أهلا وسهلا بك إلى فكك مني Fokak Meny.
  • تسجيل الدخول:

لا إله إلا أنت سبحانك إني كنت من الظالمين

اللهم اعطنا القوة لندرك أن الخائفين لا يصنعون الحرية ، و الضعفاء لا يخلقون الكرامة ، و المترددين لن تقوى أيديهم المرتعشة على البناء لـ جمال عبد الناصر

- الإهدائات >> فراشة الاسلام الي فكك منى : المنتدى وحشنى اوووووووووووووووووووى رغم الفضاء والتصحر ده كوكى الي مصطفى شومان : انت فين يا ابنى انت انا جيييييييييييييت ده لو انت فاكرنى اصلا؟؟؟؟ فراشة الاسلام الي اعضاء منتدى فكك منى : كل سنة وانتوا طيبين وعيد سعيد عليكوا Mannora الي اصحااااااااااااب زمااان : مس يووووووووووووووو فينيام زمان كنا بنذاكر ع فكك ونطبق يوميا يخرب بيت الفيس بقى مجهول الي fokakmeny_down : منتدى ثقيل دم موووو حلووو أستغفر الله العظيم لولا الي كل المنتدى : وحشتونى وحشتونى وحشتونى وكل سنة وانتم طيبين وبخير همسة الي فكك منى : وحشتنى يا منتدايا الغالى , سلامى لكل الناس اللى موجوده وبالأخص صحابى ,فكك منى 2007 و 2008 كان بيتنا وجنتنا. فراشة الاسلام الي كل اعضاء فكك منى : اووووووووووف الدراسة تانى مش هخلص انا شكلى باااااااااااااااى باااااااااااى فكك منى فراشة الاسلام الي كل كل اعضاء منتدى فكك منى : احلفكوا بأيه فوووووووقوا شوية .......حرام عليكم المنتدى عفن من كتر الركنة الشبح الي كل اعضاء فكك منى : لقد عاد شبح المنتدى من اراد منك شئ فليطلبة منى

مشاهدة تغذيات RSS

Nadooosh

احساس بعدم الامان

تقييم هذا المقال
انا مكانش فى بالى ابدا انى ادخل واعمل مقالة ولا كان فى بالى انى اتكلم من اساسة وبجد دى اول مرة اشوف صفحة مدونتى من ساعت ما الادمن جدد المنتدى وبقى فى مدونات عندنا

فاقلت فرصة بقى ارغى شوية يمكن اعررف اتكلم واطلع جمللتين صح على بعضهم

انا فى الفترة الاخيرة عقلى بقى ملغى خالص
مبقيتش حاسة بوجودة اصلا ودة بسبب شوية ظروف انا مريت بيها

لدرجة ان فى حد من القريبين منى قال ان نقطة ضعفى ((انى مبعرفش اخد حقى))
وان الى يعرف نقطة ضعفى دى ممكن يدمرنى ويلغى شخصيتى ودماغى

بقالى فترة كبيرة قوى على الحال دة لحد ما اكتشف انى خلاص بقيت EXPIRED

وبجد مبقيتش عارفة اتعامل مع حد

فكرت ارجع تانى اشتغل يمكن احس انى بدات ارجع لطبيعتى وهعرف ارجع دماغى الى اتفرمتت خالص دى

وفعلا انا بدور على شغل واعتقد ان فى فرصة كويسة جت والفرصة دى فيها ميزة تانية انة بعيد .... بعيد قوى عن اى حد بيجرح ومبيقدرش .....بعيد قوى عن اى حد يعرف نقطة ضعفى دى وبيستعملها ضدى .....بعيد عن كل الناس الى لابسين ماسكات وبيضحكوا فى وشى وهما من جواهم عايزين يأذونى

القرار دة صعب قوى لانى متعودتش انى اعيش لوحدى ,دايما حواليا صحابى الى مقدرش اعيش من غيرهم وبجد خايفة قوى انى ابعد واتعب ومعرفش ارجع ولو عرفت ارجع اخاف الاقيهم اتعودوا على غيابى

بس لازم اتحدى الوضع الى انا فية انا مش عايشة تقريبا وموقفة حياتى على قرارات اخدتها قبل كدة واتفاجأت ان مفيش حد بيعمل كدة اصلا عشان حد

كل الناس ممشية حياتها وكل واحد بيشوف راحتة فين وبيروح وراها طب هو انا مبعملش كدة لية؟؟؟؟؟

ودايما شايفة انى لما هستريح اكيد هتعب غيرى

كان فى حد قالى اعملى الى يريحك ومش مهم اى حد تانى - متجيش على نفسك عشان حد - المهم انتى تكونى مستريحة

