فاااااكر..... لا شكلك نسيت ........؟؟؟

**Hegazy** · 10-11-2008 08:01 PM

تيجوا نرجع بالذاكره شهر ورا ونفتكر في يوم زي النهارده من شهر كده كنا بنعمل ايه؟؟؟انا اقولكم فاكر لما كنت بتنزل المسجد كل يوم وتصلي التراويح .وانت فاكره ؟؟.فاكره لما كنت بتدعي ربنا كل يوم .؟.طب فاكرين كلنا لما كنا بنحاول نتحرى ليله القدر.وازاي كنا بندعي ربنا كل يوم انه يعتقنا من النار ويكتبنا من اهل الجنه .طب فاكره لما في ليله من الليالي حسيتي بقربك من ربنا وبقيتي بتبكي من الخشوع .وانت فاكر لما وعدت ربنا انك مش حترجع للذنب الفلاني تاني .ايه رايكم افتكرتوا وللا لسه ها ؟حاسس بايه؟وانت حاسه بايه؟ .عارف ايه اللي حصل بعد كده ؟انا اقولك.رجعت تاني زي ماكنت بطلت تنزل المسجد. ده حتى الصلاه بقيت بتضيعها ! وانت رجعتي تلبسي ضيق وتكلمي ولاد تاني .نسيتي دموعك اللي نزلت من كتر خشوعك ؟.طب بلاش كده نسيتي كل اللي ربنا عملهولك .تحبي افكرك؟؟فاكره يوم ما عملتي الغلطه الفلانيه وخفتي مامتك تعرفها وربنا سترك .وانت فاكر لما كنت في الأمتحان ونسيت الأجابه وربنا فكرهالك .كنتوا ناسيين صح !!!ودلوقتي افتكرتوا .حتقلولي وبعدين حنعمل ايه .ده ربنا عملنا حاجات كتيره اوي واحنا وحشين اوي .انتوا عارفين د ه ربنا بيقول في حديث قدسي(من اتاني منهم تائبا تلقيته من بعيد ومن اعرض عني ناديته من قريب)تخيل انت بتبعد عن ربنا وهو بيناديك انت بتعصيه وهوبيقولك عبدي اين تذهب ؟الك رب سواي ؟الحسنه عندي بعشر امثالها وازيد والسيئه عندي بمثلها واعفوا وعزتي وجلالي لو استغفروني منها لغفرتها لهم.....يبقى احنا مش مطلوب مننا نبقى ملايكه ومنغلطش لاننا لازم نغلط علشان احنا بشر .بس على طول نعرف غلطنا ونستغفر عنه وحتلاقي ربنا غفور رحيم .لان سبحانه وتعالى هواللي قال(ياابن ادم لو لقيتني بقراب الأرض خطايا ثم لقيتني لا تشرك بي شيئا لاتيتك بقرابها مغفره)

**..●●**آه...لو**●●..** · 10-11-2008 08:36 PM

الله يا حجازي
مش قادر اقول غير الله
ولما اعرف ان ليا رب كده بابتسم وانا حزين
واقوله يا رب انا عاوز ادخل جنتك معتمد على مغفرتك مش ع اعمالي
يا رب ارزقنا الجنه
وربنا يكرمك يا حجازي
ويجمعنا في حوض النبي يوم القيامه

**Hegazy** · 10-11-2008 10:31 PM

يا رب يا تفاتيفى انشاء الله ربنا يسمع منك و منا ياااا رب

ميرسى يا مان على المرور و الرد

**Dr_Matrix** · 10-11-2008 10:38 PM

يا رب رحمتك ومغفرتك ليا ولكل المسلمين اجمعين

حجازي والله انت البوب بتاع المنطقه دي كلها

تحياتي لك يا مان وتسلم من كل شر
ودمت لنا زخرا

**بسمة** · 11-11-2008 01:50 AM

اللهم أغفر لي خطيئتي وجهلي وإسرافي في أمري، وما أنت أعلم به مني
اسعدني موضوعك شكراااا

**Hegazy** · 12-11-2008 02:33 PM

ربنا يخليك يا مظبطنى

ميرسى ذئبه على المرور و الرد

**| Nadooosh ●** · 12-11-2008 08:31 PM

تسلم يا احمد

توبيك اكتر من رائع

ربنا لا تؤاخذنا ان نسينا او اخطأنا ربنا ولا تحملنا مالا طاقة لنا بة ربنا ولا تحمل علينا اصرا كما حملتة على الذين من قبلنا