواد. الشاهد من هذا المقال ان الاستنتاج والثوابت التي نعمل بها انما هي من اجتهاد الانسان والامثال الماثوره عنه ولهذا من وقت ليس بالبعيد اكتشف شاب ما واثبت صحه خطا نظريه فيثاغورث وهيا نظريه هامه جدا في شتى مجالات العلوم فكيف لي بان ااخذ باسباب مستنتجه لتكون سبب في نواتج محققه في المستقبل اذا كانت هذه الاستنتاجات نفسها التي تقوم عليها استنتاجاتي اشياء قابله للتعديل او التغيير او الخطا ولمن لم يستطع فهم ما اقول احدثه ببساطه اذا كان الهرم الاكبر الطبقه الاولى من الاحجار منه ليست موجوده او بعد ملايين السنين قد انهار فهل سيبقى باقي الهرم دون اساسياته ولهذا فلا استطيع ان اجزم بنواتج مستقبليه على اسس غير محققه واكيده ولا اريد منكم ان يحدث لديكم لبس بين الدين والدنيا ففي هذا المقال افسح المجال للتحدث عن الدنيا وليس الدين حيث يدخل مقياس البشر وواارائه وامثاله وعلمائه في تكوين الراي والمنطق فنعم في الدين اؤمن بان من عمل الخير سيرد له ومن فعلا خيرا سيجازى عنه خيرا فانت هنا تتعامل مع الله وليس مع البشر ومع دستور وقواعد سماويه في القران غير قابله للتعديل او التغير او الصحه ولذلك فاذا كان هناك امر في القران فلا يحتاج الى دليل وانما سعيك في اثبات صحه القرار واثباته للناس وبيان اعجاز القران فهو اجتهاد منك .................................................. .......................... والى حلقه اخرى من ضمن فلسفه من وجه نظري الصغنطوطه
تم تحديثة 15-05-2010 في 10:42 PM بواسطة آه...لو
شاف كافح عشان يجيب شقة عشان يتجوز و اخيرا بعد تعب السنين عرف يجيب الشقة و راح يتقدم لقى اهل العروسة طالبين طلبات مش هيقدر ينفذها فرد عليهم بالكلمات دي انا جيبت شقة في زمن لو جيبت شقة يقولوا تهييس طب مهر لا يا اخوانا حرام هو التشطيب رخيص؟ سيبوا اللي اتبقى هاتوا نص العفش, ليه القفش ؟ بيس الرحمة حلوة حلوة حلوة الله يكون في عون العريس مين اللي نقى مش بنتكوا دي يبقى ذنبي ايه تدبيس؟ وفرت طقة , طقة و بصوم و النعمة اتنين و خميس انا كان فاضلي زقة و اهج و الم هدومي في كيس ناقص ابيع المنطلون , المنطلون و القميص! لا يا انكل لا .. لا يا ابلة لا يرضيكوا تيجوا بنتكوا بيتها تجوع جواه؟؟ في لسه خلفة و عيال حلوين يا نهار ده هبل المصاريف مش لاقي صرفة هبتي بريستيجي كده منظري مش ظريف لو خدت سلفة من حد قصاد بنتكوا انا هبقى ضعيف و هقعد في البيت بجلابية .. هههههه.. يا خسارتك يا ابو الليف لا يا انكل لا .. لا يا ابلة لا يرضيكوا تيجوا بنتكوا بيتها تجوع جواه؟؟ و الله الكلمات معبرة جدا جدا جدا جدا جدا جدااااااااااااااا دي من كلمات ايمن بهجت قمر اغنية انا جيبت شقة لابو الليف و ده رابط الاغنية من على نجومي رابط مباشر يا رب تعجبكم مصطفى شومان
بحبك مش قادر اقولها لكني عارف رغم ابتعادك إني بحبك بستشهد لما بتعدي وبتبصي اتجاهي وبقنع نفسي ان النظره دي ليه وإنك متعلقه بيه بحاول اصدق كدبيتي لكن كدبتي مش راضيه تصدقني لأني مش لاقي الشجاعه اقول لك بحبك .... بحبك بحبك بس مش طايلك يا ابعد من نجوم الليل يا احلى من سكون النيل معرفش ليه حدود شجاعتي بتنتهي عندك وبلقى نفسي ضعيف .. ضعيف .. ضعيف ومش قادر اصارحك الكلمه اسهل من كل الكلام ( بحبك ) والله سهله بس لساني اجبن لسان في الدنيا هيعيش مش قادر يقولها وهيموت مش قادر يقولها ( بحبك )
تم تحديثة 12-05-2010 في 09:20 PM بواسطة TiTaNiC LoVeR
آخر التعليقات