الجمل دى بترن فى ودانى يمكن انا مسمعتهاش وقتها بس دلوقتى بدات افكر فيها

وعشان كدة قررت انى اكون لوحدى اتعب لوحدى وارتاح لوحدى وافكر لوحدى واقرر لوحدى واتصرف لوحدى ولو احتجت انى اشتكى هشتكى لنفسى ولو ضحكت يبقى لنفسى بردة ولو عيطت مش هقرف حد بمشاكلى وهعيط لنفسى


المشكلة فى الامان

يارب ماعمر حد يحس بعدم الامان

دة احساس مميت ربنا مايكتبة على حد انك تكون خايف وقلقان ومش واثق فى حاجة ولا فى حد ومش مطمن لاى خطوة بتخطيها وحاسس ان كلة محصل بعضة كدة هخسر وكدة هخسر

انك تكون مرعوب من الماضى ومن الحاضر ومن المستقبل

خلاص انا محتاجة Shutdown
انا محتاجةفترة كبيرة قوى يمكن اقدر اتخلص من الترسيبات الى جوايا واقدر الاقى عقلى تانى واعمل ريفريش لحياتى


على فكرة انا مش نكدية ولا بحب النكد اساسا انا مببطلش ضحك وهزار فى حياتى وبجد قلبى منور والحمدلله عمرى ماكرهت حد ولا فكرت انى اءذى حد وبتجرح قوى لما بلاقى حد مجروح او مظلوم

هو بس كان فى بقعة سودة و كان لازم اظهرها لنفسى و اعرف اية اسبابها وازاى هعالجها عشان اعرف الخطوة الجاية الى لازم اعملها


((وعمرى ما انكر فضل صحابى والقريبين منى عليا وانهم وقفوا جنبى كتير وبجد يارب عمرى ما اتحرم منهم وعمرى ما اشوف اى حزن فى عنيهم يارب))


الحمدلله على كل حال











أرسل "احساس بعدم الامان" إلى Digg أرسل "احساس بعدم الامان" إلى del.icio.us أرسل "احساس بعدم الامان" إلى StumbleUpon أرسل "احساس بعدم الامان" إلى Google

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

صفحة 1 من 2 1 2 الأخيرةالأخيرة
  1. الصورة الرمزية Silent Guardian
    اهم حاجة ان المدونة خلصت بابتسامة
    فعلا اوعي تيجي على نفسك عشان حد
    اي حد
    و ربنا يوفقك
  2. الصورة الرمزية Spider GirL
    يمكن بعدك دة صعب اوى على ناس ماتعودوش انك تكونى بعيدة عنهم ولا حتى متخيلين وضع زى دة

    على فكرة مش معنى انك هتبعدى انك فعلا هتبعدى عننا
    وعمرنا ماهنقدر نتعود على غيابك
    ومش هنسمح لك ابدا تكونى لوحدك
    تفتكرى كدة هترتاحى يا عمرى
    على العموم انا مش قلقان خالص عليك
    وعارفة انك دايما هتكونى معانا
    ومش هتسمحى لنفسك اصلا انك تكونى لوحدك ولا احنا هنسيبك
    انسى يا كوكى
    على قلبك لو هاجرتى المريخ

    احتمال ارجع ارد تانى
    اخلص الماتش وارجع مووووووووووووووه
  3. الصورة الرمزية آه...لو
    عارفه اللي قالك اعملي اللي يريحك ومش مهم اي حد تاني ومتجيش على نفسك عشان حد ده بيفهم والله عارفه ليه ؟
    عشان كل واحد فينا بيعمل اللي يريحو اذا جاء مع مصلحه حد فمفيش مانع واما اذا عارضو ساعتها هيبان كل واحد على حقيقتو ومين اللي بيتنازل عشان التاني
    المهم قرارك حلو طريقه تنفيذك غلط
    متقوليش هعيش لوحدي واتعب لوحدي وافرح لوحدي واعيط لوحدي لا
    شوفي اللي مدايقك واعمليلو حذف من قاموسك بس متجش على كل الناس
    اكيد من وسط ميه حد فيه حد يستاهل تتعبي عشانو وبيحبك ومش عاوزك تسيبيه ممكن حبيب ممكن قريب ممكن صاحب ممكن حد من اهلك ممكن بابا
    اي حد
    بس فيه ناس كويسه لسه صدقيني
    ابعدي زي منتي عاوزه وزي مقلت لواحد صاحبي في موضوع مماثل خدي ريست انتي كمان ورتبي اوراقك وشوفي مناطق الغلط صلحيها بس مترجعيش للصفر بدونم اصحاب بدون خبرات بدون اهل
    ...................
    الامان
    مش عارف
    بس اعتقد ان العقل هو الوسيله الوحيده للامان
    اذا حسبتي حساب كل شيئ كويس مش هتندمي حتى لو ذاكرتي كويس والامتحان مجاش كويس يبقى عملتي اللي عليكي
    فاهماني
    اعتقد انو كلام في الماضي بالنسبه ليكي بس خلي بالك منو
    فكري بعقلك مش بقلبك
    عشان حذاري
    انك تلاقي حد عندو شيزوفرينيا
    منتيش عارفه تعملي ايه
    جواه الحلو والوحش
    شويه تحسي ان انتي الغلطانه وشويه تحسي ان انتي الصح
    اكيد هياثر عليكي بطريقتين
    هيبقى عندك شك وخوف وعدم امان وبالتالي اصبتي انتي بالشيزوفرينيا ودي من الحالات النادره اللي بيبقى هذا المرض معدي فيها

