أهلا وسهلا بك إلى فكك مني Fokak Meny.
  • تسجيل الدخول:

لا إله إلا أنت سبحانك إني كنت من الظالمين

اللهم اعطنا القوة لندرك أن الخائفين لا يصنعون الحرية ، و الضعفاء لا يخلقون الكرامة ، و المترددين لن تقوى أيديهم المرتعشة على البناء

- الإهدائات >> فراشة الاسلام الي فكك منى : المنتدى وحشنى اوووووووووووووووووووى رغم الفضاء والتصحر ده كوكى الي مصطفى شومان : انت فين يا ابنى انت انا جيييييييييييييت ده لو انت فاكرنى اصلا؟؟؟؟ فراشة الاسلام الي اعضاء منتدى فكك منى : كل سنة وانتوا طيبين وعيد سعيد عليكوا Mannora الي اصحااااااااااااب زمااان : مس يووووووووووووووو فينيام زمان كنا بنذاكر ع فكك ونطبق يوميا يخرب بيت الفيس بقى مجهول الي fokakmeny_down : منتدى ثقيل دم موووو حلووو أستغفر الله العظيم لولا الي كل المنتدى : وحشتونى وحشتونى وحشتونى وكل سنة وانتم طيبين وبخير همسة الي فكك منى : وحشتنى يا منتدايا الغالى , سلامى لكل الناس اللى موجوده وبالأخص صحابى ,فكك منى 2007 و 2008 كان بيتنا وجنتنا. فراشة الاسلام الي كل اعضاء فكك منى : اووووووووووف الدراسة تانى مش هخلص انا شكلى باااااااااااااااى باااااااااااى فكك منى فراشة الاسلام الي كل كل اعضاء منتدى فكك منى : احلفكوا بأيه فوووووووقوا شوية .......حرام عليكم المنتدى عفن من كتر الركنة الشبح الي كل اعضاء فكك منى : لقد عاد شبح المنتدى من اراد منك شئ فليطلبة منى

مشاهدة تغذيات RSS

Friends After 4 EVER

فضفضة اخر الليل

تقييم هذا المقال
احساس صعب اوى
لما تحس العيون اللى حواليك تشوفك فاشل

لكن الأصعب لو الواحد شاف نفسه فاشل فعلا ويقتنع بدة
وكل يوم يصحى الصبح يبص فى المراية ويقول لنفسه يا فاشل
مهما عملت هتفضل فاشل

لكن هعمل اية..؟!!
رغم ان كتير بقدر اتحكم فى احساسى لكن الأحساس دة بقا صعب التحكم فيه

هعمل اية يمكن انا غبية (احتمال او اكيد )مش هتفرق لكن بفكر غلط ودايما بحس ان بتصرف غلط
لكن غصب عنى بجد
وصلت لدرجة اننا فعلا ما بحبش اتكلم بقلق
دايما كنت بحب الصمت او بمعنى اوضح كنا متفاهمين سوا اوى


**********
الشك
صعب جدا انك تشك فى اللى حواليك
لكن الأصعب انك تشك فى نفسك
تقلق منها وتبرر لها تصرفاتك ودايما هى موضع شك
خايفة اوى من نفسى
خايفة يكون جوايا حاجة غلط وانا مش شايفاها
خايفة أكون فعلا بغلط ...
الشك اللى جوايا كبر كتير اوى لدرجة اننا بقيت بشك فى نفسى وقلقانة منها اكتر من قلقى من اللى حواليا
بتعب اوى من تبرير تصرفاتى لنفسى
فعلا شئ مرهق اوى

ماهو ادام انا بشك فى نفسى يبقى فى حاجة غلط فيا بتخلينى اشك فى نفسى لا أرادى !!!!!!!

**********

حاسة ان محتاجة اتغير كتير بس أزاى
انا اضعف وافشل بكتير حتى من مجرد المحاولة

انا فعلا محتاجة دكتور نفسى رغم اننا واثقة ومتأكدة انه مش هيقدر يفيدنى بحاجة لأنه مش ساحر يقدر يفهمنى من غير ما اتكلم ( أصل انا مش هتكلم )


فضفضة اخر الليل فى اول يوم فى اجازة مملة كالعادة

أرسل "فضفضة اخر الليل" إلى Digg أرسل "فضفضة اخر الليل" إلى del.icio.us أرسل "فضفضة اخر الليل" إلى StumbleUpon أرسل "فضفضة اخر الليل" إلى Google

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية Silent Guardian
    يا دي اخر الليل
    الفترة بتاعت اخر الليل دي
    انا مجربها
    موني
    اتكلمتي في كذا موضوع
    اولا الفشل
    و هرد بجملة واحدة
    "اتكعبلت و قمت تاني تبقى مفشلتش, انما تفشل لما تتكعبل و تقع"

