الاصدقاء اختيار ام اجبار؟!!!والبطيخه حمرا ولا قرعا

بصوا يا جماعه باختصار كده ومن غير اي مقدمات الموضوع بسيط اوي B-)
هقولكوا ايه هو بس صحصحوا معايا شويا :-b
مره كنت مع واحد صاحبي في الجامعه وماشيين مع بعض عالكورنيش
وقبل ميموت>:) وقع ع الارض وقالي:
"يا تافاتيفي يا ابني:(( الصحاب في الكليه دي زي البطيخه يا تصيب يا تخيب
يعني يا تطلع حمرا او قرعا"
وبعد ممات قلت اشوف ايه حكايه البطيخه دي :dقصدي الاصدقاء دي
هو ممكن فعلا نعرف ناس في السكشن او في المحاضره او حتى نقابلهم في اي نصيبه المهم يعني
وتلقيهم لزقوا فيك من اول مره وخدوا رقم تليفونك وانت مش قادر تحرجهم مثلا :)
وانت في نفس ذات اللحظه مش حاسس ان دول مودك~X( او ممكن تكمل معاهم وتامنلهم ع اسرارك
انا عن نفسي حصلت معايا كتيير :d
واحلى بطيخه طلعت معايا كانت انتيمي سبحان الله :X
ومكن الناس يبقوا صحاب لفتره وخلاص وكاننا مكناش موجودين ....
محتاج رايكوا في الموضوع
وكل واحد يقولي ايه حكايه البطيخ معاه؟!!;-)

والله البطيخه معايا اكيد مش هقدر احدد لونها لان انا بحب اصحابى
بس انا فى فتره دى بقيتى شايف ان ما فيش حد ممكن يكون بيعتبرنى صاحبه اوووووووووى
المهم ده انا شايفه من طريقه التعامل
اما انا على موضوع انى قابلت ناس فا انامن الناس اللى عرفت كتير
بس انا عمرى ما قبلت حد وقلت دى هيبقى مودى لازم اتعامل معه يعنى مثلا هتلاقى اكتر واحد يعرف عنى حاجه
وبقى صحبى وبقاله سنين دى انا كنت بكره وكان دايمن بنا مشاكل سبحان الله
اما انا لو اتحطيت فى موقف ان حد عاوز رقم تليفونى فا انا مش بحب اكسف حد
لكن انا مش بمشى مع حد وانا مش طيقه يعنى اصحابى بس اللى بمشى معاهم لكن اى حد مش بعتبره صحبى بيبقى سلاام وبس

ايه يا عم وزاويزو انت مغمقها كده ليه
امال كلنا فين مش مكفيك فكك مني اخص عليك
ده كلام تقولوا بردوا
ال ملكاش اصحاب قال امال احنا ايه قرعا

بصوا بقا اولا شكرا على موضوعك بس الموضوع ده بيقلب عليا المواجع لان البطيخه بتاعتى اتهيألى انها حمرا 16 سنه وفى الاخر اكتشفت انى كان عندى عما الوان وفضلت فى حاله اكنتئاب مده سنتين وما عنديش ثقه فى حد خالص وكنت خايفه اصاحب حد تانى بس لما دخلت الكليه ربنا وقعنى فى شويه بطيخ حلو اوى واحمر ومرمل على الاخر قدر ينسنى اللى حصل فيا وان الدنيا لسه فيها حاجه اسمها صداقه وكمان عندى انتيمتى هى بطيخه بس صغيره شويه بردوا عرفتها كدا بالصدفه وهوب بقينا اصحاب واناتيم
وشكرا ليك يا عم تفتيفى على التوبيك الروعه

نوت ات اول يا ست جيجي بس بردوت محدش قالي
احنا ممكن بعد الجامعه متخلص نلاقي البطيخه طلعت قرعا واحنا كنا فاكرنها حمرا ودول كانوا اصحاب فتره زمنيه معينه ؟!