    الحل

    انك تمسكي اللي قدامك من فوق زي الراجل بتاع العرايس
    عارفه الشخصيتين بتوعو
    وتعامليهم على انهم اتنين
    شخص كويس
    وشخص عاوز ترتيبات ومعامله خاصه
    امتى تقولي اه وامتى تقولي لا ؟
    هــــــــــــــــــــــــ ـــــ ربنا يهديكم ـــــــــــــــــــــــــ ــه
  4. الصورة الرمزية Spider GirL
    اه والله
  5. الصورة الرمزية Silent Guardian
    و الله انا شايف ان القرار صح
    و طريقة التنفيذ هي الاصح
    فرصة اننا في صيف و كده كده هي هتكون بعيدة عننا برضاها او غصب عنها
    فرصة انها تبقى لوحدها شوية و ترتب ورقها
    و لما هتكون لوحدها هتعرف هي محتاجة ايه .. و مش محتاجة ايه
    و بعدين انا زيكم كلكم
    احترمت الراجل اللي قال
    احترمته لله في لله كده
    و كفاية بقى .. مش هنتدخل في حياتها .. خليها تاخد القرار و تنفذه و تجرب
  6. الصورة الرمزية آه...لو
    مش بنتدخل يا شو يا صاحبي
    دي مدونه هيا كتبت يعني عاوزه
    راينا ومشاركتنا
    احنا بنقول
    واللي هيا عاوزاه هتعملو برضاها
    احنا مين يعني عشان اغصب عليها
  7. الصورة الرمزية Silent Guardian
    و علياااااااااااااااااااا النعمة ما اقصدك بشخصك
    و لا اقصد اننا بنتدخل نبوظلها
    انا بقوووووووووووول نتدخل .. عشان انا حسيت ان المناقشة الكتير في حياتها ممكن تضايقها
    انا مبحبش ان تكون حياتي مجال مناقشة الاخرين
    مقصدش حاجة يا تيفا
    عشان انا عارف دماغك بتحود شمال اليومين دول
  8. الصورة الرمزية جوليت
    اللى انت كتبتيه يبين قد ايه انتى نطيفة وكويسة من جواكى ميهمكيش اللى جرح هو اللى خسر
    خسر حد زيك لو مكنش يعرف يكسبة كان يحاول ميخسروش اما اللى جرحناهم من غير قصد فربنا يسمحنا
    مينفعش تسيبى الناس اللى بتحبك واتنى بتحبيهم واللى انا وحدة منهم مش قدرة اتخيل حياتى من غير حتى على الاقل ما افتكر اللى كنا بنا
    ابعدى يا ندى لو شليفة ان دا الحل واتاكدى انك هترجعى تلقينى انا واللى بيحبوكى لسة فكرينك ومحتجين لوجدهم معاكى ابعد ى
    ابعدى لو تقدى
    بحبك يا اغلى ندى فى الدنيا
  9. الصورة الرمزية Silent Guardian
    ندى دي بنت زي العسل
    هو في زي ندى؟
    و اللاه طعامة ندى؟
    و اللاه جمال ندى؟
    اخر تصييت اهو
  10. الصورة الرمزية Amino2
    هو واضح من كلامك ان انتى حصلك موقف خلاكى تفكرى فى الابتعاد عن كل الناس سواء قريبين منك او بعاد عنك بس الانسان الناضج هو اللى بيعرف يفرق بين الناس وبيعرف مين معاه ومين عليه عشان كده انتى المفروض بدل ماتبعدى عن كل الناس وتلاقى نفسك وحيده ممكن تفكرى شويه فى الهيستورى بتاع حياتك وتشوفى مين عملك ايه واللى عمله ده كان صح ولا غلط وكان ايه سببه وياترى بررهولك ولا لا
    انما ككون انك تسيبى كل النس فى وقت واحد فاده غلط لانك هتيجى فى وقت حتحسى بوحده والوحده دى اصعب حاجه ممكن الانسان يحس بيها لكن الحكايه بسيطه
    فكرى وقررى بحيث متندميش بعد كده على اى قرار خدتيه ومين عارف مش يمكن تكون فى حاجه انتى فهمتيها غلط خلتك تقولى كده او حسستك انك عاوزه تعملى كده

