تخيل كلنا مع بعض و فى يوم زى ده هيكون ربنا فرحان بينا أد إيه؟؟

**● **Snow White** ●** · 06-12-2007 11:52 PM

الموضوع جميل وكلنا أكيد نتمنى انه يحصل الموضوع هو:

يوم عرفه إلى هوا اليوم التاسع من شهر ذي الحجة الموافق الثامن عشر من ديسمبر (السنة دى) أكيد مش هنسيبه يعدى زى اى يوم لازم نغتنم الفرصة

ماتيجو نتفق على حاجتين

الاول

إننا نصوم اليوم ده لو عرفت ثوابه أكيد هتصومه

صيام يوم عرفه:يكفر سنتين من الذنوب سنه ماضيه و سنه أتيه وهو يوم يباهى الله به الملائكة وقال رسول الله صلى الله عليه و سلم :"من حفظ لسانه و سمعه يوم عرفه غفر له إلى يوم عرفه القادم" صدق رسول الله صلى الله عليه و سلم

كده يبقى أكيد كلنا إن شاء الله موافقين على الصيام

ثانيا

ودي بقه عمليه اكتر من الأولى

صلوا على النبي

أكيد ختم القران في يوم زى ده حاجه عظيمه جدااااا وكل واحد نفسه يعملها بس بحكم الامتحانات و الالتزامات مش ممكن نقراء القران كله في يوم واحد؟؟؟؟

لا ممكن إزاى؟

هنقسمه علينا على حسب إلى هيشترك يعنى مثلا في (30) واحد دخل وقال أنا هشترك معاكو يبقى كل واحد هيقرا جزء من القران وهكذا وقبليها بكام يوم كل واحد ياخد الجزء بتاعه باسم السورة و رقم الآية على حسب العدد إلى هيشترك وكلنا هنقرا في نفس اليوم و بنفس النية يبقى الثواب يعم ونخده كلنا إن شاء الله

ملحوظه هامه: ياريت إلى هيقول أنا هشترك معاكو يبقى أد الكلام عشان إللى هيسيب آية يبقى أحنا مختمناش كلنا ياريت نفكر كويس في الموضوع ونخده على محمل من الجد

**| **المقصرة في حق الله** ●** · 07-12-2007 10:46 AM

تسلم ايدك يا سنو على الموضوع الجميل فكرة جميلة جدا

**Messi** · 07-12-2007 01:18 PM

شكراااااااااااااااااااااا اااااااا يا اسنو وايت وانا معاكم ان شاء الله

**| **المقصرة في حق الله** ●** · 08-12-2007 03:08 PM

انا معاكي يا سنو

**| Nadooosh ●** · 08-12-2007 04:22 PM

وانا كمان موافقة وموافقة جدا كمان وهستنى بقية الاتفاق

**..●●**آه...لو**●●..** · 08-12-2007 05:00 PM

انا معاكي بس عايزين الناس تكتر علشان نعرف احنا قد ايه وعشان كل واحد عليه كام جزء

**| **Silent Guardian** ●** · 08-12-2007 05:48 PM

و انا كمان معاكوا
و الف شكر يا سنو على الفكرة الجامدة
و ربنا يوفقنا كلنا
امين
و بخصوص

فاحنا لحد دلوقتي
1- سنو وايت
2- ميني
3- ميسي
4- مينتوسة
5- تفاتيفاك
6- أنا الساحر
و اللي بعدي بقى يقول رقمه عشان نعرف في الاخر بقينا كام واحد
و يا بختك يا سنو هتاخدي ثوابنا كلنا

**● **Snow White** ●** · 08-12-2007 06:21 PM

شكرا شكرا
minnie
messi
mintoosa
tafafefak
the magician
و ياريت اى حد يعرف يوصل الموضوع لحد على المنتدى ويقدر يشارك معانا يوصلهولو عشان نتكر و الثواب يكتر
وربنا يسهل