    ثانيا الشك


    طالما وصلتي لمرحلة الشك في نفسك , يبقى في فعلا في حاجة غلط

    عيدي حساباتك , و اول حاجات تفكري فيها , هي الحاجات اللي انتي بتبرريها
    جربي تسألي حد ميعرفكيش
    اوصفي اللي بتعمليه و شاكة لحد ميعرفكيش على اساس انه تصرفات واحدة معرفتك
    و متتكلميش بصيغة التبرير , اتكلمي بصيغة اللوم
    لو اتكلمتي بصيغة التبرير ممكن يتحرج منك و يبررلك
    انما لو لومتيها , لو فعلا مستاهلة لوم , هيلومها معاكي , لو مش مستاهلة هتلاقيه بيقولك لا عندها حق
    جربي الموضوع ده مع اكثر من شخصية ان شاء الله حتى مع عشر شخصيات عشان توصلي لاحسن نتيجة
    و يستحن يكونوا شخصيات مختلفة في التفكير و يفضل لو كانوا بنات على اولاد
    كده تبقي ضمنتي تشوفي الموضوع من كل الاتجاهات , و رأي الاغلبية في الاغلب صحيح

    الموضوع التالت

    انك محتاجة دكتور نفساني
    هو احنا بنعمل ايه مع الدكتور النفساني غير اننا بنحكيله
    انا عارف انك اذكى من كده , اذكى من نفسك لدرجة انك ممكن تضحكي عليها
    هاتي مخدة و قعديها على كرسي و نامي على الكنبة و احكيلها
    و شوفي اللي هيحصل
    متقوليش انك مش هتحكيلها زي ما هتعمل مع الدكتور الحقيقي
    و تقولي
    انك عايزة ساحر
    انا عارف انك بتحبي ابو تريكة , بس هو وراه المنتخب و الاهلي مش فاضيلك

    ركزي و اثبتي و عيدي حساباتك

    و نامي بدري عشان اخر الليل دايما بيقلب بمشاكل!
  2. الصورة الرمزية Spider GirL
    الله اعلم بالحقيقة
    ممكن اكون لسة ما قمتش

    انت مش فاهمنى
    انا ما ببررش لنفسى تصرفات
    انا ببرر افكار ( افكارى الشكاكة قلقى )
    لحظة وسوسة بتيجى فى دماغك بتقول هو انا ممكن أكون غلط .. مجرد فكرة بتيجى من غير اى موقف
    هههههههههههههههههههههههه
    اسال حد ؟؟ وكمان ماعرفوش
    أكيد بتهزر او ماتعرفنيش كويس
    اللوم ؟
    ماعتقدش فى حد بيلوم نفسه زيي
    بلوم نفسى ع كلمة ع تصرف ع نظرة
    بلوم نفسى ع كل حاجة
    ودايما بندم
    وبعدين واحدة بتشك فى نفسها مش هتشك فى اللى ممكن تسألهم
    انا بستصعب الكلام وخصوصا لو كان عن نفسى زى ما كون طفلة لسة بتتعلم الكلام وزيادة كمان بتخاف تغلط فى كلمها

    انا مشكلتى ومأساتى الشك فعلا
    انا بشك فى كل حاجة وبلوم نفسى ع الشك دة
    عقلى بيصور لى شك غير منطقية وبيعيش فيها واحيانا بيصدقها
    ولا أذكى ولا حاجة
    زى ماعندى احساس عالى بالفشل عندى احساس كبير بالغباء والتفاهه
    احكى لنفسى ..أخاف واقلق اوى

    لو كان كدة مش هحتاج احكيله حاجة
    كفاية بس ابص له يا سلام هههههههه





    تم تحديثة 01-07-2010 في 05:14 PM بواسطة Spider GirL
  3. الصورة الرمزية Silent Guardian
    المهم بس متنسيش
  4. الصورة الرمزية Mannora
    الموضوع كبير باااااااااااااااك ليكى تانى
  5. الصورة الرمزية !..!
    انا فعلا محتاجة دكتور نفسى رغم اننا واثقة ومتأكدة انه مش هيقدر يفيدنى بحاجة لأنه مش ساحر يقدر يفهمنى من غير ما اتكلم ( أصل انا مش هتكلم )
    ــــــــــــــــــــ
    أضحكتيني والله يا سبايدر وأنا ماليش نِفس
    إنتِ فاكرة إن الدكتور النفساني هيسمعك (زي الأفلام) وتقعدي على الشازلونج (ده لو إتكلمتي حسب ما قلتي) ؟؟
    نو .. الدكتور النفسي مش بيسمع حكايات بيكتب مهدئات ومنومات ومع السلام
    ة..