    والناس كلها جانبك اكيد
    وربنا يوفقك ياندى
  11. الصورة الرمزية Silent Guardian
    انا شايف ان الابتعاد عن المألوف احيانا بيجي بفايدة
    خصوصا في حالات الحيرة
    لازم تبعد جامد عن كل انت بتعملها
    و تشوف ايه اللي هيشدك تاني
    انا عن نفسي كتير بحتاج اني ابعد عن كل حاجة بعملها لما بكون متحير جامد
    انا شايف ان قرار ندى مش غلط
    و احترمته جدااااااا
    و هي بعيد هتشوف ايه اللي فعلا محتاجاه و مش قادرة تعيش من غيره
  12. الصورة الرمزية !..!
    انة بعيد .... بعيد قوى عن اى حد بيجرح ومبيقدرش .....بعيد قوى عن اى حد يعرف نقطة ضعفى دى وبيستعملها ضدى .....بعيد عن كل الناس الى لابسين ماسكات وبيضحكوا فى وشى وهما من جواهم عايزين يأذونى

    ـــــــــــــــــــــــــ ـــــــــــــــــــــــــ ـــــــــــ

    سؤال معلش هو المكان ده في الدنيا ؟؟

    لو في الدنيا .. ممكن تديني العنوان ؟؟
  13. الصورة الرمزية Silent Guardian
    بالنسبة لندى , المكان مش بعيد
    بالعكس انتي اكتر واحدة هتستغرب لما اقولك عليه
    المكان ده هو اسكندرية
  14. الصورة الرمزية Spider GirL
    المكان دة مش شرط يكون بعيد
    لكن المكان دة احنا بنبنيه جوانا
    وندى قدرت تحدده جواها
  15. الصورة الرمزية !..!
    بالنسبة لندى , المكان مش بعيد
    بالعكس انتي اكتر واحدة هتستغرب لما اقولك عليه
    المكان ده هو اسكندرية
    ـــــــــــــــــــــــــ ـــــــــــــــــــــــــ ـــــ
    اشمعني انا اللي هستغرب ؟! ماعلينا
    مبقتش أستغرب من حاجة إحساس الإستغراب جاتله حالة إستغرار ومن استغراره بطّل يستغرب (ده موضوع متشابك)
    بس فكرة أروح على إسكندرية .. يمكن ألاقيها غير .
  16. الصورة الرمزية !..!
    المكان دة مش شرط يكون بعيد
    لكن المكان دة احنا بنبنيه جوانا
    وندى قدرت تحدده جواها
    ـــــــــــــــــــــــــ ـــــــــــــــــــــــــ ـــــــــــــ
    يمكن بنبني جوانا ..
    بس قبل ما نبني المهم (التعايش) ما احنا مش هنبني جوانا ونعيش لوحدنا !
    الإنسان كائن إجتماعي .. يعني بيتأثر وبيؤثر في اللي حواليه
    ومن ناحية التأثر .. ولو فعلا المكان ده جوانا مكانش حد هيدوّر على الأمان وهيكتفي باللي بناه !!
    وده من وجهة نظري
  17. الصورة الرمزية Silent Guardian
    عاساس انك اصلا في اسكندرية
    و بالمناسبة و لو دوستي على اضافة رد اللي فوق الرد هياخده اقتباس اتوماتيك بدل ما تنسيخه و تاخديه كوبي و بعدين تردي عليه
  18. الصورة الرمزية !..!
    عاساس انك اصلا في اسكندرية
    و بالمناسبة و لو دوستي على اضافة رد اللي فوق الرد هياخده اقتباس اتوماتيك بدل ما تنسيخه و تاخديه كوبي و بعدين تردي عليه
    ـــــــــــــــــــــــــ ـــــــــــــــــــــــــ ــــــــــــــــــــ
    شكراً على الإضافات الجديدة
    تم تحديثة 01-07-2010 في 02:38 AM بواسطة !..!
  19. الصورة الرمزية Silent Guardian
    العفوووووووووووو
    انا اهم حاجة عندي راحة الزبون
  20. الصورة الرمزية !..!
    العفوووووووووووو
    انا اهم حاجة عندي راحة الزبون
    ـــــــــــــــــــــــــ ـــــــــــــ
    طيب ياعم البياع
صفحة 1 من 2 1 2 الأخيرةالأخيرة

Search Engine Friendly URLs by vBSEO ©2011, Crawlability, Inc.