والله يا سى تفتيفى بتحصل عندى اختى كانت كده بس بعد الجامعه ولا حد عرف حد وكأن كانوا مصحبين بعض تحصيل حاصل بس من رأى دى ناس وناس اللى بتعمل كده

والله يا سى تفتيفى بتحصل عندى اختى كانت كده بس بعد الجامعه ولا حد عرف حد وكأن كانوا مصحبين بعض تحصيل حاصل بس من رأى دى ناس وناس اللى بتعمل كده

والله يا مصطفى موضوعك كويس كتير
انا بالنسبة لى صحابى القدام ماعتقدش ان شاء الله يعنى اننا ممكن نفترق بعد الجامعة لأن علاقتنا اكبر من كدة
كمان فى ناس عرفتهم فى الجامعة حاسة قريبيين منى وبالنسبة للبطيخة احنا اللى بنحدد اذا كانت علاقتنا بأصدقائنا هتستمر او هتكون فترة زمنية
احيانا بقابل ناس واحبهم لكن بيكون فى شعور غريب اننا مش هنستمر
وصحاب تانيين مقدرش اتعامل معاهم اساسا
وصحاب اصحابهم فترة واكتشف بعد كدة انهم مايستاهلوش
بس فى الأخر ربنا يخلى لى اصحابى

موضوعك جميل ياتيفا .. والاساس في الاصدقاء الاختيار طبعا

ولازم هنا نفرق بين الزماله والصداقه

اما الزماله فهي موضوع تاني .. لأنها بتبقي بحكم الدراسه

بحكم العمل ومافيش مايمنع ان تتحول الزماله مع الوقت

الي صداقه ..

بخصوص بئا اللي بيفرض نفسه عليك او بيطلب صداقتك

فطبعا مش هترفض طلبه ومش هتحرجه .. ولكن هتعمل

ايه ؟ .. مع اختلاطك بيه هتقيم الوضع وهتعرفه اكتر وليه

لأ ... ايه المانع يتحول لصديق حقيقي

شكرا يا تيفا لموضوعك الجميل .. وتقبل تحياتي

شكرا ليكي سبيدوره على المرور انتي وهوت ايس ونورتونا برايكوا

مساحة محجوزة

هرد مرة تانية عشان اخويا عايز يكرشنى من ع الجهاز

استنانى يا تيييييييييييييييييييييفة

احنا في انتظار حضرتك

تسلم يا تيفا على الموضوع

السلام عليكم

اولا انا مش معاكم في الجامعه انما في جامعه يعني المهم


انا المشكله عندي انها مش بطيخه واحده ههههههههــــ المهم في نظري انا في كل الحالات انا الكسبان حمرا قرعا


يكفيني اني امتلكت بطيخه فتره من الزمن بغض النظر بقي حمرا قرعا


وبعدين لو اكتشفنا انها قرعا مثلا بتبقي احنا المستفدين بردوا



مافيش حد بيتعلم بالساهل ولازم عشان تعرف حاجه عن البشر بالدات لازم تتجرخ


تقبلوا ردي الساذج وكل سنه وانتوا مبطخين
هههههههههههههههههههههــــ لول بالعبيط ــــــــــههههههههههههههه ههههه

شكرا على الموضوع الجميل ده
حصلت معايا كتير وكان فى اصحاب بعتبرهم اصحاب بجد ولكن طلعت البطيخة قرعا مع انى كنت بعاملهم بكل احترام وحب بس للاسف بيقدروا يخدعوك بكلامهم وهما فى الاصل مش كده
بس الحمد لله ربنا عوضنى عن ده كله باصحاب بجد ومهماحصل البطيخة اكيد حمرا حتى بعد الكلية لانى اعتقد اخدت خبرة كفاية وبقيت اميز بين انواع البطيخ:))

موضوع جميل بس الواحد ميتكلمش احسن لانة بيقلب المواجع على كل الناااس@};-@};-@};-@};-@};-

بصوا بقا لو عوزين رأى مفيش واحد بطيخته حمرا دايما ولابطيخته قرعة دايما لكن الواحد بيتعرض للاصدقاء كتير على مدار حياته .ولكن اصعب بطيخة لما تلاقى اعز صحابك بطيخة قرعة
وزى مقالوا
@};- اصعب حب لماتلاقى اللى انت تحبه مبيحبكش@};-

أحب اطمنك ان البطيخة كأنت دايما قرعة لحد موقعت فى حته بطيخة .................حمار وحلاوة
شكرا ليك عالموضوع

تسلم ايدك والعنوان ههههههههههههههههههههه جامد

حظى فى اصحاب نص نص يعنى اتخنت واتغدر بيه
بس معاية كم صحبة دلوقتى عندى بالدنيا كفاية عليه هما

مين اللي بيقلب في المواضيع القديمه دي يا ولاد
بس شكل الناس كلها البطيخه طلعت معاهم قرعه لغايه محمره في الاخر وبقت
ألسطه
ربنا يجمع الناس كلها ويخلي الاصحاب لبعضيهم