    بالنسبة بئا للفشل ..ومين في الدنيا مكانش فاشل ؟؟ وهو في حد بيعيش كل حياته فاشل؟ بتكون مراحل وربنا إدى لكل واحد قدرات
    وحسب قدراتنا هتكون نسبة نجاحنا يعني متوازنه مع بعضها .. ومين قال إن الناجح عجبه نجاحه اللي يمكن كلنا شايفنه ناجح
    ويمكن بعض الناس بيتمنوا يكونوا زيه ورغم نجاحه شايف نفسه فـــاشـــــل ؟؟
    حلو جميل أقول لنفسي (أنا فاشلة وماليش لازمة وأنا واثقة إني مش كدا وفي طاقات وأفكار هتخليني ناجحه وأرضي ربنا عني )

    وبالنسبة للشك .. لو قلتلك بلاش شك في نفسك ومتتخيليش نفسك بالسوء ده أبئا بضحك عليكِ
    كل ما هنتخيل نفسنا أسوأ ونشك فيها (أو نعذبها بتفكيرنا السئ فيها) كل ما هتتعدل وتتحسن شوية بشويه
    وطبعاً الكمال لله وحده .. محدش هيكون كامل من كل حاجة
    ومش بفضّل تحكي لحد حاجة عن نفسك إلا لو كان قريب جداً جداً جداً منك .. غير كدا لا أعتقد ذلك ..
    سِرك إنتِ أكتر واحده هتحافظي عليه وهتقدري تحاسبي نفسك وتقوّميها ..
  6. الصورة الرمزية Spider GirL
    وابقى مدمنة بقا زى الأفلام
    احساس حلو بردو
    ياريت اقدر احس اننا ممكن أكون كويسة
    حتى احلامى بقت بالنسبة لى اوهام ومجرد احلام يقظة
    انا خايفة فعلا أكون سيئة خايفة تكون تصرفاتى الطبيعية غلط من غير ما اقصد
    عندك حق فعلا
    لما بلوم نفسى ببدأ اركز اكتر عشان اخد بالى اننا ماغلطش
    الواحد مش عايز الكمال لأن دة شئ مستحيل
    انا عايزة اعتدال
    حتى لو فكرت احكى لقريب او بعيد
    انا فعلا ماعنديش حاجة احكيها
    كلها افكار ووساوس بشوفها غير منطقية ووقت تانية أشوفها ممكنة

    شكرا كتير يا وهم على اهتمامك
    انتى بجد من الشخصيات اللى بثق فى تفكيرها وبحترمه اوى
    وكلامك ريحنى كتير

  7. الصورة الرمزية Mannora
    عارفه يا مونه اهم حاجه ثقتك فى نفسك وحبك ليها

    وحتى لو هى شويه وحشه ومش عجباكى حبيها ازاى؟ انك تخليها احسن تمسكو ايد بعض وتوصلو لبر امان وتبعدو عن موج التوهان والشك ابدأى باللى مش عجبك وغيرى حاولى ولو فشلتى حاولى اياك والاحباط والاستسلام....احنا مش وحشين بس الاوحش لما نستسلم للفكره ونبقى فى حاله لا مبالاه وزى ما وهم قالت مش هنصلح نفسنا للكمال لا احنا نحاول نعتدل..

    نفسى تخرجى تفضفضى حلوه اوى الفضفضه اللى انتى كتبتبها اكتبى خرج مش تحبسى جواكى وتأكد ان فى ناس يهمهم انك تبقى احسن وانجح وكويسه

    واعرفى انهم جنبك ديما وانشاء الله نبقى كلنا حاجه حلوه ونرضى عن نفسنا

    بس تعرفى دا حال الدنيا هنفضل فى جهاد ومحاوله ونعدل فى نفسنا كل يوم لانها الدنيا ...عجله بتدور والكل بيجرى

    الكل بيتعب...فنلحق نعمل حاجه فيها قبل ما تقف
  8. الصورة الرمزية آه...لو
    صراع النفس والشك والصح والغلط والثواب والعقاب
    بالعكس ده مش حاجه وحشه
    اعتقد ان المتناقضات دي هيا اللي بتبني شخصيتك يا كوكي
    بس بشرط ان الدرس اللي نتعلمو منرجعش ناخدو تاني ......
    ...................................
    الفشل ......الدكتور فوزي صيدلي مشهور جدا ومن اكفا واحب الناس اللي اثق فيهم في حياتي
    قبل مسافر بيوم
    "هو عارف ان انا ساقط" كنت رايح عشان اسالو على دوا لعلي اخويا عشان حساسيه المهم
    فرحت فلقيت ماما هناك
    فدخلت عليه
    فقال
    اخييييييييييه انته جيت يا ساقط
    انا متعود منو على الكلمه دي
    بس زعلت عشان امي بقى مش عارفه انو بيهزر
    المهم فانا زعلت
    وقلتلو بيني وبينكط مش قدام حد
    قالي ليه انته خايف من امك
    قلتلو لا انا كده كده
    خلصت السنه اللي سقطتها وان شاء الله في بكالوريوس هندسه غصبن عن الحكومه والانظمه
    قالي يلا يا ااهبل انته عندي احسن من كل الناس اللي نجحم وبعدين انته زعلان ليه
    اذا كان الدكتور مصطفى محمود سقطت في الابتدائي....بصصراحه انبسطت لاني بحب الدكتور مصطفى
    وقالي شفت يعني انته مصطفى وهو مصطفى
    وهو سقط وانته سقط
    بس هو دكتور
    وانته لسه قدامك الحياه
    ..........................
    مش محتاجه لدكتور نفساني
    محتاجه لاتنين يا البحر
    يا صديق تثقي فيه وتاتمنيه ويعرف امتى يتكلم وامتى يسمع
    بس

Search Engine Friendly URLs by vBSEO ©2011, Crawlability, Inc.