يا بناااااااااات خلوا بلكم من نفسكم

[عاشق البحر]

موضوع النهارده خطير ياجماعه

بس والله انا بكتبه ابتغاء مرضات الله وبحاول احمى بيه البنات من مصايب شفتها بعينى

باختصار ياجماعه انا ليا واحد صاحبى عامل منتدى والحمد لله المنتدى مشهور وشغال تمام المهم الكلام جاب بعضه وانا قاعد معاه النهارده فى البيت واعترفلى بمصايب بيعملها بالمنتدى بتاعه داه وازاى هو بيكسب فلوس من وراه

تخيلوا يابنات ان معظم اصحاب المنتديات بيكسبوا من ورا فضايح البنات

والله الذى لا اخشى سواه ولا ابغى الا مرضاته وخوفا عليكن بنات العرب اذكر هذا

على لسان صاحبى

بقوله انت بتكسب فلوس من ورا المنتدى داه ازاى

قاللى بص يا عم كريم الموضوع بسيط جدا

انا صاحب المنتدى ومعايا الاى بيهات بتاعة كل الاعضاء واقدر اخش ع الخاص بتاعتهم واعرف كل حاجه عنهم من غير ما يعرفوا

وفيه اصحاب النفوس الضعيفه من رجال الاعمال والمتيسرين بيدفعولى فلوس عشان اظبطلهم ايميلات بنات ببقه عارف انهم من الخاص ولا مؤاخذه ومهمتى اصطاد الاى بى بتاع جهاز الضحيه واراقبها وامسك عليها كل البيانات اللى انا عاوزها واسلمها للتاجر اللى هيدفع بعد ما يكون اتفرج على صور الضحيه ويقوموا بتحويل الفلوس على حسابى فى البنك

وكمان فيه منتديات بتدفع فلوس لا تصدق لانها بتهتم بفضايح الشات اللى هى مهمتى انا واصحابى طبعا
بمعنى انى بصطاد الايميلات واظبط حبايبي بيها عشان يتعرفوا على البنات ويصطادوا الكاميرا بتاعتهم ويسجلوها وكل واحد وشطارته اللى يعرف يجيب فضيحه احسن من التانى يقبض اكتر من التانى

ومن ضمن حكاياته ان فيه واحد مصرى عايش فى الكويت مشترك معاه فى المنتدى كانت علاقاته كتير ببنات المنتدى كتيره وكان متسيط فى المنتدى المهم انه لفت انتباه واحد صاحبنا فحب انه يفضحه فعمل حوار على صاحبنا صاحب المنتدى عشان ياخد خصائص الادمن ويقدر يعرف الاى بى بتاع جهاز الراجل داه

المهم صاحبى اداله الميزة دى وميعرفش هو مخبى ايه
قام الباشا استلم صاحبنا بالله وسلط عليه واحده صاحبته توقعه فشر اعماله وصورت الكاميرا بتاعته وادت الصور لاخينا قام نشرها فى المنتدى وفضحه طبعا الصور اتحزفت من الادارة بسرعه بس ناس كتيره كانت عرفت الفضيحه والخبر اتنشر وصورة العضو المحترم اتكشفت والناس كلها عرفت هو بيعمل ايه ع الخاص
طبعا صاحبى راح زار الباشا فى البيت وقاله منك لله طيرت منى 500 ريال كنت بقبضهم شهريا من الراجل داه حرام عليك انت خربت بيتى وطيرته منى
قاله يعنى انت كنت عارف هو بيعمل ايه
صحبى قاله يابن الناس وانا مالى متسيبه يعيش ماهم بنات....... ويستاهلوا وبعدين الراجل متجوز ومعاه فلوس وبيعيش حياته الدور والباقى علينا احنا اللى لسه بنكون نفسنا يبقه ليه ما نقبضش منه

