يا ترى ايه شكل الحياة من غير نت ؟؟؟؟؟

**Sandrella** · 09-08-2009 10:29 PM

السلام عليكم ورحمة الله وبركاته

تخيل فى يوم صحيت من النوم وفتحت الكمبيوتر بتاعك !!!
اول حاجه هتعملها هتتصل ب بندق صاحب الشبكه وصحيتوا من النوم وقالك طيب ثوانى هتصل بالشركه
كل شويه تتصل بصاحب الشبكه يكنسل عليك
تتخنق وتقول يخربيتك يا ابن التيييييييت والتووت والتوتو كمان ومازال بندق صاحب الشبكه بيكنسل
وبعد عــــــذاب رد ايوه يا بندق النت لسه فاصل رد بندق وقال النت مقطوع فى مصر كلها
فا الطبيعى هتتجه للأختراع القديم التليفاز ومشغل قناة الجزيرة اللى فاضحانا وليقت مكتوب

لقد قرر رئيس الوزاراء المصريين السيد الدكتور ابو العلا الظريف :- الغاء النت فى مصر

اوباااااااااااااااا الدنيا اسودت فى عينيك وحاسس بأن نفسك غامه عليك وعمال تقول لاااااااااااااا لاااااااااااااا

يعنى ايه مفيش هوت ميل مفيش فيس بوك مفيش ياهو مفيش يو تيوب مفيش مفيش ده ظلم بجد حكومه بنت .........توووووووووووت وتوتو وتاتوا

نزلت الشارع الناس ماشية تكلم نفسها وأذ فجأة لقيت مظاهرة لا شوفت ولا هتشوف زيها فى حياتك
تقولش ثورة 19 قامت تانى

" أدى الواد وأدى البت احنا شباب الانترنت"

"مش هنسلم مش هنعود احنا شباب الداون لود"

"اريد حلا خاطيبى فى الأمارات يا ناس "

"من حقنا من حقنا نلاقى نت يلمنا"

آراء مختلفة فى الشارع

الموظف :- الحمد الله كده انا وفرت فلوس من مصروف البيت حق الاشتراك غير فاتورة الكهرباء بسبب المدعوء الكمبيوتر

ربة منزل :الواد يبقى قاعد بياكل وفجأة يتنفض من على السفرة ويقولى ال ايه برب يا اما

دولى (طالبة كلية تجارة):بجد ده ظلم انا بعمل عليه ابحاث

سالى (طالبة آداب انجلش): انا مقدرش استغنى عن النت انا طول الليل بترجم الماده من على جوجل

احمد (طالب كلية حقوق): انا طول الليل اخطط لمستقبلى (ههههه طبعا بيتسلى مع بنت من امريكا )

لولا (طالبة شارع الهرم ): انا حولت شغلى كلوا على الانتر نت زرونى على الفيس بوك هتلاقوا فديو واوديو وصور وكل حاجه

ام محمد (مواطنه ماشية فى الشارع ): نت ايه وابصر ايه كيلوا اللحمه بقى 45 جنيه

سيكا فارم :- يابنى انا صاحب جروووب انت مش مقدر حجم المسئولية اللى انا فيها
كل دول قالوا رايهم فى موضوع النت

يا ترى ايه رايكوا انتوا كمان ؟؟؟؟؟؟

**| MonyanA ●** · 09-08-2009 10:35 PM

ههههههههههههههههههههههههه
ههههههههههههههههههههههههه
جميييييييييله جدا
تسلمى يا عسل

**Sandrella** · 09-08-2009 10:42 PM

ميرسى ليكى ياجميلة عالمشاركة
بس يلا قوليلى رايك ايه ؟؟؟؟؟

**| MonyanA ●** · 09-08-2009 10:46 PM

بصراحة الحياه من غير نت مش حياه
تصدقى ان النت بقى دلوقتى اهم من المياه والكهربا
يعنى لو قطعوا مش مشكلة
انما النت يقطع دى تبقى مصيبة

**Karmouty** · 09-08-2009 11:14 PM

والله هو بيوضح اننا بنمهمل حاجات تانية
والفرق دة بان عندى لما النت قطع اسبوع لقيت نفسى بعمل حاجات مهمة والنت كان مخلينى انساها

بس بجد النت مهم جدا للاتصال بالصدقاء وكدة يعنى

**Sandrella** · 09-08-2009 11:25 PM

هى اكيد مصيبة ان النت يتقطع
بس على رايك قرموطى بيلهينا عن حاجات كتير
الوقت قدامه بيعدى تقولوش نفاسة
عموما ميرسى عالمشاركة الجميلة واسعدنى ابداء ارائكم

**| لولا ●** · 09-08-2009 11:32 PM

والله قطع النت ده هيبقى مشكلة كبيرة جدااااااااااا الشبا ب دلوقتى قاعدة على النت تخيلى بقى النت قطع هتلاقى الشباب ترجع تقعد على القهاوى وفى الشارع وهيتجهوا لحاجات غلط كتير ربنا يستر عليهم يا رب بس بجد النت مهم جدا جدا جدا فى حياتنا كلنا وشكرا سندريلا لموضوعك

**Jasper** · 10-08-2009 01:05 AM

انا لما النت بيتفصل من عندى 5 دقايق ببقى هتجنن فلو قطعوا النت هقدم على هجره وشكرا على الموضوع الجميل

**Spider GirL**(•'.'•) · 10-08-2009 01:25 AM

النت مهم جدا
لكن احنا حصرنا حياتنا كلها فى النت ونسينا الأولويات
بالنسبة لى انا لو فصل عن مصر كلها مش هضايق اوى يعنى ماهو عليا وع غيرى
واللى بعمله ع النت اكلم صحابى مش مشكلة فى تليفونات
منتديات مش مشكلة بردو ماهو أصلا مفيش حد هيدخل
بس اكيد هتضايق شويا
بس هتأقلم
شكرا سندريلا