كلنا نقول البقاء لله لنهى علشان والدها

**noha** · 19-08-2009 07:03 AM

ربنا يخليكم كلكم واكلمكم في افراحكم يارب
انا نفسي بس اقوله انه وحشني اوي اوي اوي اوي اوي اوي
وهو نايم تعبان وانا كنت معاه وبيقول حوش عني يارب كان يقوم كمان قايل حوشي عني يا نهى انا عاوزه بس اقوله لو كنت اطول ياقلب بنتك وعمر بنتك وحبيب بنتك كنت فديتك بعمري وحياتي واديتك عمري كله كنت بتمنى من ربنا انك تفرح بحد فينا من اخواتي كان نفسي تشوف احفادك ياحبيبي واللهم لا اعتراض على امره اللهم لا اعتراض يارب يرحمك ويجعل قبرك روضه من رياض الجنه ويجعلك مع الشهداء والانبياء وبحبك اوي يابابا يااحن واغلى واحب بابا شفته في الدنيا
وحشتني اوي وحشتني اوي يابابا مش تزعل مني علشان خاطري لو بكيت عليك والله انا لو بكيت ببكي بس لفراقك مش اعتراض على امر الله نفسي اجيلك يابابا نفسي ارتاح زيك واجيلك يابابا ياحبيبي حزن العالم كله ياحبيبي مش هيكفيني في بعدك وفراقك عني يارب يرحمك يارب

اسفه اذا كنت طولت ياجماعه معلش انا اسفه وربنا يخليكم

**المشاكس** · 19-08-2009 08:25 PM

البقاء لله وانا لله وانا الية راجعون ربنا معاكي

**jane dark** · 19-08-2009 09:47 PM

البقاء لله
اولا بعد الشر عنك كل انسان ليه ىمعاد محدد هيمشى فيه محدش هيقدمه ولا ياخره
انا مقدر حزنك على باباكى بس كل حاجه بتولد صغيره وبتكبر مع الايام الا الحزن بيتولد كبير ويصغر يوم بعد التانى اللهم الهمك انتى واهلك الصبر والسلوان ويجعل قبره روضه من رياض الجنه ويجعله مع الانبياء والصديقيت والشهداء
انا نفسى بابايا مات على ايدى انا وعمرى ما هنساه
بس ياترى اول يوم مات فيه زى دلوقتى لا طبعا بس بدعيله طبعااااااااااااا بالخير والمنزله الصالحه باذن الله وكل اموات المسلمين
معلش طولت عليكم بيس حبيت اقول كده
وقلوبنا كلنا معاكى يا نهى ويلهمك الصبر باذن الله احتسبيه عند الله وهيشفعلك يوم القيامه باذن الله
عشان تاخدى جزاء الصابرين

**imported_محمد الديب** · 19-08-2009 10:12 PM

البقا لله وانا حزين جدان للى حصل

**اية...** · 19-08-2009 10:36 PM

البقاء لله يا نهى
ان لله وانا اليه راجعون
وربنا يصبرك

**صوفى** · 19-08-2009 10:49 PM

معلش يانهى ده قضاء ربنا
وربنا يلهمك انت والاسرة الصبر والسلوان والله يانهى انا والدى متوفى من اربع اشهر بعد صراع مع الموت اكتر من سنتين وكان خلاص قرب يخف وفجاة اتوفى فى حادثة عربية تخيلى
انا بس حبيت اقولك علشان تعرفى انها اسباب بس وربنا يصبرك والله حاسه بيكى بس معلش ان لله وان اليه راجعون
والبقاء لله وحده

**noha** · 19-08-2009 11:07 PM

متحرمش منكم ياسمسم انت وجان ومحمد الديب وايه وصافي وعقبال مااجاملكم في افراحكم يارب وانا اسفه اذا كنت ضايقتكم معايا وربنا يصبرك ياجان ويصبرك ياصافي ويصبرني ويصبرنا على فراق حبايبنا ومتحرمش منكم بجد مكنتش اعرف اني غاليه عليكم كده وبجد ربنا يخليكم ويفرحكم دايما

**بسمة امل** · 20-08-2009 01:39 AM

البقاء لله

الله يصبرك يانهى و يصبر كل اهلك على فراقة

**noha** · 20-08-2009 05:09 AM

اجاملكم في الافراح يارب كوكي وحخكايه وابرام وهمسه وملكة الرومانسيه وفالن وعمر ونونيا ونادر وحاتم وكل حكايه وانا بجد بحبكم اوي كلكم زي اخواتي واجاملكم في افراحكم دايما يارب