خطاب اخر زمن!!!!!!

**| Mannora ●** · 07-09-2008 01:45 AM

رابطة برسيم
لا لا دى
حبة ورود جابها محروس
داخل بيقول ماما ماما فين الأمورة
اول مادخلت شوفت المحروس
قلت لا دى مصر المحروسة
شخص قدامك اه بعنيين لكن دى مش عيون
دى ابسط مانقول حفرتين سوود مدلدل منهم حبة رموش
ويارتها رموش فيها حاجات صفراء ولازقة
ولما أساله يقول
ماما ماما فين الصابون
صابون ايه يامحروس ده انت بدك لتر جاز وكلور
خلاص خلاص
نسيت العيون طب الايدين
بخاف اسلم احسن ينسى المحروس ويبوس ملاقيش صابعى الصغيور وبعده ملاقيش اللى جنب الصغيور
ياساتر لما يجى يقول انا نفسى اقول بس مكسوف
قال ايه محروس مكسوف مكسوف من ايه (قال ايه عايز يروح الbath room)
خلاص خلاص
نسيت الحفرتين والايدين
طب اعمل ايه فى كرش المحروس
ده انا علشان اسلم
احسن لى اخليها لمس اكتاف
ياااااااااااااااااااااااا اااااااااااااااااه
دى الأخبار بتقول ان فى جاموس مطلوق
قلت
يكونش انت يامحروس
يا عريس الغفلة ياأمور
محروس عايز عروسة وأنا بقى لاقيت العروس
بنت اصول
جاموسة جبتهاله من السلخانة وهى بتقول
هاااااااااااهاااااااااااا اااا فين محروس انا كنت همووووووت
بحبك يامحروس قال ايه الندل ساب حبيبته
وجاى يقول
ماما ماما فين الأمورة
يلا ايامنا عجب والرجاله بقى دى حالها ربنا يرحم ايام زمان
لما كان فى رجاله
معلش يا بنات ده حال الدنيا ولكن فرج الله قريب
ههههههههههههههههههههههههه هه

**رايق** · 16-09-2008 10:32 PM

ردى المرة دى مش هقول ليكى( شكرا )

لآنه سبق واتكتب قبل كده بس على العموم اهو كويس
احسن من مافيش

**| Mannora ●** · 19-09-2008 06:30 AM

ماشى يا عم هتشوف...........

ومقبوله منك

**Hegazy** · 20-09-2008 11:15 PM

جى جى كنت بعزك

بس برضه بعزك

بس مش هرد عليييكى

**| Mannora ●** · 17-10-2008 03:38 AM

كده ما تردش عليا انا زعلانه

بس على العموم شكراااا

**Gana** · 17-10-2008 05:40 PM

الموضوع روعه روعه اللى مابيردش يبقى هو شايف نفسه كد

**| Mannora ●** · 17-10-2008 07:12 PM

اخيرا حد من بنات حوا دخل الموضوع علشان ينصفنى وكمان انا بضم صوتى ليكى يا ميرو

**● **TiTaNiC LoVeR** ●** · 18-10-2008 09:33 AM

على رأى منتوسه
بلا نيله
هههههههه
على العموم عشان انا تعبت نفسى وقريت الموضوع بس
هقول شكرا
ومن غير نفس

**Vet.Medo** · 19-10-2008 09:01 PM

ليه كده يا جيجى . ما احنا كنا كويسين . وبعدين بلاش كلام فى السياسه ماشى
و بلاش العنصريه دى . وبعدين الحمد لله لسه فيه رجاله
وبلاش التعقيد ده وفكيها شويه يا ساتر

**..●●**آه...لو**●●..** · 21-10-2008 05:29 PM

تؤتؤتؤتؤتؤتؤ
ليه كده يا جيجي
هنشتغل في الاصفر
ع العموم اللي ع راسوا بطحه يحسس عليها
وان كان مش عاجبكم محروس فاستنوا لغايه متبقوا جاموس وساعتها هتحبوا محروس
سي يو جيجي