أهلا وسهلا بك إلى فكك مني Fokak Meny.
  • تسجيل الدخول:

لا إله إلا أنت سبحانك إني كنت من الظالمين

اللهم اعطنا القوة لندرك أن الخائفين لا يصنعون الحرية ، و الضعفاء لا يخلقون الكرامة ، و المترددين لن تقوى أيديهم المرتعشة على البناء

- الإهدائات >> فراشة الاسلام الي فكك منى : المنتدى وحشنى اوووووووووووووووووووى رغم الفضاء والتصحر ده كوكى الي مصطفى شومان : انت فين يا ابنى انت انا جيييييييييييييت ده لو انت فاكرنى اصلا؟؟؟؟ فراشة الاسلام الي اعضاء منتدى فكك منى : كل سنة وانتوا طيبين وعيد سعيد عليكوا Mannora الي اصحااااااااااااب زمااان : مس يووووووووووووووو فينيام زمان كنا بنذاكر ع فكك ونطبق يوميا يخرب بيت الفيس بقى مجهول الي fokakmeny_down : منتدى ثقيل دم موووو حلووو أستغفر الله العظيم لولا الي كل المنتدى : وحشتونى وحشتونى وحشتونى وكل سنة وانتم طيبين وبخير همسة الي فكك منى : وحشتنى يا منتدايا الغالى , سلامى لكل الناس اللى موجوده وبالأخص صحابى ,فكك منى 2007 و 2008 كان بيتنا وجنتنا. فراشة الاسلام الي كل اعضاء فكك منى : اووووووووووف الدراسة تانى مش هخلص انا شكلى باااااااااااااااى باااااااااااى فكك منى فراشة الاسلام الي كل كل اعضاء منتدى فكك منى : احلفكوا بأيه فوووووووقوا شوية .......حرام عليكم المنتدى عفن من كتر الركنة الشبح الي كل اعضاء فكك منى : لقد عاد شبح المنتدى من اراد منك شئ فليطلبة منى

مشاهدة تغذيات RSS

مصطفى شومان

60 محاولة فاشلة

تقييم هذا المقال
شوفوا يا عساسيل .. انتوا هتلاقوني مقلوب دلوقتي حبتين
يعني هتكلم جد حبتين
يعني مش كل حاجة بهزار
اصل دلوقتي دماغي ملخومة حبتين
و بقت عاملة زي ازازة المية اللي مليانة على اخرها
و لازم تطرطش شوية
بس دونت وري .. الموضوع سهل
انا بس ملخوم حبة بالمحروقة الكلية
و بعدين الكلية معكوكة معايا حبتين
المفروض اني معايا اربع مواد الترم التاني
اللي هو الترم ده
يعني في احتمال اشيل السنة تاني
و ان كان احتمال الاول كان مستحيل في نص الترم كان ضعيف دلوقتي بقى محتمل!
و السبب ان الاربع مواد اللي معايا تلاتة منهم اتشال منهم ابواب و نزلت ابواب جديدة
و الرابعة اتغيرت خالص و جه مكانها مادة جديدة
و انا عندي حاجة خمول غير طبيعية!
حالة الخمول دي بتيجيلي دايما لما بيتكربس عليا شغل كتير .. انا عارفها
بس بتبقى خراب بيوت بقى
لاني بفضل دماغي ملخومة بالمشاكل اللي هتحصل لما ااخر الشغل .. عن تنفيذ الشغل نفسه
يعني دلوقتي تلاقيني ملخوم بحل المشاكل اللي لسه هتحصل لو اني شيلت مواد
عن اني اراجع المواد اللي عندي مثلا!
و ده كلام فاااااااااااااااااااااارغ ! جدااااااااااااااااااااااا ااااااااااااااااااا
بس لما الشغل بيتكربس عليا .. ده اللي بيحصل!
و ببقى عايز افضي دماغي
بحاول اني اعمل عملية ريفيرش .. و اقول النهاردة فري و بكرة هذاكر
طريقة بتمشي مع ناس كتير
صح؟
بقالي شهرين بقول لنفسي النهاردة فري و بكرة هذاكر
متخيلين 60 محاولة فاشلة
متخيلة كمية الاحباط اللي انا فيها
انا للاسف مبتحركش الا في الوقت بدل الضايع
عايز الحق نفسي من بدري .. بس بتلخم
حاجة تفرس
انا يعني بتكتب دلوقتي عشان مفرووووووووووس و هطق
و لما اكون تعبان قوي اقول لنفسي ايه
لا انا مش هذاكر انا مصدع دلوقتي
لا انا مش هذاكر انا هطلع اعمل شاي و ارجع اذاكر
لا انا مش هذاكر عشان ابن خالتي بيكلمني على الماسنجر هشوفه عايز ايه و هذاكر
لا انا مش هذاكر عشان الوقت اتاخر و عندي سكشن الصبح
لا انا مش هذاكر عشان الوقت لسه بدري و عندي سكشن متاخر
طيب و انا عمال اطلع حجج ليه .. مع اني مش بتحجج
بس تحسوا اني بتحجج!!
طيب ما اريح نفسي سواءا بتحجج و اللاه , اريح نفسي و اقول مش مذاكر و خلاص
بس انا عايز اخلص من ام هم الكلية
انا ممكن اتخرج و مشتغلش , مع انها مش هتحصل
بس اتخرج و مشتغلش .. عن اني افضل مربوط بكلمة طالب دي
ييييييييييييييييييييييييي ييه مقرفة
و حاجة تانية بتفرسني
ان بقت كل الناس شايفاني مهييس
محدش مصدق ان ده الوش اللي بيتصور
يا جدعان انا لما بتصور بتصور و انا مهييس
و ده 25% بس من وقتي , في 75% تانين بيتقضوا في شغل و جد
بلاقي الناس بتدخلني في موود التهييس غصب عني
في ناس قالت خلاص مش تفتح المخروب ده خالص اللي هيجيبلك الكافية ( الكمبيوتر )
هو فعلا قفلته هتحل الموضوع
بجد
اولا مش هلاقي حاجة اتخلم فيها
ثانيا ... مش عارف دلوقتي ثانيا ايه
بس قفلته دي شئ مستحيل
مش هقدر
بجد
هتقولوا شيل كابل الباور وارميه فى داهية بعيد
يا جناب الكوماندا المهم
انا لو الكمبيوتر كله اتشال
غصب عني
هتصل بواحد صاحبي
اخد الكمبيوتر بتاعه
و هشغله
الموضوع ده منتهي
و غير ارادي بالمرة!
انا عايز اصب تفكيري في الموضوع مش عواقب فشل الموضوع
انا قلتلكوا انا بس محتاج اطرطش شوية
الموضوع كبير فعلا
عشان بقاله كتير
على فكرة انا استريحت شوية
هو بس دماغي كانت مخرفة حبتين
overloaded
و انا ظبطتها
و بما اني فايق قلت لما اكتب المدونة دي بعد ما هخلص هقوم اذاكر
مع اني عارف اني هخلص من هنا كتابة
هلاقي دماغي تقلت
و لا بلاش النهاردة و هقول لنفسي انا بكرة اجازة هذاكر بكرة من اول النهار
يييييييييييييييه لعب عيال
سيبكوا من الكلام الفارغ ده
صباح الفل
مووووووووووة
19 - مايو - 2010
الساعة 4:30 فجرا