مش عاوز اطول عليكم اكتر من كده عشان فيه فضايح كتيره صاحبى قالهالى والله

بس انا عاوز بس انبه كل بنات المنتديات ياريت ياجماعه مفيش خاص ومفيش كاميرا وخافوا على نفسكم ارجوكم
احنا عندنا ولايا ربنا يسترها علينا وعليكم ويارب انتقم من اصحاب النفوس الضعيفه واعداء الاسلام اللى كل همهم فضايح المسلمين

ويارب الموضوع داه ما يتحزف وياريت الكل ينشره ابتغاء مرضات الله وحمايه لشرف اخواتنا وبناتنا

منقوووووووووووووووول

[| لولا ●]

استغفر الله العظيم الدنيا ما بقاش فيها خير ارحمنا برحمتك يا رب من الناس اللى ما عدش عندها ضمير وحسبى الله ونعم الوكيل فى كل واحد يفضح بنت او يشهر بيها ايه
اللى بيحصل احنا فين حتى المنتديات اللى الواحد بيدخلها عشان يرتاح من مجهود طول النهار يقوم يتفضح فيها بجد الموضوع ده نبهنى لحاجات كتيرة جدا وربنا يستر علينا وعاى امة المسلمين يا رب العالمين وشكرا ليك عاشق لموضوعك ونصيحتك الهامة جعله الله فى ميزان حسناتك

[عاشق البحر]

شكرا لولا على المرور
وربنا يسترها

[| المقصرة في حق الله ●]

مندخلش عالنت تاني؟؟؟؟؟؟؟؟؟

[Messi]

الحق يا شومان
انت اتفضحت يا معلم

هههههههههههههههه

انا بهزر طبعا
ياريت كل الآدامنز يكونوا زى شومان
وربنا يسترها على البنات
بس هم برضو المفروض يختاروا المنتديات اللى يدخلوها
وشكرا يا باشا ع التنبيه

[بسكوتة]

يارب أحفظنا وأحفظ بنات المسلمين وأكفينا شر الانترنت ده . ويارب انتقم من اصحاب النفوس الضعيفه واعداء الاسلام اللى كل همهم فضايح المسلمين

[بسكوتة]

شكرا ع الموضوع

ياريت كل انسان قبل ما يعمل اى شيء يفكر فيه شوية
اذا كان ده صح ولا غلط
او هيأذى بيه حد . ويفتكر كمان ان كما تدين تدان ( يعنى كله سلف ودين ) زى ما بيقوله
واللى مش هترضاه ليك ماترضهوش لغيرك

وربنا يهدينا جميعا

[LovelyGirl55]

ايه ده ايه الكلام ده
هو الواد شومان يقدر يعمل حاجة زى دى
دى كنت اقطعه ولا ايه يا بنات
شكرا عاشق ع المعلومة

[| Tears Of The Moon ●]

هههههههههههههه
والله العظيم يا جدع الجدع ده بيقول حاجات غريـــــــــبة
سعادتك
أكيد غلطان فى العنوان
سعادتك أكيد بتعرف تقرأ كويس
وشايف التكست
المنتدى ليس بعدد أعضاءه وإنمــا بترابط أعضاؤه كأسرة واحدة
وثرأته
وفعلا زى ما ميسى قال
ياريت كل الأدمنز يبقــوا زى شومان وشومان وشومان برضو
ما تحاولش تقنعنى بقــى
ان حد هنا هيبعد بخياله ويفكر لمجرد تفكير انه يعمل اللى بتقول عليه ده
كلنا هنا أســـــــــــرة
صبح صبح يا ريس
انت الراجل بتاع التاكسى ضحك عليك ولا إيــه؟
جابك عنوان غلط

غــدا ألقــاك

[عاشق البحر]

اولا شكرا على المرور
ثانيا وده الاهم
المنتدى بصراحه مفيش زيه
وشومان والله راجل زى الفل
اما المقصود كله من الموضوع
ان ممكن يكون الواحد مشترك فى اكتر من منتدى
والى مش هيحصل لها من المنتدى ده حاجه
ممكن يحصل من غيره
فكل الى قصدى فيه الحزر وربنا يسترها