أفطر معانا - أولى انشطة جامعتنا جروب

[| Silent Guardian ●]

يا الله نفطر مع جامعتنا

السلام عليكم
كل يوم و جامعتنا جروب بيكبر و بيكبر الحمدلله
و زي ما قولنا في بداية المنتدى ان اللي يهمنا في المقام الاول و الاخير هو الطالب
عشان الطالب ده اما جارك , زميلك , صديقك , و يمكن كمان يكون اخوك
و جامعتنا دايما بتحب تقرب بين الاخوات
عشان كده جامعتنا جروب و بالتعاون اسرة شبابنا كلية الصيدلة هتعمل افطار جماعي ان شاء الله يوم الثلاثاء الموافق 9 اكتوبر 2007 و ذلك ان شاء الله بالخيمة الرمضانية الكبرى اللي هنعملها في كلية الصيدلة
و الافطار هيكون عبارة عن :-
1- ربع كيلو كفتة
2- سلطات
3- مشروب رمضاني
و كمان اسرة شبابنا كلية الصيدلة (عضو جامعتنا جروب ) ان شاء الله منظمة مهرجان كبير قوي و كل جامعتنا جروب في كل الكليات هتشارك فيه
و المهرجان هيكون فيه لعب و DJ و مسابقات كتيرة قوي و جوايز اكتر و اسكتشات و حاجات كتيرة قوي مش هنقدر نعدها
طيب و السؤال الاهم بقى ..
ده كله بكام؟
الكلام ده كله ب 10 جنيه بس
اه والله كل ده ب 10 جنيه فقط لا غير
و ان شاء الله نقضي يوم جميل
يرجى سرعة الحجز لسرعة نفاذ التذاكر


للحجز في كلية الصيدلة

أحمد فتحي
الفرقة التالتة قديم
أمين اسرة شبابنا

للحجز في كلية الهندسة
مع
مصطفى شومان الفرقة التانية الكهربية سكشن 12
أو أحمد النحال
بالفرقة التانية المدنية
أمين اسرة شباب المستقبل و مقرها في الدور الخامس في مبنى تشييد

و في باقي الكليات يتم الحجز مع أو مع اي فرد من افراد جامعتنا
و كمان احنا شيلنا كمية من التذاكر عشان لو في حد حب ينضم لينا في يوم الفطار هيلاقينا كلنا موجودين في كلية الصيدلة
و ان شاء الله لو في اي تعديلات خاصة بالمواعيد هنوافيكم بيها
و ان شاء الله نقضي يوم جميل مع بعض
The Magician

[Messi]

ايوه كده يا درش الله ينور عليك
وان شاء الله يكون يوم جامد موت
وربنا يوفقكم فى التنظيم
وانا معكم طبعا يا ريس

[The White Wizard]

يا خبر كل ده ب10 جنيه؟
و الله انت ابن حلال ك9
و انا كمان معاك يا بوب
بس قولي على التفاصيل بقى لما نشوفك في الكلية
تسلم يا شومان

[ReRe]

كل سنه وانت طيب يا شومااااااااااااااااااااان
وياجماعه عايزين كلنا نشارك وتبقي عاده لينا كل سنه ان شاء الله

[LovelyGirl55]

فكرة حلوة وانا سمعت عنها بس مصدقتش ان ده كله ب10 جنيه بس
بس ياريت الموضوع يتم على خير

[7oDa_elray2]

كل ده 10 جنيه فقط لا غير

والله انا مش مصدق
بس المهم انشاء الله نجتمع مع بعض ويكون فى تعارف على بعض
مع تحيات
بسمة المنتدى

[hazemsaad2100]

10ظ10 ياشوماننننننننننننننننننن نننننننننننننن

[hazemsaad2100]

10/10 ياشومان

[ERIKA]

لاقشطه عليك يا باشا معاك طبعا

[..●●آه...لو●●..]

ربنا يوفقك يا مصطفى وهي فرصه عشان ناكلك بدل الانميا اللي تعباك دي
ومعاك طبعا يا مان