أرسل "60 محاولة فاشلة" إلى Digg أرسل "60 محاولة فاشلة" إلى del.icio.us أرسل "60 محاولة فاشلة" إلى StumbleUpon أرسل "60 محاولة فاشلة" إلى Google

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية آه...لو
    من شابه انتيمو فما ظلم
    وليس هناك داعي لذكر عدد المحاولات
    المهم
    قمه الذل ان انتى تبقى خايف تسقط ومينفعش تسقط زي حالاتي
    وقمه الذذل انك تفكر انك تشيل مادتين لان انته مش عندك غيرهم وبالتالي انا سقطت بنسبه 100 ف 100 بس نجحت
    دنيا غريبه
    شفت بقى اللي يشوف بلاوي الناس تهون عليه بلوتو
    عارف
    انا متاكد اننا من الناس اللي بتقول انا عارف انا بعمل ايه بس بنكون سايبنها لغايه متبوظ ونتمتع بالحل
    ولا هقولك خطه زمنيه ولا غيرو
    بس اللي انا متاكد منو
    ان مجرد اني او انك تذاكر صفحتين في اليوم يبقى دي بدايه الاندماج
    ومتى ما هتحصل الشراره الاولى
    المواد ذات نفسها هتشدنا لاني مهندس ومينفعش مفهمش اي حاجه يبقى لازم افهم اللي بيتقاااال ولا ايه
    نهايته
    مبحبش حد يقولي ذاكر بس منك ممكن ومني انته تتقبلها
    ذاكر مش هقولك لسه بدري
    بس من دلوقتي
    قدامك خمستاشر يوم ونص على اول امتحان
    قسمهم بمعرفتك على المواد اللي محتاجه
    وخد النص اجازه بش مش دلوقتي
    لو عاوز تيجي تذاكر عندي تعالى
    اقولك متيجي نروح المكتبه
  2. الصورة الرمزية Mannora
    احسن حاجه انك خرجت اللى جواك وارتحت...اه من الحجج يخرب بيت سنينها بنتفنن فيها ...ايييييييييييييه دونيا يلا ...

    ربنا معنا كلنا وهتعدى ان شاء الله ونفتكر الايام السواد دى ونضحك
  3. الصورة الرمزية Spider GirL
    مشكلتنا كلنا
    لو انت بتطلع لنفسك حجج احسن منى بكتير اللى هو بقول لنفسى بغتاته ماليش نفس ازاكر ومش هذاكر بوقاحة غير طبيعية لنفسى
    والشرارة اللى فهمى بيتكلم عليها اول ما هتيجى هتيجى لنا كلنا لما نتصدم فى الوقت
    وبعدين يا شو كلنا بنثق فى قدراتك جدا
    وقلقك دة معناه انك لسة فايق ومركز
    الكارثة اللى انا فيها اننا مطمنة وهادية لدرجة البرود
    ويلا تعالوا انتو الأتنين زاكروا عندى
    المهم نذاكر
    ونفسى فعلا اننا نذاكر سو
  4. الصورة الرمزية Amino2
    الله ينور عليك يادرش
    ظلمتها فى وشى خالص وانا امتحانى السبت ولسه مفتحتش كتاب وباجل برده
    ربنا يطمنك والله

Search Engine Friendly URLs by vBSEO ©2011, Crawlability, Inc.