الاصدقاء اختيار ام اجبار؟!!!والبطيخه حمرا ولا قرعا

**..●●**آه...لو**●●..** · 08-09-2008 03:27 PM

بصوا يا جماعه باختصار كده ومن غير اي مقدمات الموضوع بسيط اوي
هقولكوا ايه هو بس صحصحوا معايا شويا
مره كنت مع واحد صاحبي في الجامعه وماشيين مع بعض عالكورنيش
وقبل ميموت وقع ع الارض وقالي:
"يا تافاتيفي يا ابني الصحاب في الكليه دي زي البطيخه يا تصيب يا تخيب
يعني يا تطلع حمرا او قرعا"
وبعد ممات قلت اشوف ايه حكايه البطيخه دي قصدي الاصدقاء دي
هو ممكن فعلا نعرف ناس في السكشن او في المحاضره او حتى نقابلهم في اي نصيبه المهم يعني
وتلقيهم لزقوا فيك من اول مره وخدوا رقم تليفونك وانت مش قادر تحرجهم مثلا
وانت في نفس ذات اللحظه مش حاسس ان دول مودك~X( او ممكن تكمل معاهم وتامنلهم ع اسرارك
انا عن نفسي حصلت معايا كتيير
واحلى بطيخه طلعت معايا كانت انتيمي سبحان الله :X
ومكن الناس يبقوا صحاب لفتره وخلاص وكاننا مكناش موجودين ....
محتاج رايكوا في الموضوع
وكل واحد يقولي ايه حكايه البطيخ معاه؟!!

**Wezooo**(•'.'•) · 08-09-2008 05:06 PM

والله البطيخه معايا اكيد مش هقدر احدد لونها لان انا بحب اصحابى
بس انا فى فتره دى بقيتى شايف ان ما فيش حد ممكن يكون بيعتبرنى صاحبه اوووووووووى
المهم ده انا شايفه من طريقه التعامل
اما انا على موضوع انى قابلت ناس فا انامن الناس اللى عرفت كتير
بس انا عمرى ما قبلت حد وقلت دى هيبقى مودى لازم اتعامل معه يعنى مثلا هتلاقى اكتر واحد يعرف عنى حاجه
وبقى صحبى وبقاله سنين دى انا كنت بكره وكان دايمن بنا مشاكل سبحان الله
اما انا لو اتحطيت فى موقف ان حد عاوز رقم تليفونى فا انا مش بحب اكسف حد
لكن انا مش بمشى مع حد وانا مش طيقه يعنى اصحابى بس اللى بمشى معاهم لكن اى حد مش بعتبره صحبى بيبقى سلاام وبس

**..●●**آه...لو**●●..** · 08-09-2008 05:25 PM

ايه يا عم وزاويزو انت مغمقها كده ليه
امال كلنا فين مش مكفيك فكك مني اخص عليك
ده كلام تقولوا بردوا
ال ملكاش اصحاب قال امال احنا ايه قرعا

**| Mannora ●** · 08-09-2008 05:55 PM

بصوا بقا اولا شكرا على موضوعك بس الموضوع ده بيقلب عليا المواجع لان البطيخه بتاعتى اتهيألى انها حمرا 16 سنه وفى الاخر اكتشفت انى كان عندى عما الوان وفضلت فى حاله اكنتئاب مده سنتين وما عنديش ثقه فى حد خالص وكنت خايفه اصاحب حد تانى بس لما دخلت الكليه ربنا وقعنى فى شويه بطيخ حلو اوى واحمر ومرمل على الاخر قدر ينسنى اللى حصل فيا وان الدنيا لسه فيها حاجه اسمها صداقه وكمان عندى انتيمتى هى بطيخه بس صغيره شويه بردوا عرفتها كدا بالصدفه وهوب بقينا اصحاب واناتيم
وشكرا ليك يا عم تفتيفى على التوبيك الروعه

**..●●**آه...لو**●●..** · 08-09-2008 06:52 PM

نوت ات اول يا ست جيجي بس بردوت محدش قالي
احنا ممكن بعد الجامعه متخلص نلاقي البطيخه طلعت قرعا واحنا كنا فاكرنها حمرا ودول كانوا اصحاب فتره زمنيه معينه ؟!

**| Mannora ●** · 08-09-2008 09:52 PM

والله يا سى تفتيفى بتحصل عندى اختى كانت كده بس بعد الجامعه ولا حد عرف حد وكأن كانوا مصحبين بعض تحصيل حاصل بس من رأى دى ناس وناس اللى بتعمل كده

**| Mannora ●** · 08-09-2008 10:00 PM

والله يا سى تفتيفى بتحصل عندى اختى كانت كده بس بعد الجامعه ولا حد عرف حد وكأن كانوا مصحبين بعض تحصيل حاصل بس من رأى دى ناس وناس اللى بتعمل كده

**Spider GirL**(•'.'•) · 08-09-2008 10:13 PM

والله يا مصطفى موضوعك كويس كتير
انا بالنسبة لى صحابى القدام ماعتقدش ان شاء الله يعنى اننا ممكن نفترق بعد الجامعة لأن علاقتنا اكبر من كدة
كمان فى ناس عرفتهم فى الجامعة حاسة قريبيين منى وبالنسبة للبطيخة احنا اللى بنحدد اذا كانت علاقتنا بأصدقائنا هتستمر او هتكون فترة زمنية
احيانا بقابل ناس واحبهم لكن بيكون فى شعور غريب اننا مش هنستمر
وصحاب تانيين مقدرش اتعامل معاهم اساسا
وصحاب اصحابهم فترة واكتشف بعد كدة انهم مايستاهلوش
بس فى الأخر ربنا يخلى لى اصحابى

**Hot Ice** · 08-09-2008 10:58 PM

موضوعك جميل ياتيفا .. والاساس في الاصدقاء الاختيار طبعا

ولازم هنا نفرق بين الزماله والصداقه

اما الزماله فهي موضوع تاني .. لأنها بتبقي بحكم الدراسه

بحكم العمل ومافيش مايمنع ان تتحول الزماله مع الوقت

الي صداقه ..

بخصوص بئا اللي بيفرض نفسه عليك او بيطلب صداقتك

فطبعا مش هترفض طلبه ومش هتحرجه .. ولكن هتعمل

ايه ؟ .. مع اختلاطك بيه هتقيم الوضع وهتعرفه اكتر وليه

لأ ... ايه المانع يتحول لصديق حقيقي

شكرا يا تيفا لموضوعك الجميل .. وتقبل تحياتي